Matsɛmɛ I, 8:10 - BAIBLO ALOO NGMAMI KLƆUKLƆU Ɔ

¹⁰ Benɛ osɔfo ɔmɛ ngɛ kpo jee ngɛ Yawɛ we ɔ mi ɔ, bɔku ba ha lejɛ ɔ.

Matsɛmɛ I, 8:10 ပူးပေါင်းရင်းမြစ်များ

Kpojemi 15:8

Mawu hɛ mi nyami, kɛ e he wami kpetekpleenyɛ ɔ ha nɛ la su ku hyi sɔlemi we ɔ tɔ. Nɛ nɔ ko nɔ ko nyɛ we nɛ e je sɔlemi we ɔ kɛ ya si haomi kpaago ɔmɛ nɛ bɔfo kpaago ɔmɛ kɛ ba a a se po.

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Matsɛmɛ I, 8:11

Bɔku nɛ ɔ ngɛ kpɛe kaa Yawɛ hɛ mi nyami; enɛ ɔ he je ɔ, osɔfo ɔmɛ nyɛ we nɛ a kpale kɛ ya lejɛ ɔ nɛ a ya tsu ní.

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.

Yesaya 6:4

A gbi ɔ ha nɛ Yawɛ we ɔ sisi tomi ɔ mimiɛ, nɛ la su ku hyi Yawɛ we ɔ nitsɛ tɔ.

Ezekiel 10:4

Yawɛ hɛ mi nyami ɔ wo e he nɔ kɛ je kerub ɔmɛ a nɔ kɛ ba da we ɔ agbo ɔ nya. Bɔku ɔ hyi we ɔ mi tɔ, nɛ kue ɔ mi tsuo ngɛ kpɛe hleii kɛ Yawɛ hɛ mi nyami ɔ.

Hagai 2:7

Ma ngɔ je mahi tsuo ngɔ fia si, nɛ a maa muɔ a juetli babauu ɔ kɛ ba hiɛ ɔ, nɛ Mawu we ɔ ma hyi tɔtɔɔtɔ kɛ níhi nɛ a he jua wa.