Matsɛmɛ I, 7:14 - BAIBLO ALOO NGMAMI KLƆUKLƆU Ɔ

¹⁴ Yalɔyo ko nɛ je Naftali wɛtso ɔ mi ɔ bi ji lɛ; e tsɛ lɛɛ e je Tiro, nɛ akɔblee ga ní tsulɔ ji lɛ. Huram hu akɔblee ga ní tsulɔ kpanaa ji lɛ; nɛ e ba Salomo ngɔ nɛ e ba tsu akɔblee ní tsumi ɔ tsuo.

Matsɛmɛ I, 7:14 ပူးပေါင်းရင်းမြစ်များ

Kronika II, 2:14

E nyɛ je Dan wɛtso ɔ mi, se e tsɛ lɛɛ Tiro no ji lɛ. E le sika tsu, sika hiɔ, akɔblee, dade, tɛ, kɛ tso a he ní tsumi. E tsuɔ bo bluu, bo he jua wawɛ nɛ hɛɛ alamua tu su, kɛ bo tsu he ní. E nyɛɔ nɛ e ngmaa ní kɛ woɔ níhi a mi, nɛ níhi a he foni tsuaa foni nɛ a kɛ maa tsɔɔ lɛ ɔ, e nyɛɔ tsuɔ he ní. Ha nɛ e piɛ o ga ní tsuli ɔmɛ, kɛ o tsɛ David ga ní tsuli ɔmɛ a he kɛ tsu ní.

Yesaya 28:26

E Mawu ɔ lɛ tsɔɔ lɛ ke e pee ja pɛpɛɛpɛ ɔ nɛ.

Kronika II, 4:11

Jehanɛ, Huram pee buɛhi, sofihi, kɛ kãhi. Mawu we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ ɔmɛ Akɔblee kpɔ enyɔ ɔmɛ nɛ ma titima amɛ a yi mi ɔ Ya enyɔ ɔmɛ nɛ a lo kɛ mɔmɔ nɛ a pee kaa kɔsɔkɔsɔ ngɔ ma titima enyɔ ɔmɛ a yi mi ɔ Akɔblee kpɔ kokloohi kaa tso yiblii lafa eywiɛ nɛ a pee ngɔ wo kla enyɔɔnyɔ a mi kɛ bɔle kpɔ ɔmɛ ɔ Tlɔɔke nyɔngma amɛ Kã nyɔngma amɛ Nyu nɔ́ ɔ Akɔblee na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ Buɛ ɔmɛ, sofi ɔmɛ, kɛ faka amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he lɛ a kɛ pee.

Mose II, 36:8

Ní tsuli ɔmɛ a kpɛti ni nɛmɛ nɛ a hɛ mi ngɛ ga saminya a ngɔ bo popoe nyɔngma kɛ pee kpe he bo tsu ɔ. A ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo ɔmɛ, nɛ a kadi kerub saminyawiiwi ngɔ wo a mi.

Mose II, 35:30

Mose de Israel bi ɔmɛ ke, “Nyɛ na, Yawɛ je blɔ hla Uri binyumu Bezalel, Hur bibi ɔ kɛ je Yuda wɛtso ɔ mi,

Mose II, 28:3

Mo tsɛ nihi tsuo nɛ i kɛ ga ní tsumi he juɛmi dloo mɛ ɔ, nɛ o ha a kpɛ Aaron tade ɔmɛ kɛ pee lɛ klɔuklɔu, bɔ nɛ pee nɛ e ye osɔfo kɛ sɔmɔ mi.

Mose II, 35:31

nɛ e ngɔ mumi mi nike ní babauu ngɔ ha lɛ. Yawɛ dloo lɛ ga ní tsumi he juɛmi, kɛ nile ha ga ní tsumi slɔɔtohi tsuo.

Mose II, 35:35

E dloo mɛ ga ní tsumi tsuaa ga ní tsumi he juɛmi, kɛ nile babauu kɛ ha tso, aloo tɛ, aloo dade mi kpɛmi, kɛ ga ní tɛnimi kɛ ní kadimi nɛ a ngɔɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ peeɔ ɔ. A nyɛɔ nɛ a tsuɔ ga ní tsumi tsuaa ga ní tsumi, nɛ a peeɔ ga ní tɛnimi hulɔ.

Mose II, 36:1

“Bezalel, Oholiab, kɛ nɔ tsuaa nɔ nɛ Yawɛ dloo lɛ ga ní tsumi he juɛmi, kɛ nile nɛ a kɛ ma tsu he klɔuklɔu ɔ mami ní tsumi ɔ, mɛ tsuo pɛpɛɛpɛ a ba nɛ a ba tsu ní ɔ kaa bɔ nɛ Yawɛ fa mɛ ɔ.”

Kronika II, 2:6

Se mɛnɔ ma nyɛ maa po we nɛ sa ha Mawu? Hiɔwe lokoo ɔ nitsɛ po klee we ha lɛ. Lɛɛ mɛnɔ ji mi mɔ nɛ ma po we ha Yawɛ, kaa ja he nɛ a maa sã tsopa kɛ e he via kɛ ha lɛ ngɛ kɛkɛ.