Matsɛmɛ I, 7:21 - BAIBLO ALOO NGMAMI KLƆUKLƆU Ɔ

²¹ Huram ngɔ akɔblee titima enyɔ nɛ ɔmɛ ngɔ ma Yawɛ we ɔ agbo ɔ nya; e wo nɔ́ nɛ maa si ngɛ leneyi je ɔ biɛ ke Yakin, nɛ e wo omleyi je nɔ́ ɔ biɛ ke Boaz.

Matsɛmɛ I, 7:21 ပူးပေါင်းရင်းမြစ်များ

Kronika II, 3:17

A ngɔ akɔblee titima enyɔ ɔmɛ ya ma Yawɛ we ɔ agbo ɔ nya; a wo nɔ́ nɛ maa si ngɛ leneyi je ɔ biɛ ke Yakin, nɛ nɔ́ nɛ ngɛ omleyi je ɔ lɛɛ a wo lɛ biɛ ke Boaz.

Matsɛmɛ I, 6:3

Kue ɔ nɛ ngɛ Yawɛ we ɔ hɛ mi ɔ kami ji nine mi blimi nyingmi eywiɛ, kaa we ɔ blimi ɔ nɔuu; lɛ e blimi ji nine mi blimi nyingmi enyɔ.

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Matsɛmɛ I, 7:12

Matsɛ we mi kue nguaa a, kpɛti kue ɔ nɛ ngɛ Yawɛ we ɔ, kɛ wayoo ɔ nɛ ngɛ agbo ɔ nya a, tɛ nɛ a kó gbaka etɛ, kɛ seda plai gbaka kake nɛ a kɛ pee gbogbo ɔmɛ.

Samuel II, 7:12

Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma tle nɔ ko si ngɛ o se, nɛ ji mo nitsɛ o mi mi bi; nɛ ma to e matsɛ yemi ɔ sisi.

Matsɛmɛ I, 7:22

Akɔblee kpɔ ɔmɛ nɛ a pee kaa mɔmɔ ɔ maa si ngɛ titima amɛ a yi mi. Bɔ nɛ a pee nɛ a kɛ gbe titima amɛ a he ní tsumi nya ji nɛ ɔ nɛ.

Rut Womi 2:19

Naomi bi Rut ke, “Jije o ya bua ngma fuu nɛ ɔ nya ngɛ? Mawu maa gbaa nɔmlɔ nɛ tsɔ e hɛ mi ha mo kikɛ nɛ ɔ.” Rut de e nganyɛ ɔ ke ngmɔ si he nɛ e ya tsu ní ngɛ ɔ, a tsɛɛ ngmɔtsɛ ɔ ke Boaz.