Matsɛmɛ I, 2:3 - BAIBLO ALOO NGMAMI KLƆUKLƆU Ɔ

³ nɛ nɔ́ nɛ Yawɛ, o Mawu ɔ fa mo ke o pee ɔ, o pee. Ye e mlaa amɛ, kɛ e fami ɔmɛ tsuo a nɔ kaa bɔ nɛ a ngma ngɛ Mose mlaa a mi ɔ, bɔ nɛ pee nɛ he tsuaa he nɛ o maa gu ɔ, o nɔ́ tsuaa nɔ́ nɛ ya nɔ pɛpɛɛpɛ.

Matsɛmɛ I, 2:3 ပူးပေါင်းရင်းမြစ်များ

Samuel II, 8:14

David to tabohi a hi hehi ngɛ Edom zugba a nɔ tsuo; nɛ Edom bi ɔmɛ ba plɛ pee e sɔmɔli. Yawɛ ha David ye kunimi ngɛ he tsuaa he.

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Kronika I, 29:19

Ha nɛ ye bi Salomo nɛ ye o mlaa amɛ, o fami ɔmɛ, kɛ blɔ nya tomi ɔmɛ tsuo pɛpɛɛpɛ a nɔ, konɛ e po we ɔ nɛ i dla e he níhi kɛ to ɔ ha mo.”

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

La 119:138

Mlaa amɛ nɛ o wo ɔ, a da, anɔkuale sɔuu.

La 119:2

A gbaa nihi nɛ yeɔ e mlaa amɛ a nɔ, ni nɛmɛ nɛ kɛ a tsui tsuo hlaa e se blɔ,

La 19:7

Yawɛ mlaa a hi kɛ pi si; e haa nɔ naa he wami he. Yawɛ mlaa a, anɔkuale sɔuu, e haa nɛ kuasia leɔ ní.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Mose III, 8:35

Nyɛɛ hi kpe he bo tsu ɔ sinya a nya nyɔ kɛ pia ligbi kpaago kɛ tsu ní tsumi nɛ Yawɛ kɛ wo nyɛ dɛ ɔ; ke pi ja a, nyɛ ma gbo. Bɔ nɛ a fa mi ke ma de ji nɛ ɔ nɛ.”

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Mose V, 29:8

nɛ wa ngɔ a zugba a, nɛ wa dla mi ngɔ ha Ruben wɛtso ɔ, Gad wɛtso ɔ, kɛ Manase wɛtso fa a.

Mose V, 29:9

Lɔ ɔ he ɔ, nyɛɛ ye somi ɔ mi munyu ɔmɛ tsuo a nɔ pɛpɛɛpɛ, bɔ nɛ pee nɛ nyɛɛ ye manye ngɛ nɔ́ tsuaa nɔ́ nɛ nyɛ maa pee mi.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:45

Benɛ Israel bi ɔmɛ je Egipt, nɛ a ba su kɔ̃ ɔ nɛ ngɛ Yordan pa a beleku je ngɛ Betpeor hanɔ ɔ, nɛ e ha mɛ mlaa nɛ ɔmɛ ɔ nɛ. Sa a, Amor bi ɔmɛ a matsɛ, Sihon nɛ je Heshbon ɔ nɛ ye zugba nɛ ɔ nɔ. Se Mose kɛ Israel bi ɔmɛ ba ye e nɔ, benɛ a je Egipt kɛ ma a.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 4:8

Jehanɛ hu, ma kpetekpleenyɛ te nɛ ngɛ nɛ e mlaahi da kaa ní nɛmɛ tsuo nɛ i ngɛ nyɛ tsɔɔe mwɔnɛ nɛ ɔ?

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Yoshua 22:5

Nyɛɛ hyɛ saminya, nɛ nyɛɛ ye mlaa amɛ nɛ Yawɛ tsɔlɔ Mose wo nyɛ ɔ a nɔ. Nyɛɛ suɔ Yawɛ, nyɛ Mawu ɔ; nyɛɛ pee e suɔmi nya ní; nyɛɛ ye e mlaa amɛ a nɔ, nyɛɛ ye lɛ anɔkuale, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.”

Yoshua 23:6

Lɔ ɔ he ɔ, nɔ́ tsuaa nɔ́ nɛ a ngma ngɛ Mose mlaa womi ɔ mi ɔ, nyɛɛ ye nɔ sisiisi. Nyɛ ko si eko,

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

Samuel I, 18:30

Ke pee ɔ, Filisti ganɔ ɔmɛ ba tuaa Israel bi ɔmɛ. Se be tsuaa be nɛ ta ko maa te si ɔ, David yeɔ kunimi pe Saul tsɔli kpa amɛ tsuo. Nɔ́ nɛ ɔ ha David na biɛ wawɛɛ nitsɛ.

Samuel I, 18:5

He tsuaa he nɛ Saul tsɔ David ɔ, e ya yeɔ manye. Enɛ ɔ he ɔ, Saul wo lɛ asafoatsɛ, nɛ nɔ́ nɛ ɔ sa Saul tsɔli, kɛ nihi tsuo a hɛ mi.