Matsɛmɛ I, 17:12 - BAIBLO ALOO NGMAMI KLƆUKLƆU Ɔ

¹² Yo ɔ he nɔ ke, “I na Yawɛ, o Mawu ɔ kaa i be abolo. Nɔ́ nɛ i ngɛ pɛ ji mamu dɛ kɔkɔ ngɛ buɛ mi, kɛ nu bɔbɔyoo ko ngɛ tɔ mi. I ba hiɛmɛ nɛ ɔ nɛ ma ba bua lɛ́ bɔɔ ko nya kɛ ya we mi, nɛ ma kɛ ya sã abolo, nɛ i kɛ ye binyumu waa ye. Lɔ ɔ se lɛɛ wa ma gbo kɛ hwɔ.”

Matsɛmɛ I, 17:12 ပူးပေါင်းရင်းမြစ်များ

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Mose I, 21:16

nɛ e ho ya hi si ngɛ he ko banee, maa pee gugue nyingmi enuɔ loo nɔ kɛmi kɛ je he nɛ jokuɛ ɔ ngɛ ɔ. E de ngɛ e yi mi ke, “I be nyɛe nɛ ma hi jokuɛ ɔ hɛ mi hyɛe kɛ yaa si e ma gbo.” Benɛ e hii si ngɛ lejɛ ɔ, e bɔni ya fomi.

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 5:2

Nyɛ ngɔɔ Yawɛ biɛ kɛ kaa kita, se nyɛ ní peemi níhi slo.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Samuel II, 15:21

Se Itai he nɔ ke, “I na Yawɛ, nɛ i na nɛnɛ kaa he tsuaa he nɛ o yaa a, i kɛ mo maa ya, gbenɔ mi jio, wami mi jio.”

Samuel I, 26:10

David ya nɔ nɛ e de ke, “I na Yawɛ, hɛ kalɔ ɔ kaa lɛ Yawɛ nitsɛ e maa fia Saul nɔ, loo Saul gbenɔ be maa su nɛ e ma gbo, loo e ma gbo ngɛ ta nya.

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Samuel I, 20:21

Lɔ ɔ se ɔ, ma ha nɛ ye tsɔlɔ ɔ ya kukuɔ mɛ kɛ ba. Ke i de ke, ‘Hyɛ, kɛ̃ɛ̃ mi bi ɔmɛ ngɛ hiɛ blɔ; yaa nɛ o ya kukuɔ mɛ’ ɔ; e tsɔɔ kaa o ma nyɛ maa ba, ejakaa gbeye ko be. I na Yawɛ, hɛ kalɔ ɔ kaa nɔ́ ko nɔ́ ko be mo pee.

Samuel I, 20:3

Se David he nɔ ke, “O tsɛ le saminya kaa o suɔ ye sane; lɔ ɔ he ɔ, e pee e juɛmi kaa e be hae nɛ o le nɔ́ nɛ ɔ, bɔ nɛ pee nɛ e ko hao mo. Se anɔkuale, i na Yawɛ hɛ kalɔ ɔ kaa nane hiami kake pɛ lɛ ngɛ i kɛ gbenɔ wa kpɛti.”

Samuel I, 14:45

Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.

Samuel I, 14:39

I na Yawɛ Israel yi wami helɔ ɔ, kaa ke ji ye bi Yonatan po nɛ pee yayami nɛ ɔ, ja a gbe lɛ.” Se nɔ ko nɔ ko de we nɔ́ ko.

Mateo 26:7

Benɛ Yesu ngɛ ní yee ɔ, yo ko hɛɛ alabastro tɔ kɛ e mi nu kɛ e he via nɛ he jua wa kɛ ba e ngɔ. Nɛ e plɛ nu ɔ kɛ pue Yesu yi mi.

Mose I, 21:15

Benɛ nyu ɔ ta tɔ ɔ mi ɔ, Hagar ngɔ jokuɛ ɔ ya fɔ tso ko sisi,

Matsɛmɛ I, 17:11

Benɛ yo ɔ yaa nɛ e ya yɛ nyu ɔ, Eliya tsɛ e yi se, nɛ e de lɛ ke, “I kpa mo pɛɛ nɛ o ngɔ abolo bɔɔ ko ngɔ piɛ he kɛ ba ha mi.”

Matsɛmɛ I, 17:13

Se Eliya de lɛ ke, “Koo ye tsui! Yaa nɛ o ya pee kaa bɔ nɛ o de ɔ. Ngɔɔ mamu ɔ eko kɛ pee abolo nɛ o ngɔ kɛ ba ha mi kekle; lɔ ɔ se loko o pee o kɛ o binyumu ɔ nyɛ nɔ́.