Matsɛmɛ I, 3:14 - BAIBLO ALOO NGMAMI KLƆUKLƆU Ɔ

¹⁴ Nɛ ke o maa bu mi tue, nɛ o maa ye ye mlaa amɛ a nɔ kaa bɔ nɛ o tsɛ David pee ɔ, ma ha o wami se maa kɛ.”

Matsɛmɛ I, 3:14 ပူးပေါင်းရင်းမြစ်များ

Abɛ Womi 3:2

Ke o pee ja a, o wami se maa kɛ, nɛ o ma na he jɔmi, kɛ kplɔkɔtɔ.

La 91:16

Kpakpa nɛ ma pee lɛ ji, ma ha nɛ e wami se maa kɛ, nɛ ma he e yi wami.”

Zakaria 3:7

bɔ nɛ Yawɛ Tabohiatsɛ ɔ de ji nɛ ɔ nɛ: “Ke o maa ye mlaa amɛ a nɔ, nɛ o maa hɛɛ ye blɔ nya tomi ɔmɛ a mi ɔ, ma ha nɛ o ye ye we ɔ, kɛ e he kue ɔmɛ a nɔ. Ma ha mo blɔ he ngɛ nihi nɛ daa si ngɛ ye hɛ mi ɔ a kpɛti.

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

Abɛ Womi 3:16

Nile haa nɔ wami se kɛɔ ngɛ je mi; e haa nɔ naa ní, nɛ e haa nɔ hɛ mi baa nyami.

Kronika II, 34:2

E pee Yawɛ suɔmi nya ní; e ya wo e nɛ̃ David nane, nɛ e ye Mawu mlaa amɛ tsuo a nɔ sisiisi.

Matsɛmɛ I, 3:6

Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

Ni Tsumi 13:22

Pee se ɔ, Mawu kpa Saulo, nɛ e wo David matsɛ ngɛ e nane mi. Odase nɛ Mawu ye ngɛ e he ji nɛ ɔ nɛ: ‘I ná Ishai bi David he bua jɔmi kaa nɔ ko nɛ maa pee ye suɔmi nya ní.’

La 132:12

Ke o bimɛ ɔmɛ maa ye ye somi ɔ nɔ, nɛ ye mlaa amɛ nɛ ma wo mɛ ɔ hu a maa ye a nɔ ɔ, lɛɛ a bimɛ hu ma ba hi o sɛ ɔ nɔ kɛ maa ya neneene.”

La 21:4

E bi mo ke o ha nɛ e wami se nɛ kɛ, nɛ o kplɛɛ nɔ ha lɛ. O ha lɛ be babauu nitsɛ nɛ nyagbe be he.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

Kronika II, 29:2

Hezekia ya wo e nɛ̃ David nane, nɛ e pee Yawɛ suɔmi nya ní.

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

Mose V, 25:15

O sɛni tɛhi, kɛ susumi kpa tsuo nɛ su pɛpɛɛpɛ, konɛ o se nɛ kɛ ngɛ zugba a nɛ Yawɛ, o Mawu ɔ ngɛ mo hae ɔ nɔ.

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Matsɛmɛ I, 11:34

I be matsɛ yemi ɔ tsuo kpɔe ngɛ Salomo dɛ; ma ha nɛ e ye tsɛ kɛ yaa si e gbenɔ be. Ma pee nɔ́ nɛ ɔ ngɛ ye tsɔlɔ David nɛ i hla, nɛ e ye ye mlaa amɛ, kɛ blɔ nya tomi ɔmɛ a nɔ ɔ he.

Kronika I, 28:7

Ke e ma tsa nɔ maa ye ye mlaa amɛ, kɛ ye fami ɔmɛ a nɔ kaa bɔ nɛ e ngɛ pee amlɔ nɛ ɔ, ma ha nɛ e matsɛ yemi ɔ maa hi si daa.’

La 21:5

O piɛ e he, nɛ e hɛ mi ba nyami; o ha nɛ e ná biɛ, kɛ agboje.