Matsɛmɛ I, 13:7 - BAIBLO ALOO NGMAMI KLƆUKLƆU Ɔ

⁷ Enɛ ɔ se ɔ, matsɛ ɔ de gbalɔ ɔ ke, “Ha waa ho we mi ya nɛ o ya wo o nya mi nɔ́ ko. Ma wo mo nɔ́ nɛ o pee ha mi nɛ ɔ he hiɔ.”

Matsɛmɛ I, 13:7 ပူးပေါင်းရင်းမြစ်များ

Matsɛmɛ II, 5:15

Lɔ ɔ se ɔ, e kɛ e we bi ɔmɛ tsuo kpale kɛ ho Mawu nɔmlɔ ɔ ngɔ ya, nɛ e ya de lɛ ke, “Kpaako loko i na kaa Mawu ko Mawu ko be je ɔ mi he ko he ko kaa ja Israel Mawu ɔ ngɛ hiɛmɛ nɛ ɔ. Lɔ ɔ he ɔ, ye nyɔmtsɛ, i kpa mo pɛɛ, nike ní bɔɔ ko nɛ i hɛɛ kɛ ba ha mo ji nɛ ɔ nɛ.”

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Yeremia 40:5

Benɛ i na we nɛ ma ha lɛ heto ɔ, Nebuzaradan de mi ke, “Moo kpale o se kɛ ya Gedalia ngɔ. Shafan bi Ahikam bi Gedalia nɛ ɔ, Babilonia matsɛ ɔ wo lɛ Yuda ma amɛ a nɔ amlaalo. Yaa nɛ o kɛ lɛ ya hi si ngɛ ma mi bi ɔmɛ a kpɛti. Ke o sume lejɛ ɔ, he tsuaa he nɛ o suɔ kaa o maa ya a, yaa.” Tatsɛ ɔ ha mi niye ní, kɛ nike ní, nɛ e wo mi blɔ.

Manyadali 19:21

E ngɔ mɛ kɛ ho e we mi ya, nɛ e ya ha teji ɔmɛ ní. Lɔ ɔ se ɔ, a fɔ a nanehi a he, nɛ a ye ní, nɛ a nu dã.

Manyadali 13:15

Manoa li tete kaa Yawɛ bɔfo lɛ je e he kpo tsɔɔ mɛ. Lɔ ɔ he ɔ, e de lɛ ke, “I kpa mo pɛɛ, ha waa tsi o nya bɔɔ nɛ waa gbe apletsi bɔbɔyoo ko ha mo nɛ o ye.” Se Yawɛ bɔfo ɔ de lɛ ke, “Ke o tsi ye nya po i be o niye ní ɔ yee. Ke o suɔ ɔ, ngɔɔ lohwe ɔ kɛ sã sami bɔ mohu ha Yawɛ.”

Mose I, 18:5

I kɛ niye ní bɔbɔyoo ko hu ma ba ha nyɛ nɛ nyɛɛ ye, konɛ nyɛ na he wami nɛ nyɛ kɛ tsa nyɛ nyɛɛmi ɔ nɔ. Nyɛ wo ye hɛ mi nyami kaa nyɛ ba ye we ɔ mi; lɔ ɔ he ɔ, nyɛ ha ma sɔmɔ nyɛ.” A he nɔ ke, “Saminya! Pee kaa bɔ nɛ o de ɔ.”

Matsɛmɛ I, 14:3

Ngɔɔ abolo mamɛ nyɔngma, kɛ keeki, kɛ hwo tɔ kake kɛ ya ha lɛ, nɛ e ma de mo nɔ nɛ maa pee wa binyumu.”