Matsɛmɛ I, 3:5 - BAIBLO ALOO NGMAMI KLƆUKLƆU Ɔ

⁵ Jamɛ a nyɔ ɔ mi ɔ, Yawɛ je e he kpo ngɔ tsɔɔ Salomo ngɛ nlami mi, nɛ e bi lɛ ke, “Mɛni o suɔ nɛ ma ha mo?”

Matsɛmɛ I, 3:5 ပူးပေါင်းရင်းမြစ်များ

Matsɛmɛ I, 9:2

Yawɛ je e he kpo ngɔ tsɔɔ lɛ ekohu kaa bɔ nɛ e pee ngɛ Gibeon ɔ.

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Marko 10:36

E bi mɛ ke, “Mɛni nyɛ ngɛ hlae nɛ ma pee ha nyɛ?”

Mateo 2:13

Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Matsɛmɛ I, 11:9

Yawɛ, Israel Mawu ɔ je e he kpo ngɔ tsɔɔ Salomo si enyɔ, nɛ e wo lɛ mlaa ke e ko ja mawu kpahi; se Salomo bui Yawɛ tue, nɛ e je e se. Enɛ ɔ he je ɔ, Yawɛ mi mi fu Salomo,

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Mateo 2:19

Herode gbenɔ se ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi ngɛ Egipt,

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Marko 11:24

Lɔ ɔ he ɔ, i ngɛ nyɛ dee ke, ke nyɛ ngɛ sɔlee, nɛ nyɛ bi ke a pee nɔ́ ko ha nyɛ ɔ, nyɛ he ye; kɛkɛ ɔ, nɔ́ tsuaa nɔ́ nɛ nyɛ bi ɔ, a maa pee ha nyɛ.

Yohane 15:7

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.