Matsɛmɛ I, 4:13 - BAIBLO ALOO NGMAMI KLƆUKLƆU Ɔ

¹³ Bengeber nɔ́ mi ji Ramot ngɛ Gilead, kɛ Manase binyumu Yair kɔpehi nɛ ngɛ Gilead ɔ. Lɛ kɛ̃ e nɔ́ mi ji Argob zugba a nɛ ngɛ Bashan ɔ nɛ. Ma nguangua nyingmi ekpa ngɛ zugba a nɔ; a fia gbogbo ngɔ wo a he, kɛ a nya agbohi nɛ a kɛ akɔblee pee.

Matsɛmɛ I, 4:13 ပူးပေါင်းရင်းမြစ်များ

Mose V, 3:4

Wa kpɔ a ma amɛ tsuo ngɛ be kake nɔuu mi; e píɛ ekoeko nɛ wa kpɔ we. Mahi tsuo nɛ wa kpɔ ngɛ lejɛ ɔ ji nyingmi ekpa, nɛ ji Argob zugba a tsuo, he nɛ Matsɛ Og nɛ je Bashan ɔ yeɔ tsɛ ngɛ ɔ.

Mose IV, 32:41

Yair nɛ je Manase wɛtso ɔ mi ɔ hu ya tua kɔpe komɛ, nɛ e ngɔ mɛ, nɛ e wo mɛ biɛ ke Havot Yair (e sisi ji Yair kɔpehi).

Matsɛmɛ I, 22:3

Ahab de e tsɔli ɔmɛ ke, “Tse nyɛ le kaa wa ma ji Ramot nɛ ngɛ Gilead ɔ! Mɛni he je mɔ nɛ wa bɔɛ mɔde nɛ wa ya kpɔ lɛ ngɛ Siria matsɛ ɔ dɛ ɔ?”

La 68:15

Mo Bashan yo, yo kpetekpleenyɛ, mo Bashan yo, yo gojogojoohi nɛ tsa!

La 22:12

He nyɛli kpanakuhi babauu bɔle mi kɛ kpe; a he ngɛ gbeye kaa na kuhi nɛ je Bashan zugba a nɔ.

Matsɛmɛ II, 9:14

Yehoshafat binyumu Yehu, Nimshi bibi ɔ so Yoram yi nɔ. Jamɛ a be ɔ, Yoram kɛ Israel ma a tsuo ya sa Siria matsɛ, Hazael yi kɛ wo Ramot Gilead.

Matsɛmɛ II, 9:1

Gbalɔ Elisha tsɛ gbali a kuu ɔ mi no kake, nɛ e de lɛ ke, “Mo dla o he nɛ o hɛɛ nu kɛ tɔ nɛ ɔ kɛ ya Ramot ngɛ Gilead.

Yoshua 21:38

Jehanɛ, a ná ma eywiɛ ngɛ Gad zugba a mi. Ma amɛ ji Ramot ngɛ Gilead (wesa he ma amɛ a kpɛti kake), Mahanaim,

Yoshua 20:8

Yordan pa a beleku je, ngɛ yo zugba kpataa a nɔ, ngɛ Yeriko beleku je ɔ, a hla ma nɛ ɔmɛ: Bezer, ngɛ Ruben zugba a mi, Ramot Gilead ngɛ Gad zugba a mi, kɛ Golan ngɛ Bashan, ngɛ Manase zugba a mi.

Mose V, 4:43

E hla Bezer nɛ ngɛ nga a nɔ ngɛ zugba kpataa a nɔ ha Ruben wɛtso ɔ, Ramot ngɛ Gilead ha Gad wɛtso ɔ, kɛ Golan nɛ ngɛ Bashan ɔ ha Manase wɛtso ɔ.

Mose V, 3:8

“Jamɛ a be ɔ mi kɛ̃ ɔ, wa kpɔ zugba a nɛ ngɛ Yordan pa a beleku je ɔ kɛ je matsɛmɛ enyɔ nɛ ɔmɛ a dɛ, kɛ je Arnon pa a nya kɛ ya si Hermon yo ɔ he.

Mose V, 3:10

Wa ngɔ Matsɛ Og nɛ je Bashan ɔ e zugba a tsuo, mahi nɛ ngɛ yo nɔ zugba kpataa a, kɛ Gilead, kɛ Bashan zugba amɛ a nɔ ɔ, hluu kɛ ya su Saleka kɛ Edrei nɛ ji mahi nɛ ngɛ beleku je ɔ.”

Kronika I, 2:23

Se Geshur kɛ Aram ya ngɔ ma nyingmi ekpa ngɛ lejɛ ɔ; Yair kɛ Kenat kɔpe ɔmɛ, kɛ mahi nɛ bɔle mɛ ɔ hu piɛ he. Nihi tsuo nɛ ngɛ lejɛ ɔ, Makir nina ji mɛ. Makir ji nɔ nɛ po Gilead ma a.