Matsɛmɛ I, 18:4 - BAIBLO ALOO NGMAMI KLƆUKLƆU Ɔ

⁴ Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Matsɛmɛ I, 18:4 ပူးပေါင်းရင်းမြစ်များ

Matsɛmɛ I, 18:13

Anɛ o nui kaa benɛ Yezebel ngɛ Yawɛ gbali ɔmɛ gbee ɔ, i ngɔ a ti nihi lafa ngɔ laa ngɛ tɛ puɔhi a mi, nɛ i ha mɛ niye ní kɛ nyu lo? I ngɔ gbali nyingmi enuɔ ngɔ to he kake, nɛ i ngɔ nyingmi enuɔ hu ngɔ to he kake.

Hebribi 11:38

Je ɔ sɛ́ nimli nɛ ɔmɛ! A wo lalaalo ngɛ nga kplanaa nɔ, kɛ yohi a nɔ. A hi tɛ puɔhi, kɛ muɔhi a mi.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 25:35

Hwɔ ye mi, nɛ nyɛ ha mi ní nɛ i ye; kuma ye mi, nɛ nyɛ ha mi nyu nɛ i nu; nubwɔ ji mi, nɛ nyɛ ha i ba to nyɛ ngɔ.

Mateo 21:35

Se huli ɔmɛ nuu e tsɔli ɔmɛ; a kongo nɔ kake, nɛ a gbe nɔ kake, nɛ a fia nɔ kake tɛ.

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Matsɛmɛ I, 13:16

Se gbalɔ nɛ je Yuda a he nɔ ke, “I be nyɛe ma kpale ye se nɛ i kɛ mo nɛ ya. I kɛ mo be ní yee, nɛ nyu hu i be nue ngɛ hiɛ ɔ,

Matsɛmɛ I, 18:5

Ahab de Obadia ke, “Ha nɛ wa ya kpa zugba a nɔ nɛ waa hyɛ kaa wa ma na nga ngɛ pa amɛ, kɛ kɔ̃ ɔmɛ a mi ba ha wa okpɔngɔ ɔmɛ, kɛ teji okpɔngɔ ɔmɛ nɛ a kpe, konɛ wa ko ba gbe wa lohwe ɔmɛ.”

Matsɛmɛ II, 6:32

Nɛ e tsɔ nyumu ko ke e ya tsɛ Elisha kɛ ba. Jamɛ a be ɔ mi ɔ, Elisha kɛ ma nimeli komɛ nɛ ma lɛ slaami ɔ hii si ngɛ e we ɔ mi. Benɛ tsɔlɔ ɔ na we nɛ e su we ɔ mi ɔ, Elisha de ma nimeli ɔmɛ ke, “Tse nyɛ na kaa nɔmlɔ gbelɔ nɛ ɔ tsɔ nɛ́ a ba po ye yi! Nyɛ le piɔ, ke tsɔlɔ ɔ ba a, nyɛ nga sinya a, nɛ nyɛ ko ngmɛ lɛ blɔ nɛ e sɛ tsu ɔ mi. Matsɛ ɔ nitsɛ nyɛɛ e se kɛ ma.”

Matsɛmɛ II, 9:7

O ma kpata o nyɔmtsɛ Ahab we ɔ hɛ mi; nɛ i kɛ nɔ́ nɛ ɔ maa ye ye tsɔli gbali ɔmɛ, kɛ imi Yawɛ, ye tsɔli kpa amɛ tsuo a muɔ nɛ Yezebel pue si ɔ he lue.

Yesaya 16:3

A de Yuda bi ɔmɛ ke, “Wa ngɛ nyɛ dɛ mi; nyɛɛ wo wɔ ga koo. Wa maa hi nyɛ ngɔ nɛ nyɛɛ baa wa yi kaa bɔ nɛ tso woɔ hɔ kudɔɔ ngɛ e sisi piani katakata a. Pe a fie wɔ, lɔ ɔ he ɔ, nyɛɛ ngɔ wɔ ngɔ to; nyɛ ko tsɔɔ wa se blɔ.

Yeremia 26:24

Se Shafan bi Ahikam, matsɛ pɛdiyo ɔ, fa ye he. Enɛ ɔ he je ɔ, a ngɔɛ mi kɛ wui ma a dɛ mi nɛ a ya gbe mi.

Yeremia 36:19

Kɛkɛ nɛ ma nimeli ɔmɛ de Baruk ke, “Yaa nɛ o ya laa o he, o kɛ Yeremia tsuo. Nyɛ ko ha nɛ nɔ ko nɛ le he nɛ nyɛ ngɛ.”

Matsɛmɛ I, 17:11

Benɛ yo ɔ yaa nɛ e ya yɛ nyu ɔ, Eliya tsɛ e yi se, nɛ e de lɛ ke, “I kpa mo pɛɛ nɛ o ngɔ abolo bɔɔ ko ngɔ piɛ he kɛ ba ha mi.”