Matsɛmɛ I, 1:9 - BAIBLO ALOO NGMAMI KLƆUKLƆU Ɔ

⁹ Ligbi ko ɔ, Adoniya ya gbe to, na, kɛ lohwehi nɛ wo zɔ ngɛ tɛ sa ko nɛ a tsɛɛ sinɔ tɛ sa a nɔ, ngɛ Enrogel kasa nya; nɛ e kpee e nyɛmimɛ ɔmɛ tsuo nɛ ji Matsɛ David binyumu kpa amɛ, kɛ matsɛ tsɔli ɔmɛ tsuo nɛ je Yuda a.

Matsɛmɛ I, 1:9 ပူးပေါင်းရင်းမြစ်များ

Samuel II, 17:17

Jamɛ a be ɔ, Yonatan kɛ Ahimaaz ngɛ mlɛe ngɛ Enrogel pa a he ngɛ Yerusalem kasa nya. Nɛ́ nɔ ko kó na mɛ he je ɔ, a yɛ ma a mi. Ke pee ɔ, mawayo ko kɛ sɛ gbi ya haa mɛ, kɛkɛ mɛ hu a ya de David.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Yoshua 15:7

Kɛ je lejɛ ɔ, huzu ɔ ya gu Haomi kɔ̃ ɔ mi kɛ ya su Debir, nɛ e lɔgɔ kɛ gu Gilgal ngɛ Adumim yo kpɛ blɔ ɔ nɔ ngɛ kɔ̃ ɔ leneyi je. Huzu ɔ tsa nɔ kɛ ya gu Enshemesh pa a nya kɛ ya su Enrogel.

Mateo 22:4

E kpale tsɔ ni kpahi ke a ya de nihi nɛ a kpee ɔ ke, ‘I gbe niye ní ɔ nya. A gbe na, kɛ lohwe kpakpahi nɛ wo zɔ; a gbe nɔ́ tsuaa nɔ́ nya. Nyɛɛ ba yo kpeemi okplɔɔ ɔ he koo!’

Yoshua 18:16

Jehanɛ, huzu ɔ kple si kɛ ho yo ɔ nɛ ngɛ Hinom kɔ̃ ɔ mi ɔ kuɔ si ya, ngɛ Refaim kɔ̃ ɔ omleyi je. E gu Hinom kɔ̃ ɔ mi, ngɛ Yebus bi ɔmɛ a yoku ɔ leneyi je, kɛ ho Enrogel ya.

Matsɛmɛ I, 1:19

E gbe to, na, kɛ lohwehi nɛ wo zɔ babauu, nɛ e kpee o binyumu ɔmɛ tsuo, osɔfo Abiatar, kɛ o tatsɛ Yoab; se o bi Salomo lɛɛ e kpee we lɛ.

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’