Matsɛmɛ I, 3:3 - BAIBLO ALOO NGMAMI KLƆUKLƆU Ɔ

³ Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

Matsɛmɛ I, 3:3 ပူးပေါင်းရင်းမြစ်များ

Matsɛmɛ I, 11:34

I be matsɛ yemi ɔ tsuo kpɔe ngɛ Salomo dɛ; ma ha nɛ e ye tsɛ kɛ yaa si e gbenɔ be. Ma pee nɔ́ nɛ ɔ ngɛ ye tsɔlɔ David nɛ i hla, nɛ e ye ye mlaa amɛ, kɛ blɔ nya tomi ɔmɛ a nɔ ɔ he.

Matsɛmɛ I, 11:38

Ke o maa bu mi tue kɛ pi si, nɛ o maa ye ye mlaa amɛ a nɔ, nɛ o maa pee ye suɔmi nya ní kaa bɔ nɛ ye tsɔlɔ David pee ɔ, lɛɛ i kɛ mo maa hi si daa. Ma wo mo tsɛ ngɛ Israel, nɛ ma ha nɛ o nina maa ye tsɛ ngɛ o se kaa bɔ nɛ i pee ha David ɔ.

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Matsɛmɛ I, 11:6

Salomo pee yayami kɛ si Yawɛ, nɛ e nyɛɛ we e se kɛ pi si kaa bɔ nɛ e tsɛ David pee ɔ.

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Matsɛmɛ I, 14:8

I kpɔ matsɛ yemi ɔ ngɛ David nina dɛ ngɔ ha mo. Se o be kaa ye tsɔlɔ David. Lɛɛ e nyɛɛ ye se kɛ e tsui tsuo; e ye ye mlaa amɛ a nɔ, nɛ e pee ye suɔmi nya ní.

Matsɛmɛ I, 15:11

Asa pee Yawɛ suɔmi nya ní kaa bɔ nɛ e nɛ, David pee ɔ pɛpɛɛpɛ.

Matsɛmɛ I, 15:14

E ngɛ mi kaa Asa puɛ we wɔ jami he ɔmɛ tsuo lɛɛ, se e nyɛɛ Yawɛ se kɛ pi si e wami be ɔ tsuo.

Matsɛmɛ I, 15:3

E ya wo e tsɛ nane, nɛ e pee yayami nɛ e tsɛ pee ɔ tsuo pɛpɛɛpɛ. E ya nyɛɛ we Yawɛ, e Mawu ɔ se kaa bɔ nɛ e nɛnɛkasowa David pee ɔ.

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

Matsɛmɛ I, 22:43

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi. Se kɛ̃ ɔ, e hule we wɔ piɛ ɔmɛ, nɛ ma a ya nɔ sã bɔ, kɛ tsopa kɛ e he via ngɛ lejɛ ɔmɛ.

Matsɛmɛ I, 22:44

Yehoshafat kɛ Israel matsɛ ɔ hi si ngɛ tue mi jɔmi mi.

Matsɛmɛ I, 3:14

Nɛ ke o maa bu mi tue, nɛ o maa ye ye mlaa amɛ a nɔ kaa bɔ nɛ o tsɛ David pee ɔ, ma ha o wami se maa kɛ.”

Matsɛmɛ I, 3:6

Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

Matsɛmɛ I, 8:25

Lɔ ɔ he ɔ, Yawɛ, Israel Mawu, i kpa mo pɛɛ, si nɛ o wo tsaatsɛ benɛ o de lɛ ke ke e binyumu ɔmɛ maa bu mo tue kɛ pi si kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Matsɛmɛ I, 8:61

Nyɛ, e ma a, nyɛɛ ye Yawɛ, wa Mawu ɔ anɔkuale daa, nɛ nyɛɛ ye e mlaa amɛ, kɛ blɔ nya tomi ɔmɛ tsuo a nɔ kaa bɔ nɛ nyɛ ngɛ pee mwɔnɛ nɛ ɔ.”

Matsɛmɛ I, 9:4

Ke o ma sɔmɔ mi kɛ o tsui tsuo, nɛ o maa ye mi anɔkuale kaa bɔ nɛ o tsɛ David pee ɔ; nɛ o maa ye ye mlaa amɛ a nɔ, nɛ o maa pee nɔ́ tsuaa nɔ́ nɛ i fa mo ke o pee ɔ;

Matsɛmɛ II, 12:3

Se wɔ jami he ɔmɛ ɔ, e puɛ we mɛ; enɛ ɔ he je ɔ, ma a sãã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 12:4

Ligbi ko ɔ, Yoash de osɔfo ɔmɛ ke sika tsuo pɛpɛɛpɛ nɛ ma a kɛ baa Yawɛ we ɔ kaa nike ní klɔuklɔu ɔ, a ngɔ kɛ to. Lɔ ɔ ji sika nɛ nyumu tsuaa nyumu haa be mi nɛ a kane lɛ, sika nɛ nɔ tsuaa nɔ haa kɛ kpɔɔ e susuma, kɛ sika nɛ nɔ ko haa kɛ jeɔ lɛ nitsɛ e tsui mi.

