Matsɛmɛ I, 10:12 - BAIBLO ALOO NGMAMI KLƆUKLƆU Ɔ

¹² Salomo kɛ tso nɛ ɔmɛ eko kpɛ piɛ ngɔ wo Yawɛ we ɔ, kɛ matsɛ we ɔ a he, nɛ e kɛ eko hu pee kpa sakuhi, kɛ bɛhi ha e lali ɔmɛ. Tso ɔmɛ nɛ a kɛ ba a, a nɛ a henɔ ko hyɛ ngɛ Israel kɛ ba si mwɔnɛ ligbi nɛ ɔ.

Matsɛmɛ I, 10:12 ပူးပေါင်းရင်းမြစ်များ

Kronika I, 23:5

akpe eywiɛ maa bu agbo nya, nɛ akpe eywiɛ hu maa fia saku ɔmɛ nɛ matsɛ ɔ pee ɔ kɛ je Yawɛ yi.

Samuel II, 6:5

Jamɛ a be ɔ, David kɛ Israel bi ɔmɛ tsuo ngɛ lae nɛ a ngɛ doe kɛ a he wami tsuo kɛ ngɛ Yawɛ hɛ mi nyami woe. A fiɛ do, nɛ a fia kpa saku slɔɔtohi, kɛ ngmlɛhi, kɛ gɔgɔhi.

Matsɛmɛ I, 10:11

Hiram lɛ ɔmɛ nɛ ngɔ sika tsu kɛ je Ofir kɛ ba a, a ngɔ tsohi, kɛ tɛhi nɛ a he jua wa hu babauu kɛ ba.

Matsɛmɛ I, 10:13

Nɔ́ tsuaa nɔ́ nɛ Sheba manyɛ ɔ ngɛ hlae nɛ e bi matsɛ Salomo ɔ, e ha lɛ; slo níhi nɛ je Salomo nitsɛ tsui mi nɛ e ha lɛ. Pee se ɔ, manyɛ ɔ, kɛ e tsɔli ɔmɛ kpale a se kɛ ho Sheba zugba a nɔ ya.

Kronika II, 9:11

Salomo kɛ tso ɔ eko pee kpokuhi ngɛ Yawɛ we ɔ, kɛ matsɛ we ɔ mi, nɛ e kɛ eko hu pee kpa sakuhi, kɛ bɛhi kɛ ha lali ɔmɛ. Tso ɔmɛ nɛ a ngɔ kɛ ba a, a nɛ a henɔ ko hyɛ ngɛ Yuda zugba a nɔ.