Matsɛmɛ I, 4:6 - BAIBLO ALOO NGMAMI KLƆUKLƆU Ɔ

⁶ Matsɛ we ɔ nɔ hyɛlɔ ji Ahishar. Nihi nɛ a nyɛ ɔ a nɔ kɛ tsuɔ ma ní tsumi kpakpataa a a nɔ hyɛlɔ ji Abda binyumu Adoniram.

Matsɛmɛ I, 4:6 ပူးပေါင်းရင်းမြစ်များ

Matsɛmɛ I, 12:18

Pee se ɔ, Matsɛ Rehoboam tsɔ Adoniram Israel bi ɔmɛ a ngɔ. Adoniram ji nɔ nɛ hyɛɛ nihi nɛ a nyɛɔ a nɔ kɛ tsuɔ ma ní tsumi kpakpataa a a nɔ ɔ nɛ. Se Israel ma a tsuo fia lɛ tɛ nɛ a gbe lɛ. Rehoboam he esɔ kɛ ya sɛ e ta zugba lɛ ɔ mi nɛ e tu fo kɛ ho Yerusalem ya.

Matsɛmɛ I, 9:15

Matsɛ Salomo nyɛ nihi a nɔ kɛ tsu ma ní tsumi kpakpataa, nɛ e kɛ ma Yawɛ we ɔ, matsɛ we ɔ, Milo mɔ ɔ, Yerusalem gbogbo ɔ, Hazor, Megido, kɛ Gezer ma amɛ.

Samuel II, 20:24

Ni nɛmɛ nɛ a nyɛɔ a nɔ nɛ a tsuɔ ní kɛ haa ma nɛ a wui mɛ hiɔ ɔ, mɛɛ a nyatsɛ ji Adoniram.

Matsɛmɛ I, 4:5

Tsɔli ɔmɛ a nyatsɛ ji Natan binyumu Azaria. Matsɛ ga wolɔ ji osɔfo Zabud, Natan binyumu ɔ.

Matsɛmɛ I, 4:7

Jehanɛ, Salomo pee nyumuhi nyɔngma kɛ enyɔ amlaalohi ngɛ Israel zugba a tsuo nɔ. Mɛ lɛ a ba haa matsɛ ɔ, kɛ e we ɔ niye ní; nɔ tsuaa nɔ ba haa niye ní hlami kake ngɛ jeha mi.

Kronika II, 10:18

Pee se ɔ, Matsɛ Rehoboam tsɔ Adoniram Israel bi ɔmɛ a ngɔ. Adoniram ji nɔ nɛ hyɛɛ nihi nɛ a nyɛɔ a nɔ kɛ tsuɔ ma ní tsumi kpakpataa a a nɔ. Se Israel ma a tsuo fia lɛ tɛ nɛ a gbe. Enɛ ɔ he je ɔ, Rehoboam he sɔ nɛ e ya sɛ e ta zugba lɛ ɔ mi, nɛ e tu fo kɛ ho Yerusalem ya.