Matsɛmɛ I, 5:9 - BAIBLO ALOO NGMAMI KLƆUKLƆU Ɔ

⁹ Ye tsɔli ɔmɛ maa muɔ tso ɔmɛ kɛ je Lebanon kɛ ba wo ɔ nya, nɛ ma ha a fi mɛ kɛ bla kɛ gu wo nɔ kɛ ya pue he nɛ o maa tsɔɔ mi. Ma ha nɛ a pɛne kpa a ngɛ a he ngɛ lejɛ ɔ, konɛ o ha nɛ a ba muɔ kɛ ho. Ngɛ moo o blɔ fa mi ɔ, ma suɔ nɛ o ha ye we bi ɔmɛ niye ní.”

Matsɛmɛ I, 5:9 ပူးပေါင်းရင်းမြစ်များ

Matsɛmɛ I, 3:12

nɔ́ nɛ o bi ɔ, ma pee ha mo. Ma ha mo nile, kɛ nɔ́ sisi numi babauu bɔ nɛ nɔ ko hí si hyɛ nɛ e kɛ mo sɔ, nɛ o se hu nɔ ko nɔ ko ba be nae nɛ e kɛ mo maa sɔ.

Matsɛmɛ I, 4:20

Nimli nɛ ngɛ Yuda kɛ Israel ɔ hiɛ babauu kaa wo nya zia; a yeɔ ní, nɛ a nuɔ ní, nɛ a náá bua jɔmi.

Matsɛmɛ I, 5:10

Hiram ha Salomo seda tsohi, kɛ sɛsɛo tsohi nɛ e ngɛ hlae ɔ tsuo;

Matsɛmɛ I, 5:8

Lɔ ɔ se ɔ, Hiram ngɔ sɛ gbi ngɔ mane Salomo ke, “O sɛ gbi ɔ ba su mi; nɔ́ tsuaa nɔ́ nɛ o ngɛ hlae ɔ, ma pee ha mo. Ma ha mo seda tsohi, kɛ sɛsɛo tsohi.

Matsɛmɛ I, 9:27

Matsɛ Hiram wo e we akua hluili komɛ nɛ a nine si wa kɛ ní tsumi blɔ kɛ ya piɛ Salomo tsɔli ɔmɛ a he.

Kronika II, 1:15

Salomo yi nɔ ɔ, sika hiɔ kɛ sika tsu hiɛ babauu ngɛ Yerusalem kaa tɛ; seda tso hu pɔ he kaa sikamore tso.

Kronika II, 2:16

Wa maa hɛ seda tsuo nɛ o ngɛ hlae ɔ ngɛ Lebanon yo ɔmɛ a nɔ. Wa maa fi mɛ kɛ bla, nɛ waa kɛ maa gu wo nɔ kɛ ya pue Yopa, konɛ o ha nɛ a ya muɔ ngɛ lejɛ ɔ kɛ ya Yerusalem.”

Kronika II, 9:22

Matsɛ Salomo na ní, nɛ e le ní pe je nɛ ɔ mi matsɛmɛ ɔmɛ tsuo.

Ezra 3:7

Enɛ ɔ he je ɔ, ma a ha sika nɛ a kɛ wo tɛ gbali ɔmɛ, kɛ tso he ní tsuli ɔmɛ hiɔ, nɛ a ha niye ní, dã, kɛ oliv nu, nɛ a kɛ ya he seda tso ngɛ Tiro kɛ Sidon ngɛ Lebanon zugba a nɔ. A kɛ tso ɔmɛ gu wo nɔ kɛ ba Yopa. Persia matsɛ, Sirus lɛ ngmɛ blɔ kaa a pee ní nɛ ɔmɛ tsuo.

Hiob 32:8

Se, Mawu Ope mumi ɔ nɛ ngɛ nɔmlɔ adesa mi ɔ, lɛ nɛ e haa nɔmlɔ nile.

Fiɛlɔ 1:16

I de ngɛ ye yi mi ke, “I pee nɔmlɔ nguaa. Nihi tsuo nɛ ye Yerusalem ma a nɔ kɛ sɛ ye hlami ɔ, i le ní kulaa pe mɛ. Ee, nile ɔ, i kpa lɛ si saminya.”

Ezekiel 27:17

Yuda kɛ Israel zugba amɛ hu kɛ mo ye jua. Ke a ba he ní ɔ, níhi nɛ a kɛ woɔ hiɔ ji ngma, hwo, oliv nu, kɛ tsopa kɛ e he via.

Ni Tsumi 12:20

Herode mi mi fu Tiro, kɛ Sidon bi ɔmɛ wawɛɛ. Lɔ ɔ he ɔ, a bua a he nya, nɛ a ba na lɛ ngɛ Kaisarea. Benɛ a ba a, a ba na Blasto, tsɔlɔ nɛ hyɛɛ matsɛ we ɔ nɔ ɔ, nɛ a kpa lɛ pɛɛ ke e nyɛɛ a hɛ mi kɛ ya matsɛ ɔ ngɔ. Nɛ a ya na Herode, nɛ a kɛ lɛ kpata, ejakaa matsɛ ɔ zugba nɔ ní a yeɔ.

Mose V, 3:25

Yawɛ, i kpa mo pɛɛ, ha nɛ ma po Yordan pa a, nɛ ma ya na zugba kpakpa nɛ ngɛ pa a se ɔ, yo zugba nɛ ngɛ fɛu ɔ, kɛ Lebanon yo ɔmɛ!’