Matsɛmɛ I, 8:34 - BAIBLO ALOO NGMAMI KLƆUKLƆU Ɔ

³⁴ moo bu mɛ tue ngɛ hiɔwe. Ngɔɔ yayami nɛ o ma a pee ɔ ngɔ pa mɛ, nɛ o kpale mɛ kɛ ba zugba a nɛ o ngɔ kɛ ha a nɛmɛ ɔmɛ ɔ nɔ ekohu.

Matsɛmɛ I, 8:34 ပူးပေါင်းရင်းမြစ်များ

Amos 7:2

Benɛ baalɛ ɔmɛ miɔ nɛ a ma kpe nga mumu ɔ tsuo ta zugba a nɔ ɔ, i fa kue ha Nyɔmtsɛ Yawɛ ke, “Nyɔmtsɛ Yawɛ, i kpa mo pɛɛ, ngɔɔ o ma a he yayami ɔ kɛ pa mɛ! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Daniel 9:19

Nyɔmtsɛ, bu wɔ tue! Nyɔmtsɛ, ngɔɔ kɛ pa wɔ! Nyɔmtsɛ, moo bu wɔ tue, nɛ o pee he nɔ́ ko ha wɔ! Koo to tsle, bɔ nɛ pee nɛ nɔ tsuaa nɔ nɛ le kaa Mawu ji mo! O ma a kɛ e mi bi ɔmɛ ɔ, o níhi ji mɛ.”

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

Yeremia 31:27

“Imi Yawɛ, i ngɛ dee ke, be ma nɛ ma ha nɛ nimlihi, kɛ lohwehi ma hyi Israel zugba a, kɛ Yuda zugba a nɔ tɔ.

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

Matsɛmɛ I, 8:30

Ke o tsɔlɔ, aloo o ma, Israel ba hiɛmɛ nɛ ɔ ba kpa pɛɛ ɔ, o nu ngɛ o hi he ɔ ngɛ hiɔwe, nɛ o ngɔ pa wɔ.

Yoshua 21:43

Yawɛ ngɔ zugba a tsuo ngɔ ha Israel bi ɔmɛ kaa bɔ nɛ e ka a nɛmɛ ɔmɛ kita ke e ma ha mɛ ɔ. Benɛ a nine su zugba a nɔ ɔ, a hi lejɛ ɔ.

Mose II, 6:8

Ma ngɔ nyɛ kɛ ya zugba nɛ i wo si kaa i kɛ ma ha Abraham, Isak, kɛ Yakob ɔ nɔ; ma ngɔ kɛ ha nyɛ, nɛ e maa pee nyɛ nitsɛmɛ nyɛ nɔ. Imi Yawɛ nɛ i de.’ ”

Mose I, 13:15

Zugba a nɛ o ngɛ hyɛe ɔ, ma ngɔ lɛ tsuo kɛ ha mo, kɛ o nina, nɛ e maa pee nyɛ nɔ kɛ maa ya neneene.

Matsɛmɛ I, 8:33

“Ke o ma, Israel a he nyɛli ba ye a nɔ ngɛ yayami ko nɛ a pee kɛ si mo he, nɛ a pia a he, nɛ a ba we nɛ ɔ mi ba kpa mo pɛɛ kɛ he si bami ɔ,

Matsɛmɛ I, 8:35

“Ke o tsi hiɔmi nya ngɛ yayami ko nɛ o ma, Israel pee kɛ si mo he, nɛ pee se ɔ, a tsake a tsui nɛ a ba we nɛ ɔ mi ba kpa mo pɛɛ kɛ he si bami ɔ,

La 85:2

O ngɔ o ma a tɔmi ɔmɛ, kɛ a he yayami ɔmɛ tsuo kɛ pa mɛ.

Mose V, 30:1

“Jehanɛ, i ngɔ gbaami kɛ gbiɛmi ngɔ pue nyɛ hɛ mi, nɛ́ nyɛɛ hla mi nɔ́ nɛ nyɛ suɔ. Ke ní nɛ ɔmɛ tsuo ba nyɛ nɔ, nɛ nyɛ ya je ma je li a kpɛti, he nɛ Yawɛ, nyɛ Mawu ɔ gbɛ nyɛ ngɔ fĩa a, nyɛ ma kai níhi nɛ i ngɔ pue nyɛ hɛ mi ɔ.

Mose V, 30:4

Ke kaa je ɔ nyagbe he tɔɔ po nɛ Yawɛ, nyɛ Mawu ɔ gbɛ nyɛ ngɔ fĩa a, e ma bua nyɛ nya, nɛ e maa kpale nyɛ kɛ ba,

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.