Matsɛmɛ I, 2:7 - BAIBLO ALOO NGMAMI KLƆUKLƆU Ɔ

⁷ “Gilead no Bazilai binyumu ɔmɛ lɛɛ, naa mɛ mɔbɔ, nɛ o ngɔ mɛ ngɔ piɛ ni nɛmɛ nɛ yeɔ ní ngɛ o we okplɔɔ ɔ he ɔ a he; ejakaa benɛ i ngɛ o wetsɛ Absalom nya fo tue ɔ, mɛ lɛ a na mi mɔbɔ.

Matsɛmɛ I, 2:7 ပူးပေါင်းရင်းမြစ်များ

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Samuel II, 9:10

Lɔ ɔ he ɔ, o kɛ o binyumu ɔmɛ, kɛ o tsɔli ɔmɛ maa pee ngmɔ, nɛ nyɛ ma kpa ní, konɛ o nyɔmtsɛ Saul we ɔ nɛ a ná nɔ́ ko nɛ a ye. Se o nyɔmtsɛ ɔ bibi Mefiboshet lɛɛ e maa ye ní ngɛ ye okplɔɔ he daa.” Ziba ngɛ binyumuhi nyɔngma kɛ enuɔ, kɛ tsɔli nyingmi enyɔ.

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Abɛ Womi 27:10

O hɛ ko je mo nitsɛ o huɛ, loo o tsɛ e huɛ nɔ; ke e fi mo ɔ, ko de ke doo o maa ya o nyɛmi ngɔ; o huɛ nɛ ngɛ o kasa nya a hi pe o nyɛmi nɛ ngɛ ma se lokoo.

Samuel II, 19:28

Jinɛ tsaatsɛ we ɔ tsuo pɛpɛɛpɛ sa gbenɔ; se kɛ̃ o ngɔ o tsɔlɔ ɔ ngɔ piɛ nihi nɛ yeɔ ní ngɛ o we okplɔɔ ɔ he ɔ a he. Lɛɛ mɛni he blɔ i ngɛ kaa ma bi nɛnɛ ekohu ke e na mi mɔbɔ?”

Mose I, 40:14

Se, i kpa mo pɛɛ, ke níhi a mi ya hi ha mo ɔ, mo kai mi nɛ o na mi mɔbɔ; moo tu ye he munyu kpakpa ha Farao ɔ, nɛ e ba je mi kɛ je tsu nɛ ɔ mi.

Ezra 2:61

Osɔfo ɔmɛ a nina nɛ ɔmɛ a biɛ be womi ko mi nɛ tsɔɔ a weku kpa: Habaya, Hakoz, kɛ Bazilai. A bimɛ ɔmɛ nyɛ we nɛ a tsɔɔ a weku kpa tutuutu kaa osɔfohi a nina. A hla a biɛ ngɛ weku kpa womi ɔmɛ a mi, se a nɛ́. Enɛ ɔ he je ɔ, a ngɔɛ mɛ kɛ piɛ we osɔfo ɔmɛ a he; a bu mɛ kaa nihi nɛ a he tsɔ we. Bazilai ngɔ Gilead no ko nɛ a tsɛɛ lɛ Bazilai e biyo; enɛ ɔ he je nɛ a wo lɛ biɛ Bazilai ɔ nɛ.

Yeremia 52:33

Enɛ ɔ he je ɔ, a ngmɛ Yehoyakin blɔ nɛ e je pã mi tade ɔmɛ ngɛ e he ngɔ pue si, nɛ e ya yeɔ ní ngɛ matsɛ okplɔɔ he daa ligbi kɛ ya si e gbenɔ be.

Matsɛmɛ II, 25:29

Enɛ ɔ he je ɔ, a ngmɛ Yehoyakin blɔ nɛ e je pã mi tade ɔmɛ ngɛ e he ngɔ pue si, nɛ e ya yeɔ ní ngɛ matsɛ okplɔɔ ɔ he daa ligbi kɛ ya si benɛ e gbo.

Matsɛmɛ II, 25:30

Jehanɛ se hu, matsɛ ɔ haa lɛ yemi kɛ buami sika ko daa ligbi kɛ ya si e gbenɔ be.