Matsɛmɛ I, 1:7 - BAIBLO ALOO NGMAMI KLƆUKLƆU Ɔ

⁷ E kɛ Zeruya binyumu Yoab, kɛ osɔfo Abiatar sɛɛ e yi mi tomi ɔ he ní, nɛ a kplɛɛ kaa a maa piɛ e he.

Matsɛmɛ I, 1:7 ပူးပေါင်းရင်းမြစ်များ

Samuel II, 20:25

Ahilud bi Yehoshafat ji sanehi ngmalɔ; Sheva ji pɛdiyo; Zadok kɛ Abiatar ji osɔfohi,

Matsɛmɛ I, 2:22

Matsɛ Salomo bi e nyɛ ɔ ke, “Mɛni he je o bi mi ke ma ngɔ Abishag kɛ ha Adoniya a? Bi nɛ ma ngɔ matsɛ yemi ɔ hu ngɔ ha lɛ mɔ. Wa wetsɛ ji lɛ! Pi kɛ ha lɛ pɛ; se mohu bi kɛ ha osɔfo Abiatar, kɛ Zeruya binyumu Yoab hulɔ!”

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

Kronika I, 11:6

David de ke, “Nɔ nɛ maa sɛ hlami kɛ gbe Yebus no ko ɔ, jamɛatsɛ ɔ ma ba pee tatsɛ nɔkɔtɔma!” Kɛkɛ nɛ Yoab, nɛ a tsɛɛ e nyɛ ke Zeruya a, ya pee ja; nɛ a wo lɛ tatsɛ nɔkɔtɔma.

Samuel II, 20:23

Yoab ji Israel tatsɛ nɔkɔtɔma; Yehoyada bi Benaya ji Keret bi ɔmɛ, kɛ Pelet bi ɔmɛ a nyatsɛ.

Samuel II, 15:35

Osɔfo Zadok, kɛ osɔfo Abiatar ngɛ lejɛ ɔ. Lɔ ɔ he ɔ, nɔ́ tsuaa nɔ́ nɛ o maa nu kɛ je matsɛ we ɔ mi ɔ, mo de mɛ.

Samuel II, 15:12

Benɛ Absalom ngɛ bɔ ɔmɛ sãe ɔ, e tsɔ ya kpee Ahitofel kɛ je Gilo kɛ ba. Ahitofel nɛ ɔ, David ga wolɔ ji lɛ, nɛ e ma mi ji Gilo. Enɛ ɔ wo matsɛ ɔ yi nɔ nɛ a ngɛ soe ɔ mi he wami; nɛ nihi nɛ nyɛɛ Absalom se ɔ, a he ba bɔni hiɛmi.

Samuel II, 8:16

Yoab, nɛ e nyɛ biɛ ji Zeruya a, ji tatsɛ nɔkɔtɔma; Ahilud binyumu Yehoshafat ji sanehi ngmalɔ;

Kronika I, 27:34

Benɛ Ahitofel gbo ɔ, Benaya bi Yehoyada, kɛ Abiatar ba pee ga woli. Yoab ji matsɛ tabo ɔ nyatsɛ.