Matsɛmɛ I, 20:1 - BAIBLO ALOO NGMAMI KLƆUKLƆU Ɔ

¹ Siria matsɛ, Benhadad bua e tabo ɔ tsuo nya. E kɛ matsɛmɛ kpahi nyingmi etɛ kɛ enyɔ hia ta kɛ a we okpɔngɔhi, kɛ ta zugba lɛhi, nɛ a ya sa Samaria yi, nɛ a tua ma a.

Matsɛmɛ I, 20:1 ပူးပေါင်းရင်းမြစ်များ

Matsɛmɛ I, 15:18

Enɛ ɔ he je ɔ, Matsɛ Asa ya muɔ sika hiɔ, kɛ sika tsu tsuo nɛ piɛ ngɛ Yawɛ we ɔ nito he ɔ, kɛ matsɛ we ɔ nito he ɔ, nɛ e tsɔ e tsɔli ɔmɛ ekomɛ Damasko, nɛ e kɛ ní ɔmɛ ya ha Siria matsɛ, Benhadad, Hezio binyumu Tabrimon bi ɔ. Sɛ gbi nɛ piɛ he ji nɛ ɔ nɛ:

Matsɛmɛ I, 22:31

Siria matsɛ ɔ wo e ta zugba lɛ asafoatsɛmɛ nyingmi etɛ kɛ enyɔ ɔmɛ mlaa ke a kɛ nɔ ko nɔ ko kó hwu ta, kaa ja Israel matsɛ ɔ pɛ.

Matsɛmɛ I, 15:20

Benhadad kplɛɛ Asa munyu ɔ nɔ, nɛ e tsɔ e tatsɛmɛ ɔmɛ nɛ a ya tua Israel ma amɛ. A ngɔ Iyon, Dan, Abel Bet Maaka, Kinerot, kɛ Naftali zugba amɛ tsuo.

Amos 1:4

Ma mɛ we ɔ nɛ Matsɛ Hazael po ɔ he la, nɛ Matsɛ Benhadad mɔ ɔmɛ maa sã.

Daniel 2:37

Nɛnɛ, mo ji matsɛ nɛ pe matsɛmɛ ɔmɛ tsuo. Mawu nɛ ngɛ hiɔwe ɔ wo mo matsɛ, nɛ e ha mo he wami, agboje, kɛ hɛ mi nyami.

Ezekiel 26:7

Nyɔmtsɛ Yawɛ ya nɔ nɛ e de ke, “Ma ha Nebukadnezar, Babilonia matsɛ nguaa pe kulaa a ma ba tua Tiro. E kɛ e tabo babauu nitsɛ, nihi nɛ hi okpɔngɔhi a nɔ, nihi nɛ ngɛ ta zugba lɛhi a mi, kɛ nihi nɛ nyɛɛ nane maa je omleyi je kɛ ba.

Yeremia 49:27

Ma mɛ Damasko gbogbo ɔ he la, nɛ ma sã Matsɛ Benhadad mɔ ɔmɛ. Imi, Yawɛ Tabohiatsɛ ɔ lɛ i de.”

Yesaya 37:24

O tsɔ o tsɔli kɛ ba ye imi Nyɔmtsɛ ɔ ye he fɛu, nɛ o de ke, ‘I ngɔ ye ta zugba lɛhi kɛ kuɔ yo ɔmɛ kɛ ya su Lebanon tɔɔ. I poo Lebanon seda tso gagaa amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

Yesaya 10:8

E fĩaa nɛ e deɔ ke, “Anɛ ye tatsɛmɛ ɔmɛ ɔ, pi matsɛmɛ ji mɛ tsuo lo?

Ezra 7:12

“Osɔfo Ezra, mo womi ngmalɔ nɛ o le Mawu nɛ ngɛ hiɔwe ɔ mlaa a saminya; imi Matsɛ Artaherhes nɛ i ngɛ mo womi nɛ ɔ ngmae. Mo he manye!

Matsɛmɛ I, 20:24

Lɔ ɔ he ɔ, jé matsɛmɛ nyingmi etɛ kɛ enyɔ ɔmɛ ngɛ a blɔ he ɔmɛ, nɛ o ngɔ asafoatsɛmɛ ngɔ to a nane mi.

Matsɛmɛ I, 20:16

Piani ɔ, a hia ta. Jamɛ a be ɔ, Benhadad, kɛ matsɛmɛ nyingmi etɛ kɛ enyɔ kpa amɛ nu dã nɛ a tɔ kpɔtɔɔ ngɛ a bo tsu ɔmɛ a mi.

Matsɛmɛ I, 16:24

E he Samaria yoku ɔ ngɛ nyumu ko nɛ a tsɛɛ lɛ Shemer ɔ dɛ sika hiɔ yi akpe ekpa. Omri po ma ngɛ yoku ɔ nɔ, nɛ e fia gbogbo ngɔ wo he. E kɛ yoku ɔ tsɛ biɛ Shemer ɔ wo ma a, nɛ ma a biɛ ba pee Samaria.

Samuel I, 13:5

Filisti bi ɔmɛ bua a he nya, konɛ a kɛ Israel nɛ hwu; a hɛɛ ta zugba lɛ akpe nyingmi etɛ, okpɔngɔ ta buli akpe ekpa, kɛ tabohi babauu nɛ a li nya. A ya bua a he nya ngɛ Mikmash ngɛ Bet Aven beleku je.

Manyadali 4:3

Yabin ngɛ dade ta zugba lɛ lafa nɛɛ, nɛ e wa Israel bi ɔmɛ yi mi jeha nyingmi enyɔ sɔuu. Nɛ Israel bi ɔmɛ fa kue ha Yawɛ.

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.

Mose V, 28:52

A ma ba tua nyɛ ngɛ ma amɛ tsuo nɛ ngɛ zugba a nɛ Yawɛ ngɛ nyɛ hae ɔ nɔ, hluu kɛ yaa si be nɛ gbogbo gojogojoo ɔmɛ nɛ nyɛ ngɔ nyɛ hɛ kɛ fɔ a nɔ ɔ tsuo maa hule pue si.

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Mose II, 14:7

nɛ e hla ta zugba lɛ kpakpa lafa ekpa, kɛ Egipt ta zugba lɛ kpa amɛ tsuo, kɛ mɛ tsuo a tatsɛmɛ.

Matsɛmɛ I, 20:2

E tsɔ ya de Israel matsɛ, Ahab ngɛ ma a mi ke, “Imi Matsɛ Benhadad, i fa ke

Matsɛmɛ II, 6:8

Be ko ɔ, Siria matsɛ kɛ Israel na ta, nɛ e kɛ e tsɔli ɔmɛ so kaa a ma ya bua a he nya ngɛ he ko.

Matsɛmɛ II, 8:5

Benɛ Gehazi ngɛ matsɛ ɔ gbae bɔ nɛ Elisha tle gbogboe ko si ɔ, yo ɔ nɛ e binyumu ɔ gbo nɛ a tle lɛ si ɔ, ba fa kue ha matsɛ ɔ ngɛ e we ɔ, kɛ e zugba a he. Kɛkɛ nɛ Gehazi de ke, “Ye nyɔmtsɛ matsɛ, yo ɔ ji nɛ ɔ nɛ; nɛ e binyumu ɔ nɛ Elisha tle si ɔ hu ji nɛ ɔ nɛ.”