Matsɛmɛ I, 2:8 - BAIBLO ALOO NGMAMI KLƆUKLƆU Ɔ

⁸ “Jehanɛ, Gera binyumu Shimei nɛ je Bahurim ma a mi ngɛ Benyamin wɛtso ɔ mi ɔ hu ngɛ. Lɛ ji nɔ nɛ gbiɛ mi kadikadi ligbi ɔ nɛ i ya Mahanaim ɔ nɛ. Se benɛ e kɛ mi ba kpe ngɛ Yordan pa a nya a, i ka lɛ kita ngɛ Yawɛ biɛ mi ke i be lɛ gbee.

Matsɛmɛ I, 2:8 ပူးပေါင်းရင်းမြစ်များ

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Mose II, 22:27

ejakaa lɔ ɔ pɛ ji e heha nɔ́ nɛ e kɛ maa tsi fĩɛ; mɛni hu ngɛ e dɛ nɛ e maa ha kɛ hwɔ si? Ke nyɛ pee we ja, nɛ e fo ya kɛ tsɛ mi ɔ, ma bu lɛ tue; ejakaa mɔbɔ nalɔ ji mi.

Samuel II, 19:24

Mefiboshet, Saul bibi ɔ hu ba nɛ e ba kpee matsɛ ɔ. Kɛ je ligbi ɔ nɛ matsɛ ɔ je Yerusalem ɔ hluu kɛ ba si ligbi nɛ e kpale e se kɛ ba fiafiaafia a, Mefiboshet fɔ we e nanehi a he, e sɛ we e kpɛni; nɛ e tadehi hu e fɔ we a he.