Matsɛmɛ I, 3:6 - BAIBLO ALOO NGMAMI KLƆUKLƆU Ɔ

⁶ Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

Matsɛmɛ I, 3:6 ပူးပေါင်းရင်းမြစ်များ

Matsɛmɛ I, 9:4

Ke o ma sɔmɔ mi kɛ o tsui tsuo, nɛ o maa ye mi anɔkuale kaa bɔ nɛ o tsɛ David pee ɔ; nɛ o maa ye ye mlaa amɛ a nɔ, nɛ o maa pee nɔ́ tsuaa nɔ́ nɛ i fa mo ke o pee ɔ;

Matsɛmɛ I, 1:48

nɛ e sɔle ke, ‘A je Yawɛ, Israel Mawu ɔ yi kaa e hla ye binyumu ɔmɛ a kpɛti nɔ kake kɛ ba hi ye sɛ ɔ nɔ mwɔnɛ ligbi nɛ ɔ; nɛ i na nɔ́ nɛ ɔ kɛ imi nitsɛ ye hɛngmɛ.’ ”

2 Korintobi 9:11

Ee, Mawu maa wo nyɛ ní babauu, konɛ nyɛ kɛ pee kpakpa be tsuaa be. Enɛ ɔ ma ha nihi fuu maa na Mawu si ngɛ nike ní nɛ a naa ngɛ nyɛ dɛ kɛ guu wa nɔ ɔ he.

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

2 Korintobi 9:5

Lɔ ɔ he ɔ, i susu kaa e hia kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ. A ma ba dla nike ní nɛ nyɛ wo si momo ɔ ngɔ to loko ma ba. Enɛ ɔ maa tsɔɔ kaa nɔ́ nɛ nyɛ bua nya a je nyɛ tsui mi, se pi kaa a nyɛ nyɛ nɔ loko nyɛ tsu.

La 119:17

O tsɔlɔ ji mi, naa mi mɔbɔ; ha nɛ ye yi nɛ na wami, konɛ ma ye o mlaa a nɔ.

La 116:7

Ye nɔ gbagba maa te, nɛ ye bua maa jɔ ekohu; ejakaa Yawɛ dloo mi babauu.

La 15:2

Nɔ nɛ piami ko be e he, nɛ e peeɔ nɔ́ nɛ da. Nɔ nɛ tuɔ anɔkuale sisiisi,

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Samuel II, 7:5

“Yaa nɛ o ya de ye tsɔlɔ David ke Yawɛ ke, ‘Pi mo nɛ o maa po we ha mi nɛ ma hi mi.

Mose IV, 12:7

Ye tsɔlɔ Mose lɛɛ e slo lɛ! Lɛɛ i ngɔ lɛ ngɔ to ye ma Israel tsuo nya.

La 13:6

Ma la kɛ je mo Yawɛ o yi, ejakaa o pee ye hiami ní ɔmɛ ha mi.

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

Matsɛmɛ I, 3:14

Nɛ ke o maa bu mi tue, nɛ o maa ye ye mlaa amɛ a nɔ kaa bɔ nɛ o tsɛ David pee ɔ, ma ha o wami se maa kɛ.”

Kronika II, 1:8

Salomo he nɔ ke, “O je suɔmi agbo kpo ngɔ tsɔɔ tsaatsɛ David; nɛ mwɔnɛ ɔ, o ha nɛ i ba ngɛ tsɛ yee ngɛ e se.

Mose I, 24:40

E he nɔ ke, ‘Yawɛ nɛ i buɔ lɛ tue daa nɛ ɔ, maa tsɔ e bɔfo ɔ nɛ e kɛ mo maa ya, nɛ e ma ha o blɔ ɔ maa da mo. O ma ya hla yo kɛ ba ha ye bi ɔ kɛ je ye nyɛmimɛ ɔmɛ, kɛ tsaatsɛ weku li ɔmɛ a kpɛti.

Samuel II, 22:21

Ní kpakpahi nɛ i peeɔ ɔ, Yawɛ woɔ mi a he hiɔ; e gbaa mi, ejakaa i pee we nɔ ko yayami.

Samuel II, 22:25

Yawɛ gbaa mi; ejakaa e le kaa i peeɔ nɔ́ nɛ da; ejakaa e le kaa yayami ko be ye he.