Matsɛmɛ I, 21:3 - BAIBLO ALOO NGMAMI KLƆUKLƆU Ɔ

³ Se Nabot de Ahab ke, “Yawɛ ngmɛ́ blɔ kaa ma ngɔ ye nɛmɛ a gbosi ní ɔ ngɔ ha mo.”

Matsɛmɛ I, 21:3 ပူးပေါင်းရင်းမြစ်များ

Mose IV, 36:7

bɔ nɛ pee nɛ Israel bi ɔmɛ a gbosi ní nɛ ko je wɛtso kake mi kɛ ya wɛtso kpa mi; se mohu, Israel no tsuaa Israel no nɛ ye gbosi ní ngɛ e tsɛ wɛtso mi.

Mose III, 25:23

Zugba a, nyɛ ko jua nɛ e ba plɛ pee nɔ ko nɔ́ kulaa. Zugba a, Mawu nɔ́, pi nyɛ nɔ́. Nyɛɛ lɛɛ Mawu nibwɔhi nɛ ba ngɛ ní tsue ngɛ zugba a nɔ kɛkɛ ji nyɛ.

Ezekiel 46:18

Ganɔ ɔ nɛ ngɔ lɛ nitsɛ e blɔ fami nɔ́ kɛ ha e bimɛ; se ye ma mi bi ɔmɛ lɛɛ a ko kpɔ nɔ ko weto ní ngɛ e dɛ.”

Romabi 6:15

Lɛɛ kɛ ji lɛ kɛɛ? Ke mlaa ko fí wɔ, se Mawu dloomi ɔ lɛ hɛɛ wɔ ɔ, lɛɛ waa ya nɔ waa pee yayami lo? Dɛbi!

Galatabi 6:14

Se imi lɛɛ i be fĩae ngɔ fɔ nɔ́ kpa ko nɔ́ kpa ko nɔ kaa ja wa Nyɔmtsɛ Yesu Kristo sɛumi tso ɔ pɛ. Gbenɔ nɛ Kristo gbo ngɛ sɛumi tso ɔ nɔ ɔ ngɛ kaa nɔ́ nɛ pe a sɛu je ɔ kɛ ha mi, nɛ a sɛu imi hu kɛ ha je ɔ.

1 Korintobi 6:15

Anɛ nyɛ li kaa nyɛ nɔmlɔ tso ɔ, Kristo nɔmlɔ tso ɔ he níhi ji mɛ lo? Lɛɛ ma ngɔ Kristo nɔmlɔ tso ɔ he ní komɛ kɛ ya pee yaholɔ hu e nɔmlɔ tso he níhi lo? Dɛbi!

Romabi 7:13

Lɛɛ nɔ́ kpakpa a plɛ pee gbenɔ ha mi lo? Dɛbi! Yayami lɛ kɛ enɛ ɔ ba; e gu nɔ́ kpakpa a nɔ ha gbenɔ ba na mi, konɛ bɔ nɛ yayami su ngɛ nitsɛnitsɛ ɔ nɛ je kpo paa nɛ a na. Lɔ ɔ he ɔ, mlaa a haa yayami jeɔ kpo paa kaa nɔ́ ko nɛ hí kulaa.

Romabi 7:7

Lɛɛ kɛ wa ma de ngɛ mlaa a he kɛɛ? Mlaa a, nɔ́ yayami ji lɛ lo? Dɛbi! Anɔkuale mi ɔ, ke pi mlaa a he ɔ, i ko li nɔ́ nɛ ji yayami. Ejakaa jinɛ i li nɔ́ nɛ ji hɛkɔ, ke pi mlaa a nɛ de ke, “O hɛ ko kɔ̃ o nyɛmi nɔ.”

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Romabi 3:6

Dɛbi! Ke Mawu yi dami sane ɔ, kɛ maa pee kɛɛ nɛ e maa kojo je ɔ?

Romabi 3:4

Dɛbi! Mawu ɔ, anɔkualetsɛ ji lɛ; pohu nimli adesahi tsuo lɛɛ lakpa a yeɔ. Kaa bɔ nɛ ngmami ɔ deɔ ɔ, “Konɛ nihi tsuo nɛ a na kaa nɔ́ tsuaa nɔ́ nɛ o deɔ ɔ ngɛ mi; Nɛ ke a kojo mo hu, o yeɔ nguɔ.”

Hiob 27:5

I be kplɛɛe kɔkɔɔkɔ kaa nɔ́ nɛ nyɛ ngɛ dee ɔ ngɛ mi; kɛ yaa si ye gbenɔ ligbi ɔ, nɔ́ nɛ i ngɛ dee kɛkɛ ji i yi fɔ.

Kronika I, 11:19

nɛ e de ke, “Kpaoo, ye Mawu, kaa ma pee nɔ́ nɛ ɔ! Ke i pee ja a, e ngɛ kaa nɔ́ nɛ i nu nihi nɛ ngɔ a wami ngɔ ke nɛ ɔ a muɔ!” Nɛ e kua nyu ɔ numi. Níhi nɛ katsɛmɛ etɛ ɔmɛ pee ji nɛ ɔmɛ nɛ.

Samuel I, 24:6

nɛ e de e we bi ɔmɛ ke, “Yawɛ kó ha ma pee ye nyɔmtsɛ ɔ nɛ lɛ, Yawɛ ɔ hla, nɛ e wo lɛ matsɛ ɔ nɔ́ ko kaa kikɛ nɛ ɔ. I be lɛ awi yee; ejakaa nɔmlɔ nɛ Yawɛ hla, nɛ e wo matsɛ ji lɛ.”

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Yoshua 24:16

Ma a he nɔ ke, “Wa be Yawɛ sie nɛ wa ya sɔmɔ mawu kpahi!

Yoshua 22:29

Wa be Yawɛ hɛ mi atuã tsɔe kɔkɔɔkɔ, nɛ wa be e se jee gblegbleegble kɛ ya ma bɔ sami la tɛ kpa ko nɛ waa sã sami bɔ, loo niye ní bɔ, loo bɔ kpa ko ngɛ nɔ. Wa be bɔ sami la tɛ kpa ko mae kɛ piɛ Yawɛ, wa Mawu ɔ bɔ sami la tɛ ɔ nɛ ngɛ kpe he bo tsu ɔ hɛ mi ɔ he.”

Mose I, 44:17

Yosef he nɔ ke, “Dɛbi! I be ja pee kɔkɔɔkɔ! Nɔ nɛ a na kplu ɔ ngɛ e dɛ ɔ, lɛ pɛ ji nɔ nɛ maa pee ye nyɔguɛ ɔ nɛ. Nyɛ ni nɛmɛ nɛ piɛ ɔ, nyɛɛ kpale kɛ ho nyɛ tsɛ ngɔ ya fiafiaafia.”

Mose I, 44:7

A he nɔ ke, “Wa nyɔmtsɛ, mɛni he je o kɛ wɔ ngɛ munyu tue kikɛ nɛ ɔ? Wa be nyɛe maa pee nɔ́ ko kaa kikɛ nɛ ɔ kɔkɔɔkɔ.

Mose IV, 36:9

nɛ gbosi ní kó je wɛtso kake mi kɛ ya wɛtso kpa mi, se mohu Israel wɛtso tsuaa wɛtso nɛ pɛtɛ lɛ nitsɛ e weto ní he.”