Matsɛmɛ I, 22:53 - BAIBLO ALOO NGMAMI KLƆUKLƆU Ɔ

⁵³ E sɔmɔ Baal, e ja lɛ; nɛ e wo Yawɛ, Israel Mawu ɔ mi mi la kaa bɔ nɛ e tsɛ pee ɔ pɛpɛɛpɛ.

Matsɛmɛ I, 22:53 ပူးပေါင်းရင်းမြစ်များ

Ezekiel 8:3

E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.

Yesaya 65:3

Be tsuaa be ɔ, ma nɛ ɔ jeɔ blɔ paa nɛ a woɔ ye mi mi la; a sãã bɔhi ngɛ abɔɔhi a mi; a sãã tsopa kɛ e he via ngɛ tɛhi a nɔ;

La 106:29

A kɛ a ní peemi ní ɔmɛ wo Yawɛ mi mi la, nɛ gbenɔ hiɔ ba sɛ a kpɛti.

Matsɛmɛ II, 3:2

E ngɛ mi kaa e pee yayami kɛ si Yawɛ lɛɛ, se e hi kulaa pe e tsɛ kɛ e nyɛ; ejakaa Baal amaga amɛ nɛ e tsɛ puɛ ɔ, e ku mɛ kɛ pue he.

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Matsɛmɛ I, 16:7

Yawɛ ngɔ sɛ gbi nɛ ɔ kɛ gu gbalɔ Yehu, Hanani binyumu ɔ nɔ ya ha Baasha kɛ e we ɔ, ejakaa Baasha pee yayami kɛ si lɛ, Yawɛ ɔ. Pi yayami nɛ Baasha pee kɛ si Yawɛ kaa bɔ nɛ Matsɛ Yeroboam hu pee be ko ɔ kɛkɛ ji nɔ́ nɛ wo Yawɛ mi mi la a, gbemi nɛ Baasha gbe Yeroboam we mi bimɛ ɔmɛ tsuo ɔ hu piɛ he.

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Matsɛmɛ I, 21:25

(Nɔ ko nɔ ko be nɛ ngɔ e he tsuo ngɔ ha yayami peemi ngɛ Yawɛ hɛ mi kaa Ahab, ejakaa e yo Yezebel ji nɔ nɛ tsitsɛɛ e kuɛ se mi.

Matsɛmɛ II, 8:18

E ngɔ Ahab biyo; nɛ kaa bɔ nɛ Ahab we ɔ pee ɔ, lɛ hu e ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Kronika II, 20:35

Be ko ɔ, Yuda matsɛ, Yehoshafat, kɛ Israel matsɛ, Ahazia ya pee huɛ. Ahazia nɛ ɔ, yiwutsotsɛ ji lɛ.