Matsɛmɛ I, 7:40 - BAIBLO ALOO NGMAMI KLƆUKLƆU Ɔ

^40-45 Jehanɛ, Huram pee buɛhi, sofihi, kɛ kãhi. Yawɛ we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ. Akɔblee kpɔ enyɔ nɛ ma titima amɛ a yi mi. Ya enyɔ nɛ a lo, kɛ mɔmɔ jlasi nɛ a pee kaa kɔsɔkɔsɔ ngɔ ma titima enyɔ ɔmɛ a yi mi. Akɔblee kpɔ kokloohi kaa tso yiblii lafa eywiɛ nɛ a pee ngɔ wo gbaka enyɔɔnyɔ a mi kɛ bɔle kpɔ ɔmɛ. Tlɔɔke nyɔngma. Kã nyɔngma. Nyu nɔ́. Akɔblee na ku nyɔngma kɛ enyɔ nɛ nyu nɔ́ ɔ maa si ngɛ a nɔ. Buɛ ɔmɛ, sofi ɔmɛ, kɛ kã amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he a kɛ pee.

Matsɛmɛ I, 7:40 ပူးပေါင်းရင်းမြစ်များ

Kronika II, 4:8

A kpɛ okplɔɔ nyɔngma kɛ ma Yawɛ we ɔ mi; enuɔ ngɛ hiɔ nɔ, nɛ enuɔ ngɛ muɔ nɔ. A pee sika tsu kã lafa hulɔ.

Matsɛmɛ I, 7:28

Bɔ nɛ e pee mɛ ha ji nɛ ɔ nɛ: e pee akɔblee ní komɛ kɔ nya eywiɛɛywiɛ nɛ a kɛ hɔɔ akɔblee sinya tsohi a mi.

Mose II, 24:6

Mose kɛ muɔ ɔ fa wo kahi a mi; nɛ fa a nɛ piɛ ɔ, e tsɛ̃ ngɔ pue bɔ sami la tɛ ɔ nɔ.

Matsɛmɛ I, 7:39

E kɛ tlɔɔke enuɔ ma Yawɛ we ɔ leneyi je, nɛ e kɛ enuɔ ma omleyi je; e ngɔ nyu nɔ́ ɔ lɛɛ ngɔ ma we ɔ leneyi je kɛ beleku je a kpɛti kɔ nya he ko.

Kronika I, 18:8

Jehanɛ hu, David ya muɔ akɔblee babauu nitsɛ ngɛ Tibhat kɛ Kun nɛ ji mahi nɛ Hadadezer yeɔ a nɔ ɔ. (Pee se ɔ, Matsɛ Salomo sile akɔblee nɛ ɔ kɛ pee akɔblee nyu nɔ́ ɔ, titima amɛ, kɛ akɔblee ní kpa amɛ).

Kronika II, 4:6

Jehanɛ, a pee akɔblee kã nyɔngma; a kɛ enuɔ ma Yawɛ we ɔ leneyi je, nɛ a kɛ enuɔ ma omleyi je. A pee akɔblee kã nɛ ɔmɛ, nɛ́ a fɔ lohwe ɔmɛ nɛ a kɛ ba sã sami bɔ ɔ a he, nɛ a jale a he ngɛ a mi. Nyu ɔ nɛ ngɛ nyu nɔ́ agbo ɔ mi ɔ lɛɛ osɔfo ɔmɛ kɛ ma fɔ a he.

Mose II, 27:3

Moo pee e he ngɛyuhi nɛ a kɛ muɔ la zu, sofihi, kahi, gbowehi, kɛ la jemi ngɛyuhi. Ngɔɔ akɔblee kɛ pee ní nɛ ɔmɛ tsuo.