Matsɛmɛ I, 10:3 - BAIBLO ALOO NGMAMI KLƆUKLƆU Ɔ

³ nɛ Salomo ha lɛ munyu ɔmɛ tsuo a heto; ekoeko be nɛ he wa tsɔ nɛ e nyɛ we nɛ e ha heto.

Matsɛmɛ I, 10:3 ပူးပေါင်းရင်းမြစ်များ

Kolosebi 2:3

Nile, kɛ juɛmi nɛ mi kuɔ ɔ, Kristo mi a naa ngɛ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Abɛ Womi 13:20

Nɔ nɛ kɛ ní leli nyɛɛɔ ɔ, e leɔ ní. Se nɔ nɛ kɛ kuasiahi bɔɔ ɔ, haomi lɛ baa e nɔ.

Kronika II, 9:2

Salomo ha lɛ munyu ɔmɛ tsuo a heto; ekoeko be nɛ wa tsɔ ha lɛ nɛ e nyɛ we nɛ e ha heto.

Matsɛmɛ I, 10:1

Benɛ Sheba manyɛ nu bɔ nɛ Salomo he biɛ ha a, e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa.

Matsɛmɛ I, 3:12

nɔ́ nɛ o bi ɔ, ma pee ha mo. Ma ha mo nile, kɛ nɔ́ sisi numi babauu bɔ nɛ nɔ ko hí si hyɛ nɛ e kɛ mo sɔ, nɛ o se hu nɔ ko nɔ ko ba be nae nɛ e kɛ mo maa sɔ.

Samuel II, 14:20

O tsɔlɔ Yoab to ga nɛ ɔ, nɛ́ e dla sane ɔ he. Se nɛnɛ lɛɛ e ngɛ kaa Mawu bɔfo; e le nɔ́ tsuaa nɔ́ ngɛ je ɔ mi.”

Samuel II, 14:17

I heɔ yeɔ kaa munyu nɛ nɛnɛ maa tu ɔ maa jɔɔ ye bua; ejakaa mo nɛnɛ ɔ, o ngɛ kaa Mawu bɔfo; o le slɔɔto nɛ ngɛ kpakpa kɛ yayami a kpɛti. Yawɛ, o Mawu ɔ nɛ e gbaa mo.”

Matsɛmɛ I, 10:2

Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ ba na Salomo ɔ, e bi Salomo munyuhi tsuo nɛ ngɛ e yi mi,

Matsɛmɛ I, 10:4

Sheba manyɛ ɔ nu Salomo nile munyu ɔmɛ, nɛ e na matsɛ we ɔ nɛ e po ɔ.