Matsɛmɛ I, 11:1 - BAIBLO ALOO NGMAMI KLƆUKLƆU Ɔ

¹ Matsɛ Salomo su ma se yihi babauu. Ngɛ Egipt matsɛ ɔ biyo ɔ se ɔ, e ngɔ Hit yihi, Moab yihi, Amon yihi, Edom yihi, kɛ Sidon yihi.

Matsɛmɛ I, 11:1 ပူးပေါင်းရင်းမြစ်များ

Mose V, 17:17

Matsɛ ɔ ko ngɔ yihi fuu; ejakaa ke e pee ja a, e tsui maa je Yawɛ he. E ko bua sika hiɔ kɛ sika tsu babauu nya ha e he.

Abɛ Womi 6:24

Ní nɛ ɔmɛ ma je mo kɛ je yo yaholɔ ɔ dɛ mi, nɛ yo gba puɛlɔ be nyɛe nɛ e kɛ munyu ngɔngɔɛ ma puɛ o tue.

Abɛ Womi 7:5

Ke o pee ja a, a ma je mo kɛ je yo yaholɔ dɛ mi, nɛ yo gba puɛlɔ kɛ e nya mi dɔkɔɔ be o he blɔ nae.

Abɛ Womi 2:16

Ke o bu mi tue ɔ, lɛɛ yo yaholɔ ko nɛ ma hla kaa e kɛ e nya mi munyu ngɔngɔɛ ma puɛ o tue ɔ, ma je mo kɛ je e dɛ mi:

Matsɛmɛ I, 11:8

E po piɛ kpa komɛ hulɔ, nɛ lejɛ ɔ nɛ e ma se yi ɔmɛ ya sãã tsopa kɛ e he via, kɛ bɔ ngɛ kɛ haa a mawu ɔmɛ.

Abɛ Womi 22:14

Yo yaholɔ nya mi ngɛ kaa muɔ voo nɛ a tsua kɛ fɔ si. Nihi nɛ Yawɛ mi mi fu mɛ lɛ a nɔɔ muɔ nɛ ɔ mi.

Matsɛmɛ I, 3:1

Salomo ya to Egipt matsɛ ɔ ngatsɛ. E ngɔ Farao ɔ biyo, nɛ e kɛ lɛ ba hi David ma a mi kɛ ya si be nɛ e ma matsɛ we ɔ, kɛ Yawɛ we ɔ gbe nya, nɛ́ e fia gbogbo ngɔ wo Yerusalem he.

Abɛ Womi 23:33

O hɛngmɛ maa na nyakpɛ níhi; o yi mi maa pee mo basaa, nɛ o maa hi ní tsuae kɛkɛ.

Mose III, 18:18

Koo ngɔ nɔ kɛ e nyɛmi nɛ a ba pee huno yihi, be mi nɛ e nyɛmi ɔ ngɛ je mi kɛ mwɔɔ.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Matsɛmɛ I, 16:31

E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.

Ezra 10:44

Nimli nɛ ɔmɛ tsuo ngɔ ma se yihi. A wo a yi ɔmɛ, kɛ a bimɛ ɔmɛ tsuo blɔ.

Abɛ Womi 31:3

Koo ngɔ o he wami kɛ ha yihi. Matsɛmɛ tete po nɛ nyɛɛɔ yihi a se ɔ, a hɛ mi kpataa.

Matsɛmɛ I, 14:21

Salomo binyumu Rehoboam ye jeha nyingmi eywiɛ kɛ kake benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kpaago. Yerusalem ji ma nɛ Yawɛ hla kɛ je Israel zugba a mi tsuo nɛ e ngɔ kɛ pee he nɛ a ja lɛ ngɛ. Rehoboam nyɛ biɛ ji Naama, nɛ Amon no ji lɛ.

Matsɛmɛ I, 14:31

Rehoboam ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi, nɛ e binyumu Abiya ba ye tsɛ ngɛ e se.

Ezra 9:1

Ní nɛ ɔmɛ tsuo a se ɔ, ma nimeli ɔmɛ a ti ni komɛ ba ye ngɔ nɛ a ba de mi ke, “Israel ma a, osɔfo ɔmɛ, kɛ Levi bi ɔmɛ tsɔ we a he kɛ ji nihi nɛ ngɛ zugba a nɔ ɔ a he. Ní hiemi níhi nɛ a ngɛ peeɔ, a kɛ mɛ lɛ peeɔ. Kikɛmɛ a zugba amɛ, kɛ ma amɛ ji Kanaan, Hit, Periz, Yebus, Amon, Moab, Egipt, kɛ Amor.

Ezra 9:2

Yuda nyumuhi kɛ a binyumuhi tsuo ya ngɔ zugba a nɔ yihi; nɛ Mawu ma klɔuklɔu ɔ kɛ nɔ́ nɛ ɔ ble a he. Ma tsɔli kɛ ma ní tsuli titli ji nihi nɛ yeɔ fɔ ngɛ kikɛmɛ a nɔ́ nɛ ɔ mi.”