Matsɛmɛ I, 3:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

Matsɛmɛ I, 3:9 ပူးပေါင်းရင်းမြစ်များ

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Abɛ Womi 16:16

Ke o le ní ɔ, e hi hluu pe sika tsu; juɛmi hi pe sika hiɔ.

Hebribi 5:14

Se nihi nɛ wa a, a nɔ ji niye ní nitsɛ. Mɛɛ lɛɛ a tsɔse a juɛmi, nɛ a le slɔɔto nɛ ngɛ kpakpa kɛ yayami a kpɛti.

Yohane 5:30

“I be he blɔ nɛ i peeɔ imi nitsɛ ye yi mi nɔ́ ko. Bɔ nɛ Mawu tsɔɔ mi ke ma kojo ɔ, jã pɛ i peeɔ; lɔ ɔ he ɔ, i yeɔ dami sane. Ejakaa i hla we kaa ma pee nɔ́ nɛ imi nitsɛ i suɔ, se mohu Tsaatsɛ nɛ tsɔ mi ɔ suɔmi nya ní i peeɔ.

Samuel II, 14:17

I heɔ yeɔ kaa munyu nɛ nɛnɛ maa tu ɔ maa jɔɔ ye bua; ejakaa mo nɛnɛ ɔ, o ngɛ kaa Mawu bɔfo; o le slɔɔto nɛ ngɛ kpakpa kɛ yayami a kpɛti. Yawɛ, o Mawu ɔ nɛ e gbaa mo.”

Kronika I, 22:12

Yawɛ, o Mawu ɔ nɛ ha mo nile kɛ juɛmi, bɔ nɛ pee nɛ o ye Israel nɔ ngɛ e mlaa a nya.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Efesobi 5:17

Lɔ ɔ he ɔ, nyɛ ko je kuasia; se mohu nyɛɛ bɔ mɔde nɛ nyɛ yo níhi nɛ ji Nyɔmtsɛ ɔ suɔmi nya ní.

La 119:144

O mlaa amɛ da kɛ yaa neneene. Ha mi juɛmi nɛ kɔɔ nɔ́ se, bɔ nɛ pee nɛ ye yi nɛ na wami.

La 119:34

Ha nɛ ma nu mlaa a sisi, konɛ ma ye nɔ kɛ ye tsui tsuo.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

Mateo 3:14

Jinɛ Yohane ka lɛ blɔ tsimi; e de Yesu ke, “Imi mohu nɛ e hia kaa o sɔle mi ɔ, nɛ moo o ma ye ngɔ nɛ ɔ?”

Fiɛlɔ 7:11

Nɔ tsuaa nɔ nɛ ngɛ je nɛ ɔ mi ɔ, e sa kaa e le ní. Ejakaa nile ngɛ kaa weto ní; e he ngɛ se nami

Abɛ Womi 20:12

Tue nɛ waa kɛ nuɔ nɔ́, kɛ hɛngmɛ nɛ waa kɛ hyɛɔ nɔ́ ɔ, Yawɛ nɛ pee mɛ tsuo ha wɔ.

Kronika II, 1:10

lɔ ɔ he ɔ, ha mi nile, kɛ nɔ́ sisi numi nɛ ma kɛ ye ma nɛ ɔ a nɔ. Ke pi ja a, lɛɛ kɛ ma pee kɛ ye o ma kpetekpleenyɛ nɛ ɔ nɔ kɛɛ?”

Kronika I, 29:19

Ha nɛ ye bi Salomo nɛ ye o mlaa amɛ, o fami ɔmɛ, kɛ blɔ nya tomi ɔmɛ tsuo pɛpɛɛpɛ a nɔ, konɛ e po we ɔ nɛ i dla e he níhi kɛ to ɔ ha mo.”

Filipibi 1:10

konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Fiɛlɔ 7:19

Nile woɔ ní lelɔ he wami kulaa pe ma nɔ yeli nyɔngma nɛ ngɛ ma ko mi.

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

Abɛ Womi 14:8

Ní lelɔ juɛmi tsɔɔ lɛ blɔ nɛ hi. Kuasiahi lɛɛ a juɛmi sisiɔ mɛ.

La 119:73

Mo nitsɛ lɛ o bɔ mi, nɛ o baa ye yi. Ha mi juɛmi nɛ kɔɔ nɔ́ se, konɛ ma kase o mlaa amɛ.

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Matsɛmɛ I, 3:10

Nɔ́ nɛ Salomo bi nɛ ɔ sa Yawɛ hɛ mi.

Matsɛmɛ I, 10:24

nɛ je ɔ tsuo hlaa kaa a maa ba nɛ a ba bu nile nɛ Mawu ngɔ ha lɛ ɔ tue.

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.