Matsɛmɛ I, 16:7 - BAIBLO ALOO NGMAMI KLƆUKLƆU Ɔ

⁷ Yawɛ ngɔ sɛ gbi nɛ ɔ kɛ gu gbalɔ Yehu, Hanani binyumu ɔ nɔ ya ha Baasha kɛ e we ɔ, ejakaa Baasha pee yayami kɛ si lɛ, Yawɛ ɔ. Pi yayami nɛ Baasha pee kɛ si Yawɛ kaa bɔ nɛ Matsɛ Yeroboam hu pee be ko ɔ kɛkɛ ji nɔ́ nɛ wo Yawɛ mi mi la a, gbemi nɛ Baasha gbe Yeroboam we mi bimɛ ɔmɛ tsuo ɔ hu piɛ he.

Matsɛmɛ I, 16:7 ပူးပေါင်းရင်းမြစ်များ

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Yesaya 2:8

Amagahi hyi a zugba a nɔ; nɛ níhi nɛ mɛ nitsɛmɛ a ngɔ a nine kɛ pee ɔ, lɔ ɔmɛ a jaa.

La 115:4

Se ni ɔmɛ a we amaga amɛ lɛɛ sika hiɔ, kɛ sika tsu ji mɛ, níhi nɛ nimli adesahi ngɔ a nine kɛ pee kɛkɛ.

Matsɛmɛ I, 14:14

Yawɛ maa wo matsɛ ko ngɛ Israel, nɛ e ma kpata Yeroboam we ɔ hɛ mi.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Matsɛmɛ I, 16:8

Yuda matsɛ, Asa yi nɔ jeha nɛ ji nyingmi enyɔ kɛ ekpa a, Baasha binyumu Ela ba bɔni tsɛ yemi ngɛ Israel ma a nɔ. E hi Tirza kɛ ye matsɛ jeha enyɔ.

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.