Matsɛmɛ I, 2:26 - BAIBLO ALOO NGMAMI KLƆUKLƆU Ɔ

²⁶ Enɛ ɔ se ɔ, Matsɛ Salomo de osɔfo Abiatar ke, “Moo ho mo nitsɛ o ma mi ya ngɛ Anatot. Jinɛ e sa kaa a gbe mo, se i be hae nɛ a gbe mo piɔ; ejakaa benɛ o kɛ tsaatsɛ David ngɛ ɔ, mo lɛ o hyɛɛ Yawɛ Mawu somi daka a nɔ. Jehanɛ se hu, amanehlu slɔɔtohi tsuo nɛ tsaatsɛ na a, o kɛ lɛ nɛ na.”

Matsɛmɛ I, 2:26 ပူးပေါင်းရင်းမြစ်များ

Yoshua 21:18

Anatot, kɛ Almon, kɛ a he lohwe lɛmi zugba amɛ.

Mateo 10:42

Niinɛ, i ngɛ nyɛ dee ke, nɔ tsuaa nɔ nɛ ma ha ni tsɔwi nɛ ɔmɛ a ti nɔ kake nyu nɛ mi jɔ nɛ e nu akɛnɛ ye kaselɔ ji lɛ he je ɔ, e hiɔwo be lɛ bɔe gblegbleegble.”

Yeremia 1:1

Yeremia, Hilkia binyumu ɔ munyuhi ji nɛ ɔmɛ nɛ. Osɔfohi nɛ hi Anatot ngɛ Benyamin zugba a nɔ ɔ, a ti nɔ kake ji Hilkia.

Samuel I, 26:16

Nyɛ pee we nɛ hi kulaa. I na Mawu, ja a gbe nyɛ tsuo kulaa; ejakaa nyɛ bui nyɛ nyɔmtsɛ ɔ, nɔ nɛ Yawɛ pɔ lɛ nu ɔ he. Jehanɛ, hyɛ he nɛ matsɛ ɔ akplɔ ɔ ngɛ! Nyu kɛ kplu ɔ hu nɛ ngɛ matsɛ ɔ yi tetle mi ɔ, hyɛ he nɛ e ba je!”

Galatabi 3:4

Amanehlu babauu nɛ nyɛ na a, anɛ e maa pee yaka? Dɛbi! I he we yi!

Luka 22:28

“Ye haomi be ɔmɛ a mi ɔ, nyɛ ji nihi nɛ daa si kpɛii ngɛ ye se.

Yesaya 10:30

Galim bi, nyɛ kpa ngmlaa! Laisha bi, nyɛɛ bu tue! Nyɛ he nɔ koo, nyɛ Anatot bi!

Matsɛmɛ I, 2:35

Matsɛ ɔ wo Yehoyada binyumu Benaya tatsɛ ngɛ Yoab nane mi, nɛ e ngɔ osɔfo Zadok hu ngɔ to osɔfo Abiatar blɔ he ɔ.

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’

Matsɛmɛ I, 1:7

E kɛ Zeruya binyumu Yoab, kɛ osɔfo Abiatar sɛɛ e yi mi tomi ɔ he ní, nɛ a kplɛɛ kaa a maa piɛ e he.

Samuel II, 12:5

David mi mi fu jamɛ a niatsɛ ɔ wawɛɛ nitsɛ, nɛ e de Natan ke, “I na Yawɛ kaa nɔmlɔ nɛ pee nɔ́ nɛ ɔ, ja e gbo!

Samuel I, 2:32

O maa hao, nɛ o kɛ hɛkɔ maa hyɛ gbaamihi nɛ i kɛ ma ha Israel bi kpa amɛ, se o we ɔ mi lɛɛ nɔmoyo ko nɔmoyo ko be mi hie hu.