Matsɛmɛ I, 11:7 - BAIBLO ALOO NGMAMI KLƆUKLƆU Ɔ

⁷ Salomo po piɛ ha Kemosh nɛ ji Moab bi ɔmɛ a wɔ yaya a, kɛ Milkom nɛ ji Amon bi ɔmɛ a wɔ yaya a ngɛ yo ɔ nɔ ngɛ Yerusalem beleku je.

Matsɛmɛ I, 11:7 ပူးပေါင်းရင်းမြစ်များ

Mose IV, 21:29

Moab bi, due ha nyɛ! Nyɛ Kemosh jali, nyɛ hɛ mi kpata! Nyɛ mawu ɔ ha nyɛ binyumu ɔmɛ pee ko bɔli; nɛ nyɛ biyi ɔmɛ hu pee Amor matsɛ, Sihon nyɔguɛhi.

Manyadali 11:24

Nɔ́ tsuaa nɔ́ nɛ nyɛ mawu Kemosh ɔ ha nyɛ ɔ, nyɛɛ ngɔ. Wɔ hu, nɔ́ tsuaa nɔ́ nɛ Yawɛ, wa Mawu ɔ kpɔ kɛ fɔ si ha wɔ ɔ, wa maa ngɔ.

Ni Tsumi 7:43

Molok bo tsu mohu nyɛ wo tloo, kɛ nyɛ mawu Renfan ɔ dodoe ɔ; enɛ ɔmɛ ji amagahi nɛ nyɛ puɛ nɛ nyɛ ja. Lɔ ɔ he ɔ, Babilon se lokoo ma ha a maa ngɔ nyɛ kɛ ho.’

Ni Tsumi 1:12

Bɔfo ɔmɛ kpale a se kɛ je Oliv yo ɔ he kɛ ho Yerusalem ya. Lejɛ ɔ kɛ Yerusalem kɛmi maa pee Hejɔɔmi ligbi blɔ nyɛɛmi.

Ni Tsumi 1:9

Benɛ e de enɛ ɔ se ɔ, a ngɛ lɛ hyɛe nɔuu nɛ a wo lɛ kɛ ho hiɔwe ya, nɛ bɔku ba sa lɛ kɛ ho nɛ a nɛ lɛ hu.

Mateo 26:30

Kɛkɛ nɛ a la yi jemi la, nɛ a je kpo, nɛ a pue nɔ kɛ ho Oliv yo ɔ nɔ ya.

Zakaria 14:4

Jamɛ a be ɔ, Yawɛ maa da si ngɛ Oliv yo ɔ nɔ ngɛ Yerusalem beleku je. Kɛkɛ ɔ, kɔ̃ agbo ko ma gba Oliv yo ɔ mi enyɔ kɛ maa je beleku je kɛ yaa si bonyoku je. Yo ɔ kasa fa ma ya je omleyi je, nɛ kasa fa hu ma ya je leneyi je.

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Ezekiel 18:12

e waa ohiatsɛmɛ kɛ dɛgutsɛmɛ yi mi, e fiaa nihi ojo, e kpale we nɔ́ nɛ a kɛ ba to awaba kɛ ha we nɔtsɛ, e jaa amagahi, e peeɔ ní hiemi níhi,

Yeremia 48:13

Jamɛ a be ɔ mi loko Moab bi ɔmɛ a hɛ mi ma pue si kaa bɔ nɛ Israel bi ɔmɛ hu a hɛ mi pue si be ko ɔ. A ma kpa si kaa mamoo a mawu Kemosh ɔ be he wami ko kaa Israel bi ɔmɛ hu a mawu Betel ɔ nɛ a ngɔ a hɛ ngɔ fɔ e nɔ ɔ.

Yesaya 44:19

Amaga peelɔ ɔ be juɛmi, loo e kɔ we nɔ́ se nɛ e ma de ke, “Hyɛ kaa i sã tso ɔ fa kaa lɛ́; i sã abolo ngɛ la a mi; i ngɔ la a kɛ sã de lo, nɛ i ye. Anɛ nɔ́ nɛ piɛ ɔ, ma kɛ puɛ amaga lo? Anɛ ma kpla si ha tso kpoku lo?”

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 13:14

nyɛ bi nɛ nyɛɛ na nɔ́ nɛ nyɛ nu ɔ mi fitsofitso. Ke sane ɔ ngɛ mi niinɛ kaa a pee nɔ́ yayami nɛ ɔ,

Mose IV, 33:52

nyɛɛ fie zugba a nɔ bi ɔmɛ tsuo kɛ je lejɛ ɔ. Nyɛɛ ywia a we amaga amɛ tsuo nɛ a ngɔ tɛ, loo nɔ́ ko nɛ a sile kɛ pee ɔ; a jami he ɔmɛ hu nyɛɛ gbɛ mɛ.

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Mose I, 33:2

E ngɔ mawayi ɔmɛ kɛ a bimɛ ɔmɛ ngɔ to hɛ mi. Lea kɛ e bimɛ ɔmɛ nyɛɛ se, nɛ nyagbe ɔ, Rahel kɛ Yosef ba.

Matsɛmɛ I, 11:5

E ya ja Sidon bi ɔmɛ a yo mawu ɔ nɛ a tsɛɛ Astarte ɔ, kɛ Amon bi a wɔ yaya a nɛ a tsɛɛ lɛ Milkom ɔ.

Matsɛmɛ I, 11:6

Salomo pee yayami kɛ si Yawɛ, nɛ e nyɛɛ we e se kɛ pi si kaa bɔ nɛ e tsɛ David pee ɔ.

Matsɛmɛ I, 11:8

E po piɛ kpa komɛ hulɔ, nɛ lejɛ ɔ nɛ e ma se yi ɔmɛ ya sãã tsopa kɛ e he via, kɛ bɔ ngɛ kɛ haa a mawu ɔmɛ.

Matsɛmɛ I, 15:12

E fie nyumu ɔmɛ nɛ ngɔ a he ngɔ ha ajuama bɔmi ngɛ jami kusumi ko nya a kɛ je zugba a nɔ, nɛ e je amaga amɛ tsuo nɛ e nɛmɛ ɔmɛ puɛ ɔ.

Kronika II, 21:11

Jehanɛ se hu, Yehoram po jami hehi ngɛ Yuda yo ɔmɛ a nɔ, nɛ e ha nɛ Yuda ma a, kɛ Yerusalem tsuo pee yayami kɛ si Yawɛ.

Yeremia 32:31

Kɛ je be nɛ a bɔ ma nɛ ɔ, ye mi mi la sɔuu lɛ ma mi bi ɔmɛ ngɛ woe. I to kaa ma kpata ma a hɛ mi,

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Yeremia 48:46

Moab bi, due! Nyɛ nihi nɛ nyɛ sɔmɔɔ Kemosh ɔ, a kpata nyɛ hɛ mi, nɛ a nuu nyɛ binyumu ɔmɛ, kɛ nyɛ biyi ɔmɛ kɛ je.”

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!