Matsɛmɛ I, 4:34 - BAIBLO ALOO NGMAMI KLƆUKLƆU Ɔ

³⁴ Zugba a nɔ matsɛmɛ ɔmɛ tsuo nu e nile ɔ he, nɛ a woɔ nihi blɔ kɛ yaa ya buɔ lɛ tue.

Matsɛmɛ I, 4:34 ပူးပေါင်းရင်းမြစ်များ

Kronika II, 9:23

Zugba a nɔ matsɛmɛ ɔmɛ tsuo hlaa kaa a maa ba Salomo ngɔ nɛ a ba bu nile nɛ Mawu kɛ dloo lɛ ɔ tue.

Matsɛmɛ I, 10:1

Benɛ Sheba manyɛ nu bɔ nɛ Salomo he biɛ ha a, e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Kronika II, 9:1

Sheba manyɛ ɔ ba nu Salomo he sane, nɛ e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa. Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní nɛ ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ kɛ Salomo ba bua a, e bi Salomo munyuhi tsuo nɛ ngɛ e yi mi.

Matsɛmɛ I, 4:33

E tu tsohi a he munyu kɛ je Lebanon seda tso ɔmɛ a nɔ hluu kɛ ya si nga tsɔwi nɛ puɛɔ ngɛ gbogbohi a nɔ ɔ a nɔ. E tu lohwe nane eywiɛtsɛmɛ, pɛlitsɛmɛ, kɛ ní nɛmɛ nɛ sãã si, kɛ lohi a he munyu.