Matsɛmɛ I, 6:1 - BAIBLO ALOO NGMAMI KLƆUKLƆU Ɔ

¹ Israel bi ɔmɛ a we Egipt jemi se jeha lafa eywiɛ kɛ nyingmi kpaanyɔ, nɛ ji Israel matsɛ, Salomo tsɛ yemi jeha eywiɛne ɔ we nyɔhiɔ enyɔne ɔ nɛ a tsɛɛ Ziv ɔ mi ɔ, Salomo je Yawɛ we ɔ mami sisi.

Matsɛmɛ I, 6:1 ပူးပေါင်းရင်းမြစ်များ

Ni Tsumi 7:47

Se Salomo mohu lɛ ba ma tsu ha lɛ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Kronika I, 29:19

Ha nɛ ye bi Salomo nɛ ye o mlaa amɛ, o fami ɔmɛ, kɛ blɔ nya tomi ɔmɛ tsuo pɛpɛɛpɛ a nɔ, konɛ e po we ɔ nɛ i dla e he níhi kɛ to ɔ ha mo.”

Matsɛmɛ I, 6:37

A to Yawɛ we ɔ sisi ngɛ Salomo yi nɔ jeha nɛ ji eywiɛ ɔ we nyɔhiɔ enyɔne ɔ nɛ a tsɛɛ Ziv ɔ mi.

Hebribi 11:10

Ejakaa ma nɛ Abraham ngɛ blɔ hyɛe ji ma nɛ Mawu nitsɛ to sisi, nɛ lɛ nɔuu e fia.

Hebribi 9:11

Se Kristo ba kaa osɔfo nɔkɔtɔma pe kulaa kɛ ha blɔ nya tomi kpakpa nɛ wa na nɛ ɔ. Bo tsu nɛ e sɔmɔɔ ngɛ mi ɔ kle, nɛ e hi kɛ pi si. Pi adesa nɛ pee, nɛ tsɔɔ kaa pi je nɛ ɔ mi níhi nɛ a bɔ ɔ eko.

Kolosebi 2:7

Nyɛɛ ngɔ nyɛ he ngɔ mɛtɛ lɛ, nɛ nyɛɛ ngɔ nyɛ he kɛ ha lɛ kulaa. Nyɛ ha nɛ nyɛ hemi kɛ yemi ɔ mi nɛ wa kaa bɔ nɛ a tsɔɔ nyɛ ɔ, nɛ nyɛɛ na Mawu si daa.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

Zakaria 6:15

Nihi nɛ ngɛ se lokoo maa ba nɛ a ba piɛ nyɛ he kɛ ma Yawɛ we ɔ. Kɛkɛ ɔ, nyɛ maa le kaa Yawɛ Tabohiatsɛ ɔ nitsɛ nɛ tsɔ mi nyɛ ngɔ. Ke nyɛ maa bu Yawɛ, nyɛ Mawu ɔ tue anɔkuale mi ɔ, lɛɛ ní nɛ ɔmɛ tsuo maa ba mi.

Manyadali 11:26

Jeha lafa etɛ sɔuu nɛ Israel bi ɔmɛ hi Heshbon, Aroer, kɛ kɔpe ɔmɛ nɛ bɔle mɛ, kɛ ma amɛ tsuo nɛ ngɛ Arnon pa a tue ɔ a mi ɔ, mɛni he je nyɛ kpɔ we nyɛ ní jamɛ a be ɔ mi?

Mose IV, 1:1

Benɛ Israel bi ɔmɛ je Egipt zugba a nɔ se jeha nɛ ji enyɔ ɔ, nyɔhiɔ enyɔne ɔ we kekleekle ligbi ɔ, Yawɛ kɛ Mose tu munyu ngɛ kpe he bo tsu ɔ mi ngɛ Sinai nga a nɔ, nɛ e de lɛ ke,

Ni Tsumi 13:19

E kpata je ma kpaago a hɛ mi ngɛ Kanaan zugba a nɔ, nɛ e dla zugba a ngɔ ha e ma a, konɛ e pee a nɔ́.

Matsɛmɛ I, 6:2

We ɔ nɛ Matsɛ Salomo ma ngɔ ha Yawɛ ɔ kami ji gugue nyɔngma kɛ enuɔ, e blimi gugue enuɔ, kɛ e hiɔwe yami gugue kpaago kɛ fa.

Kronika I, 6:10

Azaria (nɔ nɛ ye osɔfo ngɛ sɔlemi we ɔ nɛ Matsɛ Salomo ma ngɛ Yerusalem ɔ),

Ezra 5:11

“Heto nɛ a ha wɔ ji, ‘Hiɔwe kɛ zugba Mawu ɔ tsɔli ji wɔ. We nɛ Israel matsɛ nguaa ko ma nɛ e gbe nya blema lokoo ɔ, lɔ ɔ wa ngɛ mae ekohu.

La 78:69

Lejɛ ɔ lɛ e ma e we klɔuklɔu ɔ ngɛ. We nɛ ɔ ngɛ he wami, nɛ e maa hi si daa kaa bɔ nɛ hiɔwe kɛ zugba ngɛ ɔ pɛ.

Hagai 1:8

Nyɛ ya kuɔ yoku ɔmɛ; nyɛɛ poo tso kɛ ba nɛ nyɛ ba ma Mawu we ɔ ekohu; kɛkɛ ɔ, ma na bua jɔmi, nɛ nyɛ ma ja mi ngɛ lejɛ ɔ.

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.

Mose II, 12:51

Nɛ jamɛ a ligbi ɔ nɔuu ɔ, Yawɛ je Israel bi ɔmɛ kɛ je Egipt zugba a nɔ wɛtso nya wɛtso nya.

Kronika II, 3:3

Yawɛ we ɔ nɛ Matsɛ Salomo ma a, e kami ji gugue nyɔngma kɛ enuɔ, nɛ e blimi ji gugue enuɔ.

Ezekiel 41:1

Pee se ɔ, nyumu ɔ kɛ mi ba Yawɛ we ɔ mi nitsɛ. E susu sinya a nya titima a; kɛ je hiɛ kɛ yaa a, peeɔ gugue kake kɛ fa, nɛ kɛ je hiɛ kɛ yaa hu peeɔ gugue kake kɛ fa; ja nɔuu bo tsu mi blimi peeɔ.