Matsɛmɛ I, 7:16 - BAIBLO ALOO NGMAMI KLƆUKLƆU Ɔ

¹⁶ Jehanɛ, e pee akɔblee kpɔ enyɔ kɛ ma titima amɛ a yi mi; kake hiɔwe yami ji nine mi blimi nyɔngma.

Matsɛmɛ I, 7:16 ပူးပေါင်းရင်းမြစ်များ

Mose II, 38:28

Sika hiɔ kilo nyingmi etɛ nɛ piɛ ɔ, Bezalel ngɔ eko kɛ pee titima a he gbowehi. E ngɔ eko hu kɛ ha titima amɛ a yi mi, nɛ e kɛ eko poo a mi.

Mose II, 38:19

Titima eywiɛ hɛɛ piɛ ɔ nya bo ɔ, kɛ a nɔ dami nɔ́ eywiɛ nɛ a kɛ akɔblee pee ɔ, se a he gbowe ɔmɛ lɛɛ sika hiɔ a kɛ pee. A kɛ sika hiɔ ha a yi mi, nɛ a kɛ sika hiɔ nɔuu poo a kpɛti.

Mose II, 38:17

A kɛ akɔblee pee titima amɛ a nɔ dami ní ɔmɛ; se a he gbowe ɔmɛ, kɛ mani ɔmɛ lɛɛ sika hiɔ a kɛ pee. A ngɔ sika hiɔ kɛ ha titima amɛ a yi mi. Titima amɛ tsuo nɛ ngɛ piɛ ɔ he ɔ, a kɛ sika hiɔ tsa mɛ ngɛ a kpɛti.

Mose II, 36:38

A pee titima enuɔ kɛ ha tsu nya bo nɛ ɔ, kɛ mɛ hu a he gbowehi. A kɛ sika tsu ha a yi mi, kɛ a kpɛti kla amɛ a he; se a nɔ dami nɔ́ enuɔ ɔmɛ lɛɛ akɔblee a kɛ pee.

Matsɛmɛ I, 7:15

Huram pee akɔblee titima enyɔ; kake hiɔwe yami ji nine mi blimi nyingmi etɛ kɛ ekpa nɛ kpa nɛ kami ji nine mi blimi nyingmi enyɔ kɛ eywiɛ maa kpe he. Puɔ ngɛ a mi, nɛ eko tsuaa eko timi ji nine nguɛ mi eywiɛ.

Matsɛmɛ I, 7:17

E pee ya enyɔ nɛ a lo, kɛ mɔmɔ jlasi nɛ a pee kaa kɔsɔkɔsɔ ngɔ ma titima enyɔ ɔmɛ a yi mi.