Matsɛmɛ I, 10:5 - BAIBLO ALOO NGMAMI KLƆUKLƆU Ɔ

⁵ Jehanɛ se hu, manyɛ ɔ na niye ní nɛ a kɛ to okplɔɔ ha matsɛ ɔ; e na matsɛ tsɔli nikɔtɔma amɛ nɛ a hii si kɛ bɔle matsɛ ɔ; e na matsɛ sɔmɔli ɔmɛ nɛ a pueɔ si kɛ a he tadehi; e na matsɛ ɔ dã woli, kɛ sami bɔhi nɛ e sãã ngɛ Yawɛ we ɔ. Benɛ Sheba manyɛ ɔ na ní ɔmɛ tsuo ɔ, e he mi po,

Matsɛmɛ I, 10:5 ပူးပေါင်းရင်းမြစ်များ

Kronika I, 26:16

Shupim kɛ Hosa nɔ́ ji agbo ɔ nɛ ngɛ beleku je ɔ, kɛ Shaleket agbo ɔ, ngɛ gbɛjegbɛ nɛ ngɛ yiti je ɔ he.

Ezekiel 46:2

Benɛ osɔfo ɔmɛ ngɛ yayami pami, kɛ tue mi jɔmi bɔ ɔmɛ sãe ɔ, ganɔ ɔ nɛ ngɛ ma a nɔ yee ɔ nɛ gu jamɛ a agbo ɔ mi ngɛ kue ɔ kpo nɔ je kɛ ba, nɛ e ba da si ngɛ agbo ɔ sinya tso ɔ he. E ja Mawu ngɛ agbo ɔ nya ngɛ lejɛ ɔ loko e je kpo. A ko nga agbo ɔ kɛ yaa si gbɔkuɛ.

Ezekiel 44:3

Ganɔ ɔ pɛ lɛ ngɛ he blɔ nɛ e yaa lejɛ ɔ. E ma nyɛ maa hi lejɛ ɔ kɛ ye ní ngɛ Yawɛ hɛ mi. É gu kue ngua a nɛ ngɛ se je ɔ mi kɛ ya, nɛ é gu lejɛ ɔ nɔuu kɛ je kpo.”

Kronika II, 23:13

E maa hyɛ ɔ, matsɛ ɔ ji nɛ ɔ nɛ daa si ngɛ titima a he kaa bɔ nɛ kusumi ɔ ngɛ ɔ. Asafoatsɛmɛ ɔmɛ, kɛ titimati kpali ɔmɛ daa si kɛ bɔle lɛ, nɛ ma a tsuo ngɛ lele hwɔe, nɛ a ngɛ titimati kpae. Lali ɔmɛ hu ngɛ lae, nɛ a ngɛ saku fiae kɛ nyɛɛ ma a hɛ mi kɛ ngɛ nyami ɔ he sɔ woe. Kɛkɛ nɛ Atalia hía tade ɔmɛ ngɛ e he, nɛ e kpa bubuubui, nɛ e de ke, “Nyɛ tsɔ atuã! Nyɛ tsɔ atuã!”

Kronika II, 9:4

Jehanɛ se hu, manyɛ ɔ na niye ní nɛ a kɛ to okplɔɔ ha matsɛ ɔ; e na matsɛ sɔmɔli ɔmɛ nɛ a pueɔ si kɛ a he tadehi; e na matsɛ ɔ dã woli, kɛ sami bɔhi nɛ a sãã ngɛ Yawɛ we ɔ. Benɛ Sheba manyɛ ɔ na ní nɛ ɔmɛ tsuo ɔ, e he mi po.

Kronika I, 9:18

Kɛ ba si jamɛ a be ɔ mi ɔ, nimli nɛ ɔmɛ ji ni nɛmɛ nɛ buɔ Matsɛ agbo ɔ nya ngɛ beleku je. Kekle ɔ lɛɛ mɛ nɛ a buɔ agbo ɔ nya kɛ yaa Levi bi ɔmɛ a si tomi he ɔ.

Matsɛmɛ II, 16:18

Ahaz je nɔ́ ɔ nɛ a kɛ matsɛ sɛ ɔ maa nɔ ɔ ngɛ Yawɛ we ɔ hulɔ. E pee nɔ́ nɛ ɔ nɛ e kɛ sa Asiria matsɛ ɔ hɛ mi.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Luka 18:10

“Ligbi ko ɔ, ni enyɔ ya sɔlemi we ɔ nɛ a ya sɔle; nɔ kake ɔ, Farisi no ji lɛ, nɛ nɔ kake lɛɛ tó tsulɔ.

Matsɛmɛ I, 10:4

Sheba manyɛ ɔ nu Salomo nile munyu ɔmɛ, nɛ e na matsɛ we ɔ nɛ e po ɔ.

Matsɛmɛ I, 10:6

nɛ e de Matsɛ Salomo ke, “O he sane, kɛ o nile nɛ i nu he ngɛ imi nitsɛ ye zugba a nɔ ɔ, anɔkuale sɔuu.