Mateo 9:38 - BAIBLO ALOO NGMAMI KLƆUKLƆU Ɔ

³⁸ Lɔ ɔ he ɔ, nyɛ kpa ngmɔtsɛ ɔ pɛɛ, konɛ e wo apaatsɛmɛ blɔ kɛ ba bua ní nya.”

Somi He Ɔ

³⁸ Lɔ ɔ he ɔ nyɛ kpa ni kpami nyɔmtsɛ ɔ pɛɛ konɛ e wo ni tsuli blɔ kɛ ba e ni kpami ɔ mi.”

Mateo 9:38 ပူးပေါင်းရင်းမြစ်များ

La 68:11

Nyɔmtsɛ ɔ wo gbi, nɛ nihi babauu ngɔ sɛ gbi ɔ kɛ ho ke,

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Yeremia 3:15

Ma ha nyɛ nɔ yeli nɛ peeɔ ye suɔmi nya ní, nɛ a kɛ nile kɛ nɔ́ sisi numi maa hyɛ nyɛ nɔ.

Mika 5:7

Israel ma nɛ piɛ ɔ ma ha nɛ je mahi babauu ma na bua jɔmi ekohu kaa bɔ́ nɛ je Yawɛ ngɔ, aloo hiɔmi nɛ́ nɛ ngɔ pue nga nɔ. A maa ngɔ a hɛ ngɔ fɔ Mawu nɔ, se pi nɔmlɔ nɔ.

Mateo 9:37

Kɛkɛ nɛ e de e kaseli ɔmɛ ke, “Ngmɔ ɔ ba ní saminya; se mohu apaatsɛmɛ ɔmɛ lɛ a he pi.

Yohane 20:21

Jehanɛ ɔ, Yesu kpale de mɛ ekohu ke, “Nyɛ he manye! Bɔ nɛ Tsɛ ɔ tsɔ mi ɔ, ja nɔuu imi hu i ngɛ nyɛ tsɔe.”

Yohane 4:35

Tse nyɛ deɔ ke, ‘E piɛ hlami eywiɛ nɛ a ma kpa ní.’ Se i ngɛ nyɛ dee ke, nyɛɛ hyɛ ngmɔ ɔmɛ a nɔ kɛ kpe, nɛ nyɛ maa na kaa ní ba, nɛ e kpami be su nɛ a ma bua nya.

Ni Tsumi 13:2

Benɛ kaseli ɔmɛ ngɛ Nyɔmtsɛ ɔ jae, nɛ a ngɛ hwɔ hae ɔ, Mumi Klɔuklɔu ɔ de mɛ ke, “Nyɛɛ hla Barnaba kɛ Saulo ngɔ ha mi, konɛ a tsu ní tsumi nɛ i tsɛ mɛ ngɛ he ɔ.”

Ni Tsumi 8:4

Nihi nɛ gbɛ fĩa a ya kpa si nɛ a fiɛ sane kpakpa a.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

2 Tesalonikabi 3:1

Nyagbe ɔ, nyɛmimɛ, nyɛɛ sɔle ha wɔ, konɛ Nyɔmtsɛ ɔ munyu ɔ nɛ ya nɔ nɛ e gbɛ fĩa, nɛ a he lɛ kɛ manye ngɛ he tsuaa he kaa bɔ nɛ nyɛ hu nyɛ pee ɔ.