Matsɛmɛ I, 21:2 - BAIBLO ALOO NGMAMI KLƆUKLƆU Ɔ

² Ligbi ko ɔ, Ahab de lɛ ke, “O wai ngmɔ ɔ ngɛ ye we ɔ kasa nya haa. Ngɔɔ kɛ ha mi nɛ ma kɛ pee pui ngmɔ. I kɛ wai ngmɔ kpa nɛ hi pe o nɔ́ ɔ ma tsake ha mo; aloo ke o suɔ ɔ, ma wo mo e he hiɔ bɔ nɛ sa.”

Matsɛmɛ I, 21:2 ပူးပေါင်းရင်းမြစ်များ

Samuel I, 8:14

E maa ngɔ nyɛ ngmɔ ɔmɛ, wai ngmɔ ɔmɛ, kɛ oliv abɔɔ kpakpa amɛ kɛ ha e mɔ mi ní tsuli ɔmɛ.

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Lahi 4:15

A bɔɔ ɔ naa nyu nɛ haa nɔ wami kɛ jee vuhi, pahi nɛ ngɛ bee, kɛ pa wawi nɛ jee Lebanon yo ɔ nɔ ɔ a mi.

Fiɛlɔ 2:5

I pee ngmɔhi kɛ abɔɔhi, nɛ i du tsohi nɛ woɔ yiblii slɔɔtohi ngɛ mi.

Matsɛmɛ II, 9:27

Benɛ Yuda matsɛ, Ahazia na nɔ́ nɛ ba a, e tu fo kɛ gu Bet Hagan blɔ. Yehu nyɛɛ e se, nɛ e de ke, “Lɛ hu nyɛ tsɛ̃ lɛ kɛ̃ɛ̃ ɔ eko!” Nɛ a tsɛ̃ lɛ kɛ̃ɛ̃ ngɛ e ta zugba lɛ ɔ mi ngɛ Gur blɔ ɔ nɔ, ngɛ Ibleam kasa nya. E tu fo kɛ ho Megido ya, nɛ e ya gbo ngɛ lejɛ ɔ.

Samuel I, 29:6

Akish tsɛ David, nɛ e de lɛ ke, “I na Israel Mawu, hɛ kalɔ ɔ kaa o yeɔ mi anɔkuale, nɛ jinɛ imi lɛɛ i ko suɔ kaa o kɛ mi nɛ ya ta nɛ ɔ; ejakaa kɛ je ligbi ɔ nɛ o ba ye ngɔ kɛ ba si mwɔnɛ ɔ, i nɛ nɔ́ yayami ko ngɛ o he. Se matsɛmɛ kpa amɛ sume kaa o kɛ wɔ nɛ ya.

Samuel I, 8:6

Se e ngɔɛ Samuel nya kaa ni ɔmɛ bi ke a ha mɛ matsɛ. Lɔ ɔ he ɔ, Samuel fa kue ha Yawɛ;

Mose V, 11:10

Zugba nɛ nyɛ yaa nɛ nyɛ ya ngɔ ɔ be kaa Egipt zugba a, he nɛ nyɛ je ɔ. Lejɛ ɔ, ke o du ní ɔ, ja o gbo dengme kɛ pue ní ɔmɛ a nɔ nyu ngɛ ngmɔ ɔ mi;

Mose V, 5:21

“ ‘O hɛ ko kɔ̃ o nyɛmi e yo nɔ; o hɛ ko kɔ̃ o nyɛmi e we, aloo e zugba, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.’

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Mose I, 16:6

Abram he nɔ ke, “Saminya! O mawayo ji lɛ; e ngɛ o dɛ mi. Nɔ́ tsuaa nɔ́ nɛ o suɔ kaa o maa pee lɛ ɔ, pee lɛ.” Lɔ ɔ he ɔ, Sarai doo Hagar nya wawɛɛ nitsɛ, nɛ Hagar tu fo kɛ je e he.

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Matsɛmɛ I, 21:3

Se Nabot de Ahab ke, “Yawɛ ngmɛ́ blɔ kaa ma ngɔ ye nɛmɛ a gbosi ní ɔ ngɔ ha mo.”

Matsɛmɛ I, 21:6

Ahab he nɔ ke, “Munyu nɛ Yezreel no, Nabot kɛ mi tu ɔ he je. I de lɛ ke e ngɔ e wai ngmɔ ɔ ngɔ ha mi nɛ ma wo lɛ hiɔ, aloo ke e suɔ ɔ, ma ngɔ wai ngmɔ kpa ngɔ tsake ha lɛ; se e de mi ke e kɛ e wai ngmɔ ɔ be mi hae.”