Matsɛmɛ I, 17:1 - BAIBLO ALOO NGMAMI KLƆUKLƆU Ɔ

¹ Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ I, 17:1 ပူးပေါင်းရင်းမြစ်များ

Yakobo 5:17

Eliya a, nɔmlɔ adesa ji lɛ kaa wɔ nɔuu. E sɔle kɛ hɛdɔ ke hiɔmi kó nɛ; nɛ hiɔmi nɛ́ ngɛ zugba a nɔ jeha etɛ kɛ nyɔhiɔ ekpa sɔuu.

Luka 1:17

E maa sɛ Nyɔmtsɛ ɔ hlami kɛ he wami, kɛ kã kaa gbalɔ Eliya. E maa pee tsɛmɛ kɛ a bimɛ kake ekohu. E ma ha nihi nɛ bui Mawu tue ɔ maa kpale ba nyɛɛ ni nɛmɛ nɛ buɔ lɛ tue ɔ a blɔ ɔmɛ a nɔ. Nɛ nihi nɛ Mawu nitsɛ hla a, e ma dla mɛ ngɔ to lɛ.”

Matsɛmɛ I, 22:14

Se Mikaya he nɔ ke, “I na Yawɛ hɛ kalɔ ɔ kaa nɔ́ nɛ Yawɛ ma de mi ɔ, lɔ ɔ pɛ ma de ɔ nɛ!”

Matsɛmɛ II, 3:14

Elisha de lɛ ke, “I na Yawɛ Tabohiatsɛ ɔ nɛ i sɔmɔɔ lɛ ɔ, kaa ke pi Yuda matsɛ, Yehoshafat hɛ mi zo nɛ i gbo ɔ, jinɛ i be mo kpɛe, nɛ ma ba de ke ma hyɛ o hɛ mi po.

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.

Romabi 11:2

Mawu kua we e ma nɛ e hla blema lokoo ɔ. Tse nyɛ le nɔ́ nɛ ngmami ɔ deɔ ngɛ Eliya yi nɔ benɛ Eliya po Israel nya ha Mawu ke,

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Luka 9:30

Tlukaa a, nyumuhi enyɔ ba lejɛ ɔ, nɛ a kɛ lɛ ba tu munyu. Mɛ ji Mose kɛ Eliya.

Mateo 7:29

E tsɔɔ mɛ ní kaa nɔ ko nɛ hɛɛ blɔ nya, se pi kaa bɔ nɛ mlaa tsɔɔli ɔmɛ tsɔɔ ní ɔ.

Matsɛmɛ I, 18:1

Pee se ngɛ jeha etɛne ɔ mi ɔ, Yawɛ de Eliya ke, “Yaa nɛ o kɛ o he ya tsɔɔ Matsɛ Ahab, nɛ ma ha hiɔmi maa nɛ.”

Mose V, 10:8

Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Luka 1:19

Bɔfo ɔ he nɔ ke, “Imi ji Gabriel, nɛ i daa si ngɛ Mawu hɛ mi. A tsɔ mi ke i kɛ mo ba sɛɛ ní, nɛ́ ma ngɔ manye munyu nɛ ɔ ba ha mo.

Matsɛmɛ I, 18:15

Eliya he nɔ ke, “I na Yawɛ Tabohiatsɛ ɔ nɛ i sɔmɔɔ lɛ ɔ, kaa mwɔnɛ ligbi nɛ ɔ, ma ngɔ ye he kɛ tsɔɔ matsɛ ɔ.”

Matsɛmɛ I, 18:10

I na Yawɛ, o Mawu ɔ kaa e píɛ ma ko, loo zugba ko nɔ nɛ matsɛ ɔ tsɔɛ kɛ yɛ nɛ a ya hla mo. Be tsuaa be nɛ matsɛ, aloo zugba a nɔ yelɔ ngɛ he nɛ a tsɔ kɛ ya a ha a nu sisi kaa o be lejɛ ɔ, Ahab ha nɛ jamɛ a matsɛ ɔ, aloo zugba a nɔ yelɔ ɔ ka kita ke o be lejɛ ɔ niinɛ.

Manyadali 12:4

Kɛkɛ nɛ Yefta bua Gilead nyumu ɔmɛ tsuo a nya, nɛ a kɛ Efraim bi ɔmɛ hwu ta nɛ e ye a nɔ. Ejakaa Efraim bi ɔmɛ de ke, “Nyɛ Gilead bi nɛ nyɛ ngɛ Efraim kɛ Manase ɔ, ta nɛ fie nyɛ kɛ je Efraim kɛ ba hiɛ ɔ.”

Yohane 1:25

kpale bi lɛ ke, “Ke pi mo ji Kristo ɔ, pi Eliya ji mo, nɛ pi mo ji gbalɔ ɔ hulɔ ɔ, lɛɛ mɛni he nɛ o ngɛ nihi sɔlee mɔ?”

Yohane 1:21

A bi lɛ ke, “Mɛnɔ ji mo mɔ? Eliya lo?” Yohane he nɔ ke, “Tsa pi imi ji Eliya.” A bi lɛ ekohu ke, “Mo ji gbalɔ ɔ lo?” Yohane he nɔ ke, “Dɛbi!”

Luka 9:54

Benɛ e kaseli Yakobo, kɛ Yohane nu he ɔ, a bi lɛ ke, “Nyɔmtsɛ, o suɔ kaa wa de nɛ la nɛ je hiɔwe ba sã mɛ lo?”

