Matsɛmɛ I, 5:3 - BAIBLO ALOO NGMAMI KLƆUKLƆU Ɔ

³ “Mo nitsɛ o le kaa akɛnɛ tsaatsɛ David kɛ e he nyɛli nɛ bɔle lɛ kɛ kpe ɔ ngɛ ta hwue he je ɔ, e nyɛ we nɛ e ma tsu nɛ a ma ja Yawɛ, e Mawu ɔ ngɛ mi kɛ ya si be mi nɛ Yawɛ ha nɛ e ye e he nyɛli ɔmɛ tsuo a nɔ.

Matsɛmɛ I, 5:3 ပူးပေါင်းရင်းမြစ်များ

Kronika I, 28:3

Se Mawu de mi ke, ‘Pi mo nɛ o maa po we kɛ wo ye hɛ mi nyami; ejakaa ta bulɔ ji mo, nɛ o pue muɔ si.’

Kronika I, 22:8

Se Yawɛ de mi ke i pue muɔ si tsɔ, nɛ jehanɛ se hu, i hwu ta babauu tsɔ. Enɛ ɔ he je ɔ, Yawɛ ke e be hae nɛ ma po we ha lɛ.

1 Korintobi 15:25

Ejakaa ja Kristo ye matsɛ kɛ maa su be nɛ Mawu maa ngɔ e he nyɛli tsuo ngɔ wo e nane si.

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 8:6

O pee lɛ níhi tsuo nɛ o bɔ ɔ a nɔ yelɔ. O ngɔ ní nɛ ɔmɛ tsuo ngɔ wo e dɛ mi:

Yoshua 10:24

Benɛ a kɛ matsɛmɛ ɔmɛ ba Yoshua ngɔ ɔ, Yoshua kpee Israel ma a tsuo kɛ ba; nɛ e de asafoatsɛmɛ ɔmɛ nɛ a kɛ lɛ ya ta a ke, “Nyɛɛ hɛ nyɛ kɛ ba nɛ nyɛɛ kɛ nyɛ nanehi ba ma matsɛmɛ nɛ ɔmɛ a kuɛhi a nɔ!” Asafoatsɛmɛ ɔmɛ pee ja.

Efesobi 1:22

Mawu ha Kristo he wami ngɛ níhi tsuo a nɔ, nɛ e ngɔ lɛ ngɔ pee tsɛ ha asafo ɔ, konɛ e ye níhi tsuo a nɔ.

Matsɛmɛ I, 8:19

se kɛ̃ ɔ, tsa pi mo nɛ o maa po we ɔ; mo nitsɛ o bi lɛ ma ba po we ɔ ha mi.’

Kronika I, 28:2

Kɛkɛ nɛ David ba da si ngɛ ma a hɛ mi, nɛ e de ke, “Ye nyɛmimɛ, kɛ ye ma, nyɛɛ bu mi tue! Jinɛ i to nɛ ma po we nitsɛ nɛ a to somi daka a, he nɛ Yawɛ, wa Mawu ɔ hii ɔ ngɛ mi. Nɔ́ tsuaa nɔ́ nɛ he maa hia kɛ ha we nɛ ɔ pomi ɔ, i bua nya.

Mose V, 14:5

odabɔ, anagla, bayelɔ, kɛ nga mi gbe, loo asisã.

Kronika II, 9:4

Jehanɛ se hu, manyɛ ɔ na niye ní nɛ a kɛ to okplɔɔ ha matsɛ ɔ; e na matsɛ sɔmɔli ɔmɛ nɛ a pueɔ si kɛ a he tadehi; e na matsɛ ɔ dã woli, kɛ sami bɔhi nɛ a sãã ngɛ Yawɛ we ɔ. Benɛ Sheba manyɛ ɔ na ní nɛ ɔmɛ tsuo ɔ, e he mi po.

Nehemia 5:17

Jehanɛ, Yuda bi ɔmɛ kɛ a hɛ mi nyɛɛli ɔmɛ a kpɛti nihi lafa kɛ nyingmi enuɔ yeɔ ní ngɛ ye okplɔɔ he daa ligbi; slo nihi babauu nɛ jeɔ je ma amɛ nɛ bɔle wɔ ɔ a mi kɛ baa ye ngɔ ɔ.

Nehemia 5:18

Daa ligbi ɔ, i gbee na ku kake, to nɛ wo zɔ ekpa, kɛ kungwɔhi fuu, nɛ daa ligbi nyɔngma se ɔ, i haa wai he hu babauu. Se kɛ̃ ɔ, enɛ ɔmɛ tsuo mi ɔ, i bi we amlaalo blɔ nya niye ní ɔ si, ejakaa tó nɛ a ngɛ ma a he ɔ nya wa tsɔ ha mɛ.