Matsɛmɛ I, 21:4 - BAIBLO ALOO NGMAMI KLƆUKLƆU Ɔ

⁴ Ahab je kɛ ho we mi ya kɛ mi mi la, kɛ aywilɛho; ejakaa Nabot de lɛ ke e nɛmɛ a gbosi ní ɔ, e be ngɔe kɛ ha lɛ. E ho ya hwɔ si ngɛ e sa nɔ, nɛ e plɛ e hɛ mi ngɔ kpee gbogbo, nɛ e kua ní yemi.

Matsɛmɛ I, 21:4 ပူးပေါင်းရင်းမြစ်များ

Matsɛmɛ I, 20:43

Israel matsɛ ɔ kpale kɛ ho e we mi ya ngɛ Samaria kɛ mi mi la, kɛ aywilɛho.

Yakobo 1:14

Se nɔ tsuaa nɔ ɔ, lɛ nitsɛ e we akɔnɔ nɛ gblaa lɛ, nɛ́ sisiɔ lɛ ɔ nɛ kaa lɛ.

Efesobi 4:27

Nyɛ ko ha Abosiami blɔ nɛ e ba sɛ nyɛ kpɛti.

Yona 4:9

Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Yona 4:1

Se nɔ́ nɛ ɔ ngɔɛ Yona nya kulaa, nɛ e muklii mi fu wawɛɛ nitsɛ.

Fiɛlɔ 6:9

E hi kaa o bua nɛ jɔ nɔ́ nɛ o ngɛ ɔ he, pe kaa daa nɛ ɔ, o ko suɔ nɛ o na nɔ́ kpa mohu. Enɛ ɔ hu ji yaka nɔ́ ko. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

Matsɛmɛ I, 21:3

Se Nabot de Ahab ke, “Yawɛ ngmɛ́ blɔ kaa ma ngɔ ye nɛmɛ a gbosi ní ɔ ngɔ ha mo.”

Samuel II, 13:4

Yonadab bi Amnon ke, “Mo matsɛbi mluku ɔ, mɛni ba loko o ngɛ flaae jenajena kikɛ nɛ ɔ?” Amnon he nɔ ke, “I suɔ Tamar, ye tsɛbi Absalom nyɛmiyo ɔ sane saminya.”

Samuel II, 13:2

Suɔmi nɛ Amnon ngɛ kɛ ha e nyɛmiyo ɔ nya wa saminya, nɛ nɔ́ nɛ ɔ ba wo lɛ hiɔ. Amnon le kaa bɔ tsuaa bɔ nɛ pee ɔ, e be e nyɛmiyo ɔ he blɔ nae; ejakaa yomiyo ji lɛ, nɛ a ngmɛ́ lɛ blɔ nɛ e kɛ nyumu nɛ na bɔmi.

Samuel I, 28:23

Saul kplɛɛ we, nɛ e ke, “Dɛbi, i be ní yee.” Se e tsɔli ɔmɛ, kɛ yo ɔ nyɛ e nɔ kɛ ya si e bu mɛ tue. E te si ngɛ zugba, nɛ e hi sa a nɔ.

Matsɛmɛ I, 21:1

Nyumu ko nɛ a tsɛɛ lɛ Nabot ngɛ wai ngmɔ ko ngɛ Matsɛ Ahab we ɔ kasa nya haa ngɛ Yezreel.

Matsɛmɛ I, 21:5

E yo Yezebel ba e ngɔ ba bi lɛ ke, “Mɛni he je o mi mi fu, nɛaywilɛho nu mo kikɛ nɛ ɔ? Mɛni he je o sume nɛ o maa ye ní ɔ?”

Ester 5:13

Se ní nɛ ɔmɛ ekoeko ha we mi bua jɔmi, be abɔ nɛ i ngɛ jamɛ a Yuda no ɔ nɛ a tsɛɛ lɛ Mordekai ɔ hyɛe nɛ e hii si ngɛ matsɛ we ɔ agbo ɔ nya a.”

Yona 4:4

Yawɛ bi lɛ ke, “E da ha mo kaa o mi mi fuɔ lo?”

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”