Luka 9:33

Benɛ nyumu ɔmɛ ngɛ Yesu sie ɔ, Petro de lɛ ke, “Nyɔmtsɛ, e hi kaa wa ngɛ hiɛ ɔ! Wa maa ma bo tsu etɛ, o nɔ́ kake, Mose nɔ́ kake, kɛ Eliya hu nɔ́ kake.” (Se e li nɔ́ nɛ e ngɛ dee tete).

Mateo 27:49

Se nihi nɛ piɛ ɔ de lɛ ke, “Mlɛ! Ha waa hyɛ kaa Eliya ma ba je lɛ lo!”

Mateo 27:47

Nihi nɛ daa si ngɛ lejɛ ɔ, a kpɛti ni komɛ nu, nɛ a de ke, “Eliya nyumu nɛ ɔ ngɛ tsɛe ɔ nɛ.”

Mateo 16:14

A he nɔ ke, “Ni komɛ ke Yohane nɔ sɔlelɔ ɔ; ni komɛ ke Eliya, nɛ ni kpa komɛ deɔ ke Yeremia, aloo gbali ɔmɛ a ti nɔ kake.”

Mateo 11:14

Ke nyɛ suɔ kaa nyɛ ma he a sɛ gbi ɔ nyɛɛ ye ɔ, Yohane ɔ ji Eliya nɛ maa ba a nɛ.

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

Yesaya 49:18

Hyɛ o he kɛ kpe, nɛ o maa na nɔ́ ko! O ma mi bi ɔmɛ ngɛ a he nya buae kɛ ma we! Ligbi abɔ nɛ imi Yawɛ i ngɛ nɛ ɔ, ma ha o bua maa jɔ o ma a he kaa bɔ nɛ ayɛflo bua jɔɔ june nɛ e wo he ɔ.

Matsɛmɛ II, 5:16

Elisha he nɔ ke, “I na Mawu nɛ i sɔmɔɔ lɛ ɔ kaa i be nɔ́ ko nɔ́ ko hee!” Naeman nyɛ e nɔ ke e he kɛkɛ; se e kplɛɛ we.

Matsɛmɛ I, 17:2

Enɛ ɔ se ɔ, Yawɛ de Eliya ke,

Matsɛmɛ I, 17:12

Yo ɔ he nɔ ke, “I na Yawɛ, o Mawu ɔ kaa i be abolo. Nɔ́ nɛ i ngɛ pɛ ji mamu dɛ kɔkɔ ngɛ buɛ mi, kɛ nu bɔbɔyoo ko ngɛ tɔ mi. I ba hiɛmɛ nɛ ɔ nɛ ma ba bua lɛ́ bɔɔ ko nya kɛ ya we mi, nɛ ma kɛ ya sã abolo, nɛ i kɛ ye binyumu waa ye. Lɔ ɔ se lɛɛ wa ma gbo kɛ hwɔ.”

Matsɛmɛ II, 1:3

Se Yawɛ bɔfo ɔ de gbalɔ Eliya nɛ je Tishbe ɔ ke e ya nɛ e kɛ Matsɛ Ahazia tsɔli ɔmɛ ya kpe, nɛ e bi mɛ ke, “Mɛni he je nyɛ yaa bi ní ngɛ Ekron mawu Baalzebub ɔ ngɔ ɔ? Anɛ Mawu be Israel lo?

Matsɛmɛ II, 5:20

nɛ Mawu nɔmlɔ Elisha tsɔlɔ Gehazi de ke, “Hyɛ kaa ye nyɔmtsɛ ngɔ Naeman, Siria no nɛ ɔ he ngɔ ke lɛ; nɔ́ nɛ e hɛɛ kɛ ba a hu, e he we ngɛ e dɛ. I na Mawu, ma tu fo kɛ fie e se nɛ ma ya he nɔ́ ko ngɛ e dɛ.”

Kronika II, 6:26

“Ke o tsi hiɔmi nya ngɛ yayami ko nɛ o ma Israel pee kɛ si mo ɔ he, nɛ pee se ɔ, a tsake a tsui nɛ a ba we nɛ ɔ mi ba kpa mo pɛɛ kɛ he si bami ɔ,

Hiob 12:15

Ke Mawu tsi hiɔmi nya, kɛkɛ zugba gbli; ke e bli nyu nya, kɛkɛ pa hia lalaala ngɛ zugba a nɔ.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 28:8

Gbali ɔmɛ nɛ nyɛɛ i kɛ mo tsuo wa hɛ mi blema lokoo ɔ gba ke ta, hwɔ, kɛ gbenɔ hiɔ maa ba je mahi babauu, kɛ matsɛ yemi nguanguahi a nɔ.

Hagai 1:10

Enɛ ɔ he je nɛ hiɔmi nɛ́ hu, nɛ zugba a hu bɛ ní ɔ nɛ.

Matsɛmɛ I, 8:35

“Ke o tsi hiɔmi nya ngɛ yayami ko nɛ o ma, Israel pee kɛ si mo he, nɛ pee se ɔ, a tsake a tsui nɛ a ba we nɛ ɔ mi ba kpa mo pɛɛ kɛ he si bami ɔ,

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Kronika II, 21:12

Gbalɔ Eliya ngma Yehoram womi, nɛ nɔ́ nɛ e ngma ngɛ womi ɔ mi ji nɛ ɔ nɛ: “Yawɛ, o nɛ̃ David Mawu ɔ bu mo fɔ; ejakaa o ya nyɛɛ we o tsɛ Yehoshafat, aloo Yuda matsɛ, Asa blɔ kpakpa amɛ a nɔ.