Matsɛmɛ I, 14:4 - BAIBLO ALOO NGMAMI KLƆUKLƆU Ɔ

⁴ Yeroboam yo ɔ pee kaa bɔ nɛ e huno ɔ de lɛ ɔ, nɛ e ho Abiya we ɔ mi ya ngɛ Shilo. Abiya bwɔ, nɛ e hɛngmɛ yu.

Matsɛmɛ I, 14:4 ပူးပေါင်းရင်းမြစ်များ

Matsɛmɛ I, 11:29

Ligbi ko ɔ, Yeroboam hia blɔ kɛ je Yerusalem. Benɛ e ngɛ blɔ ɔ nɔ kɛ yaa a, gbalɔ Ahiya nɛ je Shilo ɔ ya na lɛ; nɛ mɛ ni enyɔ ɔmɛ pɛ a ngɛ nga a nɔ. Jamɛ a ligbi ɔ, Ahiya wo tade he.

Samuel I, 4:15

Jamɛ a be ɔ, Eli ye jeha nyingmi nɛɛ kɛ kpaanyɔ; e hɛngmɛ nɔ ha, nɛ e hyɛ we nɔ́ kpakpa ko hu.

Samuel I, 3:2

Ligbi ko nyɔ mi, benɛ Eli, nɛ lɔ ɔ ji e hɛngmɛ yu ta, hwɔɔ si ngɛ lɛ nitsɛ e tsu ɔ mi ɔ,

Fiɛlɔ 12:3

O ninehi nɛ o kɛ buɔ o he ɔ ma bɔni kpokpomi, nɛ o nane kpakpataa amɛ a mi maa jɔ. O lunguhi be nyɛe maa ta nɔ́ hu, ejakaa a he pi. O hɛngmɛ ɔmɛ a nɔ maa ha, nɛ o be nɔ́ hyɛe saminya hu.

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

Matsɛmɛ I, 14:2

Yeroboam de e yo ɔ ke, “Mo tsake o he, nɛ nɔ ko kó le kaa ye yo ji mo, nɛ o ya Shilo, he nɛ gbalɔ Ahiya ngɛ ɔ. Lɛ ji nɔ nɛ de mi be ko ke i ma ba ye tsɛ ngɛ Israel ɔ nɛ.

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Mose V, 34:7

Mose ye jeha lafa kɛ nyingmi enyɔ benɛ e gbo ɔ. E ngɛ nɔmlɔ tso he wami saminya, nɛ e hɛngmɛ hu hyɛɛ nɔ́ bɔ nɛ sa.

Mose I, 48:10

Jamɛ a be ɔ mi ɔ, Yakob hɛngmɛ hyɛ we nɔ́ saminya; ejakaa e bwɔ. Lɔ ɔ he ɔ, Yosef ngɔ jokuɛwi ɔmɛ kɛ ba su Yakob he haa. Yakob fua mɛ atuu, nɛ e fiɔ a nya he.

Mose I, 27:1

Benɛ Isak ba bwɔ, nɛ e hɛngmɛ yu ɔ, e tsɛ e bi nɔkɔtɔma Esau ɔ, nɛ e de lɛ ke, “Ye bi!” Esau he nɔ ke, “Tsaatsɛ, i ngɛ hiɛ ɔ.”