Matsɛmɛ I, 1:13 - BAIBLO ALOO NGMAMI KLƆUKLƆU Ɔ

¹³ Yaa Matsɛ David ngɔ esɔ, nɛ o ya de lɛ ke, ‘Ye nyɔmtsɛ matsɛ! Anɛ o ka we mi kita kaa ye bi Salomo ma ba ye tsɛ ngɛ o se lo? Mɛni he je mɔ nɛ Adoniya ngɛ matsɛ yee ɔ?’ ”

Matsɛmɛ I, 1:13 ပူးပေါင်းရင်းမြစ်များ

Matsɛmɛ I, 1:30

kaa si ko nɛ i wo mo ngɛ Yawɛ, Israel Mawu ɔ hɛ mi ke o bi Salomo maa ye tsɛ ngɛ ye se ɔ, ma ye jamɛ a si womi ɔ nɔ mwɔnɛ ligbi nɛ ɔ.”

Matsɛmɛ I, 1:17

E he nɔ ke, “Ye nyɔmtsɛ! O wo mi si veveeve ngɛ o Mawu ɔ biɛ mi kaa ye bi Salomo ma ba ye tsɛ ngɛ o se.

Yeremia 33:21

I kɛ ye tsɔlɔ David so somi kaa e nina maa ye matsɛ daa. Jehanɛ se hu, i kɛ osɔfohi nɛ je Levi wɛtso ɔ mi ɔ hu so kaa a ma sɔmɔ mi daa be tsuaa be. Kikɛmɛ a somi nɛ ɔmɛ ɔ, nɔ ko nɔ ko be nyɛe maa po a mi.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Kronika I, 29:23

Lɔ ɔ he ɔ, Salomo ba hi matsɛ sɛ ɔ nɛ Yawɛ nitsɛ to sisi ɔ nɔ ngɛ e tsɛ David nane mi. E matsɛ yemi ɔ ya nɔ wawɛɛ nitsɛ, nɛ Israel ma a tsuo buɔ lɛ tue.

Matsɛmɛ I, 2:12

Salomo ba ye matsɛ ngɛ e tsɛ David se, nɛ e matsɛ yemi ɔ ma si saminya.

Matsɛmɛ I, 1:48

nɛ e sɔle ke, ‘A je Yawɛ, Israel Mawu ɔ yi kaa e hla ye binyumu ɔmɛ a kpɛti nɔ kake kɛ ba hi ye sɛ ɔ nɔ mwɔnɛ ligbi nɛ ɔ; nɛ i na nɔ́ nɛ ɔ kɛ imi nitsɛ ye hɛngmɛ.’ ”

Matsɛmɛ I, 1:24

nɛ e de lɛ ke, “Ye nyɔmtsɛ matsɛ, anɛ o de ke Adoniya ma ba ye tsɛ ngɛ o se lo?

Matsɛmɛ I, 1:11

Kɛkɛ nɛ Natan ya de Salomo nyɛ Batsheba ke, “Anɛ o le kaa Hagit binyumu Adoniya ngɛ matsɛ yee be mi nɛ wa nyɔmtsɛ David li he nɔ́ ko lo?

Matsɛmɛ I, 1:35

Jehanɛ, nyɛɛ nyɛɛ e se kɛ ba hiɛ ɔ, nɛ e ba hi ye matsɛ sɛ ɔ nɔ; ejakaa i hla lɛ kaa e ye tsɛ ngɛ Israel kɛ Yuda ngɛ ye se.”

Mose V, 17:18

Ke matsɛ ɔ ba hi sɛ ɔ nɔ ɔ, nɔ́ nɛ é pee mohu ji e ha nɛ a ngma Mawu mlaa amɛ, kɛ tsɔɔmi ɔmɛ kɛ je mlaa womi ɔ nitsɛ mi kɛ wo womi mi. Mlaa womi ɔ nitsɛ ɔ, Levi bi ɔmɛ nɛ ji osɔfo ɔmɛ a dɛ e hii.

Matsɛmɛ I, 1:14

Natan ya nɔ nɛ e de lɛ ke, “Be mi nɛ o kɛ matsɛ ɔ ngɛ munyu tue ɔ, ma nyɛɛ o se kɛ ba, nɛ ma ba ma nɔ́ tsuaa nɔ́ nɛ o ma de ɔ nɔ mi.”

Kronika I, 28:5

E ha mi bimɛ babauu, nɛ e hla Salomo kɛ je ye binyumu ɔmɛ tsuo a kpɛti ke e ba hi matsɛ sɛ ɔ nɔ nɛ e ye Yawɛ nitsɛ ma, Israel ɔ nɔ.