Matsɛmɛ I, 2:2 - BAIBLO ALOO NGMAMI KLƆUKLƆU Ɔ

² “Ye gbenɔ be su ta. O he nɛ wa, nɛ o pee kã,

Matsɛmɛ I, 2:2 ပူးပေါင်းရင်းမြစ်များ

Yoshua 23:14

“Jehanɛ, ye gbenɔ be su. Nyɛ ti nɔ tsuaa nɔ le ngɛ e tsui mi, kɛ e klaa mi kaa Yawɛ, nyɛ Mawu ɔ ha nyɛ ní kpakpa amɛ tsuo nɛ e wo si ke e ma ha nyɛ ɔ. E ye e si womi ɔmɛ tsuo kulaa nɔ; e si we eko.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

La 89:48

Te nɔmlɔ nɛ ngɛ je mi, nɛ lɛɛ e be gboe? Mɛnɔ ma nyɛ ma je e he kɛ je gbenɔ dɛ mi?

Hiob 30:23

Niinɛ, i le kaa o ngɔ mi kɛ yaa gbeje, he nɛ a to kɛ ha nɔ́ tsuaa nɔ́ nɛ hɛ ngɛ ɔ.

Hiob 16:22

Jehahi bɔɔ komɛ a se ɔ, ma hia blɔ kɛ ya he ko nɛ i be kpalee kɛ ba hu.

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Matsɛmɛ I, 3:7

Yawɛ ye Mawu lee, o ha nɛ i ba ngɛ tsɛ yee ngɛ tsaatsɛ David se, be mi nɛ jokuɛ bɔbɔyoo kɛkɛ ji mi, nɛ́ i li nɔ́ ko nɔ́ ko.

Samuel II, 10:12

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Samuel II, 12:23

Se piɔ nɛ e gbo ɔ, mɛni he je e sa kaa ma ha hwɔ ekohu? Anɛ ma nyɛ ma kpale lɛ kɛ ba wami mi ekohu lo? Imi mohu nɛ ma bu e nɔ ligbi ko; se lɛɛ e be kpalee kɛ ba ye ngɔ hu gblegbleegble.”

Kronika I, 22:13

Mlaa amɛ tsuo nɛ Yawɛ wo Israel ma a kɛ gu Mose nɔ ɔ, ke o ye a nɔ ɔ, e maa hi ha mo. O he nɛ wa nɛ o pee kã; koo ye nɔ́ ko nɔ́ ko gbeye!

Kronika I, 22:16

sika tsu, sika hiɔ, akɔblee, kɛ dade a he ní. Lɔ ɔ he ɔ, moo hyɛ nɛ o je ní tsumi ɔ sisi; nɛ Yawɛ nɛ piɛ o he.”

Kronika I, 28:10

Ná nɛ o le kaa Yawɛ hla mo konɛ o ma e we klɔuklɔu ɔ. Pee kã nɛ o kɛ tsu ní tsumi nɛ ɔ.”