Matsɛmɛ I, 3:1 - BAIBLO ALOO NGMAMI KLƆUKLƆU Ɔ

¹ Salomo ya to Egipt matsɛ ɔ ngatsɛ. E ngɔ Farao ɔ biyo, nɛ e kɛ lɛ ba hi David ma a mi kɛ ya si be nɛ e ma matsɛ we ɔ, kɛ Yawɛ we ɔ gbe nya, nɛ́ e fia gbogbo ngɔ wo Yerusalem he.

Matsɛmɛ I, 3:1 ပူးပေါင်းရင်းမြစ်များ

Matsɛmɛ I, 9:24

Benɛ Farao ɔ biyo, nɛ ji Salomo yo ɔ klɛ kɛ je David ma a mi kɛ ho lɛ nitsɛ e we nɛ Salomo po ha lɛ ɔ mi ya a, jamɛ a be ɔ nɛ Salomo ma Milo mɔ ɔ nɛ.

Matsɛmɛ I, 11:1

Matsɛ Salomo su ma se yihi babauu. Ngɛ Egipt matsɛ ɔ biyo ɔ se ɔ, e ngɔ Hit yihi, Moab yihi, Amon yihi, Edom yihi, kɛ Sidon yihi.

Kronika II, 8:11

Salomo klɛ̃ e yo, Egipt matsɛ biyo ɔ kɛ je David ma a mi kɛ ho we ko nɛ e po ha lɛ ɔ mi ya. Salomo de ke, “E sɛ́ kaa ye yo ɔ hii Israel matsɛ, David we ɔ mi; ejakaa he tsuaa he nɛ Yawɛ somi daka a ba a, lejɛ ɔ peeɔ klɔuklɔu.”

Matsɛmɛ I, 6:1

Israel bi ɔmɛ a we Egipt jemi se jeha lafa eywiɛ kɛ nyingmi kpaanyɔ, nɛ ji Israel matsɛ, Salomo tsɛ yemi jeha eywiɛne ɔ we nyɔhiɔ enyɔne ɔ nɛ a tsɛɛ Ziv ɔ mi ɔ, Salomo je Yawɛ we ɔ mami sisi.

Samuel II, 5:7

Se kɛ̃ David ya ngɔ Zion mɔ nguaa a nɛ ba plɛ pee David ma a.

Ezra 5:11

“Heto nɛ a ha wɔ ji, ‘Hiɔwe kɛ zugba Mawu ɔ tsɔli ji wɔ. We nɛ Israel matsɛ nguaa ko ma nɛ e gbe nya blema lokoo ɔ, lɔ ɔ wa ngɛ mae ekohu.

Kronika II, 18:1

Benɛ Yuda matsɛ, Yehoshafat ba na ní nɛ e he biɛ hulɔ ɔ, e kɛ Israel matsɛ, Ahab ba pee ngatsɛ.

Kronika I, 11:7

David ya hi mɔ ngua a mi; lɔ ɔ he ɔ, a wo lejɛ ɔ biɛ ke David ma.

Ezra 9:14

Anɛ wa ma gbo tue ekohu nɛ waa kɛ nihi nɛ peeɔ musu bɔmi ní nɛ ɔmɛ nɛ sɛ gba si himi mi lo? Anɛ o mi mi be la woe wawɛɛ kɛ yaa si o ma kpata wɔ tsuo wa hɛ mi pɛsɛpɛsɛ nɛ nɔ kake po be piɛe lo?

Matsɛmɛ I, 2:10

David ba gbo, nɛ a pu lɛ ngɛ David ma a mi.

Matsɛmɛ I, 7:1

Salomo po lɛ nitsɛ e we hulɔ; e ngɔ jeha nyɔngma kɛ etɛ kɛ gbe we ɔ nya.

Matsɛmɛ I, 7:8

Salomo hi he ɔ nitsɛ nɛ ngɛ kue kpa ko mi ngɛ kojomi kue ɔ se ɔ, e pee lɛ kaa tsu kpa amɛ nɔuu; nɛ e po jamɛ a we ɔ eko kɛ ha e yo nɛ ji Egipt matsɛ ɔ biyo ɔ.

Matsɛmɛ I, 9:10

Salomo kɛ jeha nyingmi enyɔ ma Yawɛ we ɔ, kɛ matsɛ we ɔ.

Mose V, 23:8

Bimɛ nɛ a ma fɔ ha mɛ, kɛ je yi nɔ nɛ ji etɛ ɔ kɛ yaa a, mɛɛ lɛɛ a ma nyɛ ma futu Yawɛ ma mi bi ɔmɛ.

Matsɛmɛ I, 9:1

Benɛ Salomo gbe Yawɛ we ɔ, kɛ matsɛ we ɔ, kɛ kɛ we kpahi nɛ e suɔ kaa e maa ma a tsuo a nya a,