Matsɛmɛ I, 13:11 - BAIBLO ALOO NGMAMI KLƆUKLƆU Ɔ

¹¹ Jamɛ a be ɔ, gbalɔ nɔmoyo ko ngɛ Betel. E binyumu ɔmɛ ya bɔ lɛ nɔ́ nɛ gbalɔ ɔ nɛ je Yuda a ba pee ngɛ Betel jamɛ a ligbi ɔ, kɛ munyuhi nɛ e kɛ Matsɛ Yeroboam ba tu ɔ.

Matsɛmɛ I, 13:11 ပူးပေါင်းရင်းမြစ်များ

Matsɛmɛ II, 23:18

Yosia fa mɛ ke, “Nyɛ ha nɛ e hi si; nɔ ko nɛ ko ta e wu ɔmɛ a he.” Lɔ ɔ he ɔ, a si e kɛ gbalɔ ɔ nɛ je Samaria a a wu ɔmɛ ngɛ lejɛ ɔ.

2 Petro 2:16

se a ka e hɛ mi ngɛ yayami nɛ e pee ɔ he. Gbalɔ ɔ teji ɔ pã e nya mi, nɛ e tu munyu kaa nɔmlɔ, nɛ e tsi godo ní tsumi nɛ gbalɔ ɔ miɔ nɛ e ma tsu ɔ nya.

1 Timoteo 3:5

Ejakaa ke nɔ ko nyɛ we nɛ e hyɛ lɛ nitsɛ e we nɔ ɔ, kɛ e maa pee kɛɛ nɛ e ma nyɛ hyɛ Mawu asafo ɔ nɔ.

Mateo 7:22

Kojomi ligbi ɔ, nihi babauu ma bi mi ke, ‘Nyɔmtsɛ, Nyɔmtsɛ! Pi o biɛ mi nɛ wa fiɛ Mawu munyu ɔ ngɛ lo? Pi o biɛ mi nɛ wa hia mumi yayamihi ngɛ lo? Nɛ pi mo o biɛ mi nɛ wa pee nyakpɛ ní fuu ngɛ lo?’

Ezekiel 13:16

Jamɛ a gbali ɔmɛ de Yerusalem bi ɔmɛ ke sane yobu ko kulaa be a nɔ bae; mamoo haomi mohu lɛ ma!” Nyɔmtsɛ Yawɛ lɛ de.

Ezekiel 13:2

“Nɔmlɔ adesa, gbaa kɛ si Israel gbali ɔmɛ nɛ nɔ́ nɛ je mɛ nitsɛmɛ a yi mi kɛkɛ a gbaa a. De mɛ ke a bu Yawɛ tue!”

Matsɛmɛ I, 13:25

Ni komɛ ba be ngɛ lejɛ ɔ, nɛ a na gbogboe ɔ ngɛ blɔ ɔ mi nɛ jata a daa si ngɛ he. Nɛ a ho ya sɛɛ ní nɛ ɔ ngɛ Betel, he nɛ gbalɔ nɔmoyo ɔ ngɛ ɔ.

Samuel I, 10:11

Benɛ nihi nɛ le lɛ saminya a na e ní peepee ngɛ gbali ɔmɛ a kpɛti ɔ, a bi a he ke, “Mɛni lɛ ba Kish binyumu ɔ nɔ? Anɛ Saul hu ba plɛ pee gbalɔ lo?”

Mose IV, 24:2

nɛ e na Israel ma a nɛ a pueɔ si wɛtso nya wɛtso nya.

Matsɛmɛ I, 13:10

Lɔ ɔ he ɔ, blɔ ɔ nɛ gbalɔ ɔ gu nɔ kɛ ba Betel ɔ, e kpale we ya gui nɔ; mohu ɔ, e ya gu blɔ kpa kɛ ho.

Matsɛmɛ I, 13:12

A tsɛ ɔ bi mɛ ke, “Jije e gu kɛ ho?” A tsɔɔ lɛ blɔ ɔ,