Matsɛmɛ I, 13:2 - BAIBLO ALOO NGMAMI KLƆUKLƆU Ɔ

² Kɛkɛ nɛ Yawɛ fa gbalɔ ɔ, nɛ e kpa ngmlaa ngɔ wo bɔ sami la tɛ ɔ ke, “Bɔ sami la tɛ! Bɔ sami la tɛ! Bɔ nɛ Yawɛ de ji nɛ ɔ nɛ: a ma fɔ binyumu ko ngɛ David we ɔ mi, nɛ a ma tsɛ e biɛ ke Yosia. E ma ba gbe osɔfo ɔmɛ nɛ a ngɛ tsopa kɛ e he via sãe ngɛ o nɔ ɔ, nɛ e maa sã nimlihi a wuhi ngɛ o nɔ.”

Matsɛmɛ I, 13:2 ပူးပေါင်းရင်းမြစ်များ

Ezekiel 36:1

Yawɛ de mi ke, “Nɔmlɔ adesa, o kɛ Israel yo ɔmɛ nɛ tu munyu, nɛ o de mɛ ke sɛ gbi nɛ imi

Luka 19:40

Yesu he nɔ ke, “I ngɛ nyɛ dee ke, ke ni nɛ ɔmɛ ma a nya a, tɛhi tete ma hwɔ lele.”

Ezekiel 38:4

Ma mlɔɔ e hɛ mi, nɛ ma ngɔ gbowe kɛ wo e tsitsa mi. Ma gbla e tabo ɔ, e we okpɔngɔ ɔmɛ, kɛ okpɔngɔ ta buli babauu nɛ a mia kɛ ha ta a kɛ je. Ta bulɔ tsuaa ta bulɔ hɛɛ tsɛ̃i, nɛ e mia kɛ klaate.

Ezekiel 36:4

Lɔ ɔ he ɔ, nyɛ Israel yohi, yokuhi, nyu dɔhi, kɔ̃hi, kɛ we dokuhi kɛ nyɛ he mahi nɛ a ha nyɛ mi ní nɛ nyɛ ba pee nɔ́ nɛ a yeɔ he fɛu ha mɛ, nyɛɛ bu nɔ́ nɛ imi Nyɔmtsɛ Yawɛ i ngɛ nyɛ dee ɔ tue.

Yeremia 22:29

Zugba lee, zugba! Bu Yawɛ munyu ɔ tue!

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Yesaya 42:9

Nyɛɛ hyɛ koo! Níhi nɛ i de to blema a ba mi. Jehanɛ, ma gba nyɛ níhi nɛ maa ba. I ngɛ nyɛ dee loko a ba mi.”

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Kronika II, 34:1

Yosia ye jeha kpaanyɔ benɛ e bɔni tsɛ yemi ngɛ Yuda ma a nɔ, nɛ e hi Yerusalem kɛ ye matsɛ jeha nyingmi etɛ kɛ kake.

Matsɛmɛ I, 13:32

Munyuhi tsuo nɛ Yawɛ fa lɛ nɛ e tu kɛ si bɔ sami la tɛ nɛ ngɛ Betel ɔ, kɛ jami he ɔmɛ tsuo nɛ ngɛ Samaria ma amɛ a mi ɔ, bɔ tsuaa bɔ nɛ pee ɔ, munyu ɔmɛ maa ba mi.”

Mose V, 32:1

“Hiɔwe kɛ zugba lee, nyɛ ba bu mi tue; nyɛ ba bu nɔ́ nɛ i ngɛ dee ɔ tue saminya.

Kronika II, 34:3

Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.

Yeremia 1:2

Yuda matsɛ Yosia, Amon binyumu ɔ yi nɔ jeha nyɔngma kɛ etɛne ɔ mi ɔ, Yawɛ kɛ Yeremia tu munyu.