Matsɛmɛ I, 11:12 - BAIBLO ALOO NGMAMI KLƆUKLƆU Ɔ

¹² Se o tsɛ, David he je ɔ, i be nɔ́ nɛ ɔ pee ngɛ o yi nɔ; mohu ma pee ngɛ o binyumu yi nɔ.

Matsɛmɛ I, 11:12 ပူးပေါင်းရင်းမြစ်များ

Matsɛmɛ II, 20:19

Se Matsɛ Hezekia susu kaa munyu nɛ ɔ tsɔɔ kaa he jɔmi kɛ tue mi jɔmi maa ba ngɛ lɛɛ e yi nɔ. Lɔ ɔ he ɔ, e de Yesaya ke, “Yawɛ sɛ gbi ɔ nɛ o ngɔ ba ha mi ɔ hi.”

Matsɛmɛ II, 20:17

be ma nɛ a ma ba muɔ o we ɔ mi nɔ́ tsuaa nɔ́, kɛ níhi tsuo nɛ o nɛmɛ bua nya ngɔ to kɛ ba si mwɔnɛ ligbi nɛ ɔ kɛ ho Babilonia ya; a be nɔ́ ko nɔ́ ko sie. Yawɛ lɛ de.

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Matsɛmɛ I, 11:11

nɛ e de lɛ ke, “Akɛnɛ o to o yi mi, nɛ o yi somi nɛ i kɛ mo so ɔ, kɛ mlaahi nɛ i wo mo ɔ a nɔ he je ɔ, i ngɛ mo dee ke, bɔ tsuaa bɔ nɛ pee ɔ, ma kpɔ matsɛ yemi ɔ ngɛ o dɛ, nɛ ma ngɔ kɛ ha o tsɔli ɔmɛ a ti nɔ kake.

Matsɛmɛ I, 11:13

I be matsɛ yemi ɔ tsuo kpɔe ngɛ e dɛ. Ngɛ ye tsɔlɔ David he, kɛ Yerusalem nɛ i ngɔ kɛ pee imi nitsɛ ye ma a he je ɔ, ma ha lɛ wɛtso kake.”

Matsɛmɛ I, 11:31

nɛ e de Yeroboam ke, “Tade nɛ i hía nɛ ɔ, mo he e mi dlami nyɔngma, ejakaa Yawɛ, Israel Mawu ɔ ngɛ mo dee ke, ‘Ma kpɔ matsɛ yemi ɔ ngɛ Salomo dɛ, nɛ ma ngɔ wɛtso nyɔngma ngɔ ha mo.

Matsɛmɛ I, 11:35

Ma kpɔ matsɛ yemi ɔ ngɛ Salomo binyumu dɛ, nɛ ma ngɔ wɛtso nyɔngma ngɔ ha mo.

Matsɛmɛ II, 19:34

Ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he; nɛ nɔ́ ko nɔ́ ko be a he sae.’ ”

Matsɛmɛ I, 11:32

Ngɛ ye tsɔlɔ David he, kɛ Yerusalem, ma nɛ i hla kɛ je Israel wɛtso ɔmɛ tsuo a kpɛti ngɔ pee imi nitsɛ ye ma a he je ɔ, ma ha Salomo wɛtso kake.

Matsɛmɛ I, 11:34

I be matsɛ yemi ɔ tsuo kpɔe ngɛ Salomo dɛ; ma ha nɛ e ye tsɛ kɛ yaa si e gbenɔ be. Ma pee nɔ́ nɛ ɔ ngɛ ye tsɔlɔ David nɛ i hla, nɛ e ye ye mlaa amɛ, kɛ blɔ nya tomi ɔmɛ a nɔ ɔ he.

Matsɛmɛ II, 8:19

Se Yawɛ sume kaa e ma kpata Yuda hɛ mi, ejakaa e wo e tsɔlɔ David si kaa e nina maa ye matsɛ kɛ maa ya neneene.