Matsɛmɛ I, 1:4 - BAIBLO ALOO NGMAMI KLƆUKLƆU Ɔ

⁴ Yiheyo nɛ ɔ he ngɛ fɛu saminya. E ba hi matsɛ ɔ he, nɛ e hyɛ lɛ, se matsɛ ɔ tɛ e he.

Matsɛmɛ I, 1:4 ပူးပေါင်းရင်းမြစ်များ

Mateo 1:25

Se e kɛ lɛ na we nyumu kɛ yo bɔmi hluu kɛ ya su be nɛ Maria fɔ binyumu. Nɛ Yosef wo lɛ biɛ ke Yesu.

Matsɛmɛ I, 1:3

A ya kpa Israel zugba a nɔ tsuo kaa a maa na yiheyo ko nɛ he ngɛ fɛu lo, kɛ ya si a ya na Abishag ngɛ Shunem; nɛ a ngɔ lɛ kɛ ba ha matsɛ ɔ.

Matsɛmɛ I, 1:5

Absalom senɔ Adoniya, nɛ ji David yo, Hagit binyumu ɔ ba bɔni e he nɔ womi, nɛ e fia pɛɛ si kaa ja e ye matsɛ kokooko. Enɛ ɔ he je ɔ, e dla e he kɛ ta zugba lɛhi, okpɔngɔhi, kɛ nyumuhi nyingmi enuɔ nɛ a maa hi fo tue kɛ nyɛɛ e hɛ mi. Adoniya he ngɛ fɛu saminya; e wami be mi tsuo e tsɛ kã we e hɛ mi hyɛ.

Matsɛmɛ I, 2:17

Adoniya de lɛ ke, “I kpa mo pɛɛ nɛ o de Matsɛ Salomo nɛ e kɛ Shunem yiheyo ɔ nɛ a tsɛɛ lɛ Abishag ɔ ha mi nɛ ma ngɔ. I le kaa ke moo o bi lɛ ɔ, e be kuae.”

Matsɛmɛ I, 2:21

Batsheba de lɛ ke, “Ngɔɔ Shunem yiheyo ɔ nɛ a tsɛɛ lɛ Abishag ɔ kɛ ha o nyɛminyumu Adoniya nɛ e ngɔ.”

Mose I, 12:11

Benɛ e piɛ bɔɔ nɛ a maa su Egipt ɔ, e de e yo Sarai ke, “Sarai, i le kaa yo nɛ he ngɛ fɛu ji mo.