Matsɛmɛ I, 11:4 - BAIBLO ALOO NGMAMI KLƆUKLƆU Ɔ

⁴ nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Matsɛmɛ I, 11:4 ပူးပေါင်းရင်းမြစ်များ

Matsɛmɛ I, 11:2

E ngɔ yi nɛ ɔmɛ, pohu Yawɛ wo Israel bi ɔmɛ mlaa ke Israel nyumuhi kó ngɔ ma se yihi, nɛ́ Israel yihi hu kó gba ma se nyumuhi; ejakaa ke a pee ja a, a yi mi ma plɛ, nɛ a ma ya nyɛɛ mawu kpahi a se.

Matsɛmɛ I, 11:33

I ma pee nɔ́ nɛ ɔ, ejakaa Salomo kua mi, nɛ e ya ja Astarte, Sidon yo mawu ɔ; Kemosh, Moab mawu ɔ; kɛ Milkom, Amon mawu ɔ. Salomo gbo tue; e pee yayami, nɛ e yi ye mlaa amɛ, kɛ blɔ nya tomi ɔmɛ a nɔ kaa bɔ nɛ e tsɛ David pee ɔ.

Matsɛmɛ I, 11:38

Ke o maa bu mi tue kɛ pi si, nɛ o maa ye ye mlaa amɛ a nɔ, nɛ o maa pee ye suɔmi nya ní kaa bɔ nɛ ye tsɔlɔ David pee ɔ, lɛɛ i kɛ mo maa hi si daa. Ma wo mo tsɛ ngɛ Israel, nɛ ma ha nɛ o nina maa ye tsɛ ngɛ o se kaa bɔ nɛ i pee ha David ɔ.

Matsɛmɛ I, 11:42

Salomo hi Yerusalem, nɛ e kɛ ye Israel tsuo nɔ matsɛ jeha nyingmi eywiɛ.

Matsɛmɛ I, 11:6

Salomo pee yayami kɛ si Yawɛ, nɛ e nyɛɛ we e se kɛ pi si kaa bɔ nɛ e tsɛ David pee ɔ.

Matsɛmɛ I, 11:9

Yawɛ, Israel Mawu ɔ je e he kpo ngɔ tsɔɔ Salomo si enyɔ, nɛ e wo lɛ mlaa ke e ko ja mawu kpahi; se Salomo bui Yawɛ tue, nɛ e je e se. Enɛ ɔ he je ɔ, Yawɛ mi mi fu Salomo,

Matsɛmɛ I, 14:21

Salomo binyumu Rehoboam ye jeha nyingmi eywiɛ kɛ kake benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a mi tsuo nɛ e ngɔ kɛ pee he nɛ a ja lɛ ngɛ. Rehoboam nyɛ biɛ ji Naama, nɛ Amon no ji lɛ.

Matsɛmɛ I, 15:14

E ngɛ mi kaa Asa puɛ we wɔ jami he ɔmɛ tsuo lɛɛ, se e nyɛɛ Yawɛ se kɛ pi si e wami be ɔ tsuo.

Matsɛmɛ I, 15:3

E ya wo e tsɛ nane, nɛ e pee yayami nɛ e tsɛ pee ɔ tsuo pɛpɛɛpɛ. E ya nyɛɛ we Yawɛ, e Mawu ɔ se kaa bɔ nɛ e nɛnɛkasowa David pee ɔ.

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

Matsɛmɛ I, 6:1

Israel bi ɔmɛ a we Egipt jemi se jeha lafa eywiɛ kɛ nyingmi kpaanyɔ, nɛ ji Israel matsɛ, Salomo tsɛ yemi jeha eywiɛne ɔ we nyɔhiɔ enyɔne ɔ nɛ a tsɛɛ Ziv ɔ mi ɔ, Salomo je Yawɛ we ɔ mami sisi.

Matsɛmɛ I, 8:61

Nyɛ, e ma a, nyɛɛ ye Yawɛ, wa Mawu ɔ anɔkuale daa, nɛ nyɛɛ ye e mlaa amɛ, kɛ blɔ nya tomi ɔmɛ tsuo a nɔ kaa bɔ nɛ nyɛ ngɛ pee mwɔnɛ nɛ ɔ.”

Matsɛmɛ I, 9:10

Salomo kɛ jeha nyingmi enyɔ ma Yawɛ we ɔ, kɛ matsɛ we ɔ.

Matsɛmɛ I, 9:4

Ke o ma sɔmɔ mi kɛ o tsui tsuo, nɛ o maa ye mi anɔkuale kaa bɔ nɛ o tsɛ David pee ɔ; nɛ o maa ye ye mlaa amɛ a nɔ, nɛ o maa pee nɔ́ tsuaa nɔ́ nɛ i fa mo ke o pee ɔ;

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika I, 29:19

Ha nɛ ye bi Salomo nɛ ye o mlaa amɛ, o fami ɔmɛ, kɛ blɔ nya tomi ɔmɛ tsuo pɛpɛɛpɛ a nɔ, konɛ e po we ɔ nɛ i dla e he níhi kɛ to ɔ ha mo.”

Kronika II, 17:3

Yawɛ gbaa Yehoshafat, ejakaa e ya wo e tsɛ nane, nɛ e ba e je mi kaa bɔ nɛ e tsɛ pee ngɛ e nihe be mi ɔ pɛpɛɛpɛ; e ja we Baal.

Kronika II, 25:2

Amazia pee Yawɛ suɔmi nya ní, se pi kɛ e tsui tsuo.

Kronika II, 34:2

E pee Yawɛ suɔmi nya ní; e ya wo e nɛ̃ David nane, nɛ e ye Mawu mlaa amɛ tsuo a nɔ sisiisi.

Mose II, 20:3

“Ko ja mawu ko kɛ piɛ ye he.

Mose V, 17:17

Matsɛ ɔ ko ngɔ yihi fuu; ejakaa ke e pee ja a, e tsui maa je Yawɛ he. E ko bua sika hiɔ kɛ sika tsu babauu nya ha e he.

Mose V, 7:4

Ejakaa a ma kpaka nyɛ bimɛ ɔmɛ kɛ je Yawɛ he kɛ ya ja mawu kpahi. Ke e ba mi ja a, Yawɛ mi mi ma fu, nɛ e ma kpata nyɛ hɛ mi amlɔ.