Matsɛmɛ I, 15:4 - BAIBLO ALOO NGMAMI KLƆUKLƆU Ɔ

⁴ Se kɛ̃ ɔ, David he ɔ, Yawɛ, e Mawu ɔ ha lɛ binyumu, nɛ bi nɛ ɔ ba ye e se ngɛ Yerusalem, nɛ e ha nɛ matsɛ yemi ɔ da si.

Matsɛmɛ I, 15:4 ပူးပေါင်းရင်းမြစ်များ

Matsɛmɛ I, 11:36

Se Salomo binyumu ɔ lɛɛ ma ngɔ wɛtso kake ngɔ ha lɛ, bɔ nɛ pee nɛ daa nɛ ɔ, ye tsɔlɔ David nina ko nɛ ye tsɛ ngɛ Yerusalem, ma he nɛ i hla, nɛ a jaa mi ngɛ ɔ.

Kronika II, 21:7

Se Yawɛ sume kaa e ma kpata David we ɔ hɛ mi, ejakaa e kɛ David so, nɛ e wo si ke e kɛ e nina maa ye matsɛ kɛ maa ya neneene.

Yesaya 37:35

Ejakaa ma bu ma nɛ ɔ he; nɛ nɔ́ ko nɔ́ ko be a he sae. Ma pee nɔ́ nɛ ɔ ngɛ ye tsɔlɔ David he kɛ wo imi nitsɛ ye hɛ mi nyami.’ ”

La 132:17

Ma pee David nina kake matsɛ agbo ngɛ hiɛmɛ nɛ ɔ; ma to lɛ si kaa nɔ nɛ imi nitsɛ i hla, nɛ i wo lɛ matsɛ.

La 18:28

Ejakaa mo Yawɛ, ye Mawu ɔ, mo lɛ o haa mi la. Mo lɛ o fieɔ diblii kɛ jeɔ ye he.

Matsɛmɛ I, 11:32

Ngɛ ye tsɔlɔ David he, kɛ Yerusalem, ma nɛ i hla kɛ je Israel wɛtso ɔmɛ tsuo a kpɛti ngɔ pee imi nitsɛ ye ma a he je ɔ, ma ha Salomo wɛtso kake.

Matsɛmɛ I, 11:12

Se o tsɛ, David he je ɔ, i be nɔ́ nɛ ɔ pee ngɛ o yi nɔ; mohu ma pee ngɛ o binyumu yi nɔ.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Romabi 11:28

Ngɛ sane kpakpa a blɔ fa mi ɔ, nyɛ he ɔ, Yuda bi ɔmɛ peeɔ Mawu he nyɛli. Se akɛnɛ e hla a nɛmɛ ɔmɛ momo he je ɔ, Mawu suɔ mɛ.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Yeremia 33:2

Yawɛ, nɔ nɛ pee je ɔ, nɛ e ngɔ je ɔ ngɔ to e blɔ he ɔ kɛ mi tu munyu. Nɔ nɛ e biɛ ji Yawɛ ɔ, de mi ke,

Yesaya 62:7

A hi lɛ kaie kɛ yaa si e maa to Yerusalem si saminya ekohu. Nɛ ma a maa pee ma nɛ je ɔ tsuo ma je e yi.

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

La 87:5

A ma tsɛ Zion ke je ma amɛ tsuo a nyɛ, ejakaa Hiɔwe No ɔ nitsɛ maa to lɛ si.

Samuel II, 21:17

Se Zeruya bi Abishai ba piɛ David he; e tua Filisti no ɔ, nɛ e gbe lɛ. Kɛkɛ nɛ David we bi ɔmɛ ka David kita ke, “O kɛ wɔ be ta yae hu gblegbleegble. Israel hɛngmɛ ji mo; koo pee nɛ wa hɛngmɛ ɔ ba pɛ.”

Mose V, 4:37

Akɛnɛ e suɔ nyɛ nɛmɛ ɔmɛ he je ɔ, e hla nyɛ, nɛ lɛ nitsɛ e kɛ e he wami kpetekpleenyɛ ɔ je nyɛ kɛ je Egipt.

Mose I, 26:5

Ma gbaa mo, ejakaa Abraham bu mi tue, nɛ e ye ye mlaa amɛ, kɛ ye fami ɔmɛ tsuo a nɔ.”

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.