Matsɛmɛ I, 2:5 - BAIBLO ALOO NGMAMI KLƆUKLƆU Ɔ

⁵ “Jehanɛ se hu, o kai nɔ́ nɛ Yoab pee mi ɔ; bɔ nɛ e gbe Israel tatsɛmɛ enyɔ, nɛ ji Ner binyumu Abner, kɛ Yeter binyumu Amasa. O kai bɔ nɛ e gbe mɛ ngɛ tue mi jɔmi be mi kɛ to nihi nɛ mɛɛ lɛɛ a gbe ngɛ ta be mi ɔ a nya a. E pue nihi nɛ pee we yayami ko ɔ a muɔ si, nɛ nɔ́ nɛ ɔ ba pee tlomi kɛ ha imi mohu, nɛ i ngɛ nɔ́ nae ngɛ he.

Matsɛmɛ I, 2:5 ပူးပေါင်းရင်းမြစ်များ

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Samuel II, 20:10

Nɛ pee ja a, Amasa nɛ́ klaate ɔ nɛ Yoab hɛɛ ngɛ e muɔ nine mi ɔ; kɛkɛ nɛ Yoab kɛ klaate ɔ gbɔ e muklii mi, nɛ e pã e mi ní kɛ pue zugba. E gbo amlɔ nɔuu nɛ e he hia we kaa Yoab nɛ fia lɛ nɔ́ si enyɔne hu. Lɔ ɔ se ɔ, Yoab kɛ e nyɛmi Abishai pue nɔ kɛ nyɛɛ Bikri bi Sheba a se.

Samuel II, 18:12

Se nyumu ɔ de Yoab ke, “Kpaoo! Ke o ha mi sika hiɔ yi akpe po, i be ye nine nɔ woe ngɛ matsɛbi ɔ nɔ; ejakaa wa hɛ mi nɛ matsɛ ɔ ka mo, kɛ Abishai, kɛ Itai kita ngɛ ke, ‘Ye he ɔ, nyɛ ko ye niheyo Absalom ɔ awi.’

Samuel II, 18:5

Matsɛ ɔ ka Yoab kɛ Abishai kɛ Itai kita ke, “Ye he ɔ, nyɛɛ kɛ niheyo Absalom ɔ nɛ ye blɛuu.” Benɛ matsɛ ɔ ngɛ e tatsɛmɛ ɔmɛ kita kae ngɛ Absalom he ɔ, tabo ɔmɛ tsuo nu.

Samuel II, 18:14

Yoab de lɛ ke, “I pa be be ko puɛe ngɛ o he hu.” Kɛkɛ nɛ e ya ngɔ akplɔ etɛ, nɛ e fɔ kɛ gbɔ Absalom gugue mi, be mi nɛ e kplaa si ngɛ tso ɔ mi nɛ e gbo we lolo ɔ.

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Yeremia 6:15

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yeremia 2:34

Ohiatsɛmɛ nɛ pee we yayami ko a muɔ ji so nɛ ngɛ nyɛ tadehi a mi; pi ojo fiali a muɔ. “Se enɛ ɔmɛ tsuo a se ɔ,

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Matsɛmɛ I, 1:7

E kɛ Zeruya binyumu Yoab, kɛ osɔfo Abiatar sɛɛ e yi mi tomi ɔ he ní, nɛ a kplɛɛ kaa a maa piɛ e he.

Samuel II, 17:25

Absalom pee Amasa tatsɛ nɔkɔtɔma ngɛ Yoab nane mi. Amasa nɛ ɔ, Israel no ko nɛ a tsɛɛ lɛ Itra a bi ji lɛ. E nyɛ Abigail, nɛ ji Yoab nyɛ Zeruya nyɛmiyo ɔ, Nahash biyo ji lɛ.

Samuel II, 2:18

Zeruya binyumu etɛ ɔmɛ hu ngɛ lejɛ ɔ. Mɛ ji Yoab, Abishai, kɛ Asahel. Asahel nane nya sɔɔ kaa alɔngɔ.

Mateo 3:4

Yohane ɔ, afukpɔngɔ he womi a kɛ lo e tade; lohwe he womi kpa fi e mlɛ mi, nɛ e niye ní ji baalɛ kɛ nga nɔ hwo.

Samuel II, 2:13

Zeruya binyumu Yoab kɛ David tsɔli ɔmɛ hu hia kɛ je kpo nɛ a kɛ mɛ ya kpe ngɛ Gibeon taku ɔ nya. Kuu kake bua a he nya ngɛ taku ɔ hɛ mi, nɛ kuu kake hu bua a he nya ngɛ taku ɔ se.

Mose V, 27:24

“ ‘Mawu maa gbiɛ nɔ tsuaa nɔ nɛ gbee e nyɛmi ngɛ laami mi.’ “Ma a tsuo ma he nɔ ke, ‘Amen!’