Matsɛmɛ II, 14:3

E pee nɔ́ nɛ sa Yawɛ hɛ mi, se e be kaa e nɛ̃ David; e ya wo e tsɛ Yoash nane.

Matsɛmɛ II, 14:4

Wɔ jami he ɔmɛ lɛɛ e puɛ we mɛ; lɔ ɔ he ɔ, ma a ya nɔ sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 15:35

Se jami he ɔmɛ lɛɛ e puɛ we mɛ; lɔ ɔ he ɔ, ma a ya nɔ sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ. Yotam ji nɔ nɛ ma Yawɛ we ɔ omleyi je agbo ɔ nɛ.

Matsɛmɛ II, 15:4

Se mohu wɔ jami he ɔmɛ lɛɛ e puɛ we mɛ; lɔ ɔ he ɔ, ma a sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 18:22

Asiria asafoatsɛ ɔ ya nɔ nɛ e de ke, “Aloo o ma de mi ke o ngɔ o hɛ ngɔ fɔ Yawɛ, o Mawu ɔ nɔ? Anɛ pi Yawɛ jami he ɔmɛ, kɛ bɔ sami la tɛ ɔmɛ nɛ Hezekia ywia, benɛ e de Yuda kɛ Yerusalem ke a ya ja Mawu ngɛ bɔ sami la tɛ ɔ nɛ ngɛ Yerusalem ɔ pɛ e hɛ mi ɔ lo?

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Kronika II, 15:17

E ngɛ mi kaa Asa gbɛ́ jami he ɔmɛ tsuo ngɛ Israel zugba a mi lɛɛ, se e ye Yawɛ anɔkuale e wami be ɔ tsuo.

La 145:20

Nihi tsuo nɛ suɔ Yawɛ ɔ, e baa a yi; se yiwutsotsɛmɛ lɛɛ e ma kpata a hɛ mi.

La 31:23

Nyɛɛ suɔ Yawɛ, nyɛ e ni klɔuklɔuhi tsuo! Yawɛ baa nihi tsuo nɛ yeɔ lɛ anɔkuale ɔ a yi, se he nɔ woli lɛɛ e gblaa a tue bɔ nɛ sa mɛ.

Mose III, 17:5

Mlaa nɛ ɔ tsɔɔ kaa jehanɛ lɛɛ Israel bi ɔmɛ nɛ a ngɔ lohwe ɔmɛ nɛ a gbee ngɛ nga nɔ ɔ kɛ ba ha osɔfo ɔ ngɛ kpe he bo tsu ɔ sinya a nya. Á gbe lohwe ɔ ngɛ lejɛ ɔ kɛ sã tue mi jɔmi bɔ ha Yawɛ.

Mateo 22:37

Yesu he nɔ ke, “ ‘Suɔ Nyɔmtsɛ, o Mawu ɔ kɛ o tsui tsuo, kɛ o klaa tsuo, kɛ o juɛmi tsuo.’

Yohane 14:15

“Ke nyɛ suɔ mi ɔ, nyɛ maa ye ye mlaa amɛ a nɔ.

Yohane 14:21

“Nɔ tsuaa nɔ nɛ ngɔɔ ye mlaa amɛ nɛ e yeɔ a nɔ ɔ, e suɔ mi; nɛ nɔ tsuaa nɔ nɛ suɔ mi ɔ, Tsaatsɛ maa suɔ lɛ. Jehanɛ imi hu ma suɔ lɛ, nɛ ma ha nɛ e le mi saminya.”

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

1 Korintobi 8:3

Se nɔmlɔ nɛ suɔ Mawu ɔ, Mawu le lɛ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 10:13

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛ.

Mose V, 11:13

“Lɔ ɔ he ɔ, nyɛɛ ye mlaa amɛ nɛ i ngɛ nyɛ woe mwɔnɛ ɔ a nɔ; nyɛɛ suɔ Yawɛ, nyɛ Mawu ɔ, nɛ nyɛ ja lɛ kɛ nyɛ tsui tsuo.

Mose V, 30:16

Ke nyɛ maa ye Yawɛ, nyɛ Mawu ɔ mlaa amɛ nɛ i ngɛ nyɛ woe mwɔnɛ ligbi nɛ ɔ a nɔ, nɛ nyɛ maa suɔ lɛ, nɛ nyɛ maa bu lɛ tue, nɛ nyɛ maa nyɛɛ e blɔ ɔmɛ tsuo a nɔ ɔ, lɛɛ nyɛ yi ma na wami, nɛ nyɛ he maa hiɛ; Yawɛ, nyɛ Mawu ɔ maa gbaa nyɛ ngɛ zugba a nɛ nyɛ yaa ngɔ ɔ nɔ.

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Samuel I, 9:12

Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”